స్మిత్‌ గేలి చేసింది లీచ్‌ను కాదు..!

లండన్‌: బాల్‌ టాంపరింగ్‌ వివాదంతో ఏడాది పాటు నిషేధానికి గురైన ఆసీస్ ఆటగాడు స్టీవ్‌ స్మిత్‌కు మరో సమస్య తలెత్తింది. యాషెస్‌ సిరీస్‌లోని నాలుగో టెస్టులో ఆస్ట్రేలియా 185 పరుగుల తేడాతో గెలిచిన సంగతి తెలిసిందే. దీంతో ఐదు టెస్టుల సిరీస్‌లో ఆసీస్‌ 2-1తో ఆధిక్యంలో నిలిచింది. విజయానంతరం ఆసీస్‌ ఆటగాళ్లు సంబరాలు చేసుకున్నారు. ఇంగ్లాండ్‌ స్పిన్నర్‌ లీచ్‌ తరహాలో స్మిత్‌ కళ్లద్దాలు పెట్టుకోగా ఆసీస్ ఆటగాళ్లు అతడిని ఔట్‌ చేస్తున్నట్లుగా నటించారు. దీంతో లీచ్‌ను గేలి చేసినట్లు భావించిన ఇంగ్లాండ్‌ అభిమానులు స్మిత్‌పై పెద్దఎత్తున మండిపడ్డారు. మోసగాడు ఇలా వ్యవహరించడం ఆశ్చర్యమేమి కాదని కామెంట్లు చేస్తున్నారు. అయితే స్మిత్‌ అనుకరించింది ఆసీస్‌ ఆటగాడు క్రిస్ రోజర్స్‌ను అని లీచ్‌ను కాదని ఆస్ట్రేలియా కోచ్‌ జస్టిన్ లాంగర్‌ తెలిపాడు. 

‘నేను అక్కడే ఉన్నాను. నిజం నాకు తెలుసు. వారు క్రిస్‌ రోజర్స్‌ గురించి మాట్లాడుకున్నారు. జట్టులో రోజర్స్‌ గొప్ప సభ్యుడు. కానీ ప్రజలు వారికి నచ్చింది ఊహించికొని ప్రచారం చేసుకుంటున్నారు. దానికి మేము బాధ్యత వహించలేం. ఎవరైనా గొప్పగా ఆడుతుంటే వారిపై ఇలాంటివి సృష్టిస్తారని తెలుసు. ఈ సిరీస్‌లో ఆటగాళ్లు గొప్పగా పోరాడుతున్నారు’ అని లాంగర్‌ అన్నాడు. మూడో టెస్టులో బెన్ స్టోక్స్‌కు లీచ్‌ అండగా నిలవడంతో ఇంగ్లాండ్‌ వికెట్‌ తేడాతో గెలిచి రికార్డు నెలకొల్పిన విషయం తెలిసిందే. యాషెస్‌ సిరీస్‌లో స్మిత్ ఇంగ్లాండ్‌కు కొరకరాని కొయ్యగా మారాడు. మూడు టెస్టుల్లో 134.2 సగటుతో ఏకంగా 671 పరుగులు చేశాడు. నాలుగో టెస్టులో డబుల్‌ సెంచరీతో పాటు 82 పరుగులు చేసిన అతడు జట్టు విజయంలో కీలక పాత్ర పోషించాడు.

మరిన్ని

సరికొత్త లుక్‌లో బాలకృష్ణ.. ఎందుకోసం..? [00:54]

పాత్ర అంటే ప్రాణం పెట్టే నటుల్లో అగ్ర కథానాయకుడు నందమూరి బాలకృష్ణ ఒకరు. