ప్రియుడితో కలిసి భర్త హత్య

ఆపై ఆత్మహత్యగా చిత్రీకరణ
23 రోజుల తర్వాత వెలుగులోకి
మృతుడి భార్య సహా మరో ఇద్దరి అరెస్టు

విశాఖపట్నం: సైన్యంలో హవల్దార్‌గా పనిచేస్తున్న తన భర్తను ప్రియుడితో కలిసి ఓ భార్య అంతమొందించింది. ఆపై ఆత్మహత్యగా చిత్రీకరించింది. అనంతరం సైనిక అధికారులను సంప్రదించి తన భర్తకు  రావాల్సిన నగదు మొత్తాలపై ఒత్తిడి తీసుకువచ్చింది. అనుమానం వచ్చిన అధికారులు పోలీసులకు సమాచారం అందించారు. వారు రంగంలో దిగి తమదైన శైలిలో దర్యాప్తు చేయడంతో 23 రోజుల తర్వాత అసలు విషయం బయటపడింది. సీపీ ఆర్‌కే మీనా మంగళవారం వెల్లడించిన వివరాల ప్రకారం... మద్దిలపాలెంలో అత్త, భర్త, ఇద్దరు పిల్లలతో కలిసి నివసిస్తున్న దల్లి జ్యోతి(26) గతనెల 19న ఎంవీపీ కాలనీ పోలీసులకు ఫోన్‌ చేసింది. తన భర్త సతీష్‌కుమార్‌(32) ఫ్యాన్‌కు ఉరివేసుకొని ఆత్మహత్య చేసుకున్నాడని తెలిపింది. కుటుంబసభ్యులు ఎలాంటి అనుమానాలు వ్యక్తం చేయక పోవడంతో పోలీసులు ఆత్మహత్య కేసుగా నమోదు చేసి మృతదేహాన్ని పోస్టుమార్టం కోసం తరలించారు.

మత్తు మందు ఇచ్చి... చున్నీతో మెడ బిగించి..
సతీష్‌ భార్య జ్యోతికి 9 నెలల క్రితం పాత జైలురోడ్డుకు చెందిన సిమ్మా భరత్‌కుమార్‌(24)తో పరిచయం ఏర్పడింది. అది వివాహేతర సంబంధానికి దారితీసింది. సెలవుపై వచ్చిన సతీష్‌కుమార్‌కు ఈ విషయం తెలియడంతో ఆయన భార్యను నిలదీశారు. భర్త అడ్డు తొలగించుకోవాలని భావించిన జ్యోతి...  ప్రియుడు భరత్‌కుమార్‌, కొత్తరేసపువానిపాలేనికి చెందిన గొడ్ల భాస్కర్‌రావు(22) సాయంతో పథకం రచించింది. గత నెల 18న సతీష్‌కుమార్‌ తాగుతున్న మద్యంలో జ్యోతి నిద్ర మాత్రలను కలిపి ఇవ్వడంతో అతను మత్తులోకి జారుకున్నాడు. అర్ధరాత్రి భరత్‌, భాస్కర్‌ ఇంట్లోకి చొరబడి మత్తులో ఉన్న సతీష్‌కుమార్‌ మెడకు చున్నీని బలంగా బిగించి హత్యకు పాల్పడ్డారు. మృతదేహాన్ని చీరతో ఫ్యాన్‌కి వేలాడదీసి ఆత్మహత్యగా చిత్రీకరించారు. ఈ ఘటనకు సంబంధించి ముగ్గురు నిందితులపై కేసు నమోదు చేసి రిమాండ్‌కి తరలిస్తున్నామని సీపీ ఆర్‌కే మీనా వివరించారు. పోస్టుమార్టం నివేదిక, ఆర్‌ఎఫ్‌ఎస్‌ఎల్‌కు పంపించిన నమూనాల ఫలితాలు అందాక విచారణను వేగవంతం చేశామని ఆయన చెప్పారు.

మరిన్ని

చేబ్రోలు యువకుడి ‘జాబ్‌’పాట్‌.. ఒకేసారి 4 ఉద్యోగాలు [11:11]

తూర్పుగోదావరి జిల్లా గొల్లప్రోలు మండలం చేబ్రోలు గ్రామానికి చెందిన రాయుడు త్రిమూర్తులు(27) అనే యువకుడు రాసిన ప్రతి పోటీ పరీక్షలోనూ ప్రతిభ కనబరిచి 5 నెలల కాలంలో 4 ఉద్యోగాలకు ...

ప్రధానోపాధ్యాయుడి దారుణ హత్య [12:51]

తూర్పుగోదావరి జిల్లా కాకినాడ గ్రామీణ మండలం తూరంగిలో వెంకట్రావు అనే ప్రధానోపాధ్యాయుడు దారుణ హత్యకు గురయ్యారు...

ఒక్కో పరుగు తీసేందుకు కష్టపెడతారు [18:04]

ఇంగ్లాండ్‌ ఓపెనింగ్‌ బ్యాట్స్‌మన్‌ జోడెన్లీ ఆసీస్‌ బౌలర్లను కొనియాడాడు. ఒక్కో పరుగు తీసేందుకు కంగారూలు చాలా కష్టపెడతారని చెప్పాడు. బ్యాట్స్‌మన్‌ ఓపెనింగ్‌ చేసే ప్రతీసారి బాగా ఆడి మంచి...

ఎన్నిసార్లు చెప్పినా అబద్ధం నిజం కాదు: హరీశ్‌ [17:53]

కాంగ్రెస్‌, భాజపా ప్రభుత్వాలు తెలంగాణకు అన్యాయం చేశాయని ఆర్థికశాఖ మంత్రి హరీశ్‌రావు విమర్శించారు. ఎనిమిదేళ్ల కాంగ్రెస్‌ పాలనలో మధ్య మానేరు ప్రాజెక్టు నిర్మాణం కోసం ఆ పార్టీ పెట్టిన ఖర్చు రూ.107 కోట్లు కాగా.. తెరాస ప్రభుత్వం రూ.617 కోట్లు ఖర్చు పెట్టి,  

బోటులో వెళ్లిన పర్యాటకుల వివరాలివే! [17:43]

గోదావరిలో జరిగిన ఘోర బోటు ప్రమాదంలో సహాయక చర్యలు కొనసాగుతున్నాయి. గల్లంతైనవారికోసం ఎన్డీఆర్‌ఎఫ్‌ బృందాలు నదిలో గాలిస్తున్నాయి. రాయల్‌ వశిష్ఠ

హ్యాట్రిక్‌ కొట్టేందుకు సిద్ధమయ్యారు! [17:31]

నందమూరి బాలకృష్ణ-దర్శకుడు బోయపాటి శ్రీను కాంబినేషన్‌లో మూడో సినిమా రాబోతోంది. వీరిద్దరూ ‘సింహా’, ‘లెజెండ్‌’ సినిమాలతో సక్సెఫుల్‌ కాంబినేషన్‌ అనిపించుకున్నారు. ఇప్పుడు మరో ప్రాజెక్టుకు శ్రీకారం చుడుతున్నట్లు అధికారికంగా ప్రకటించారు. ఇంకా సినిమా టైటిల్‌ ఖరారు చేయలేదని పేర్కొన్నారు. డిసెంబరు నుంచి చిత్రీకరణ ప్రారంభం అవుతుందని తెలిపారు.

స్మిత్‌ అద్భుత క్యాచ్‌ చూశారా? [17:19]

శనివారం ఓవర్‌నైట్‌ స్కోర్‌ 9/0తో మూడోరోజు ఆటను కొనసాగించిన ఇంగ్లాండ్‌ మ్యాచ్‌పై పట్టుబిగించింది. జోడెన్లీ(94), బెన్‌స్టోక్స్‌(67), జోస్‌బట్లర్‌(47) రాణించడంతో భారీ స్కోర్‌ దిశగా సాగుతోంది...

మృతుల కుటుంబాలకు రూ.10లక్షలు [17:07]

తూర్పుగోదావరి జిల్లాలో జరిగిన బోటు ప్రమాదంలో మృతుల కుటుంబాలకు ఏపీ ప్రభుత్వం ఎక్స్‌గ్రేషియా ప్రకటించింది. ఘటనపై సీఎం జగన్‌ అధికారులతో

టాప్‌ 10 న్యూస్‌@ 5 PM [16:59]

తూర్పుగోదావరి జిల్లా కచులూరు మందం దగ్గర గోదావరిలో జరిగిన పర్యాటక బోటు ప్రమాదం విషాదాంతమైంది. బోటులో పాపికొండల పర్యాటకానికి వెళ్లిన వారిలో ఇప్పటి వరకు 12 మంది మృతిచెందినట్లు తెలుస్తోంది. మరో 24 మంది సురక్షితంగా ఒడ్డుకు చేరుకున్నట్లు సమాచారం.

పీవీ అమ్మకాల్లో పడిన మారుతీ వాటా [16:57]

వాహనాల అమ్మకాల్లో మందగమనం నేపథ్యంలో దేశీయంగా ప్రయాణికుల వాహనాలను (పీవీ) తయారు చేసే మారుతీ సుజుకీ, టాటామోటార్స్‌ మార్కెట్‌ వాటాలు పడిపోయాయి. ఏప్రిల్‌-ఆగస్టు అమ్మకాల్లో ఆ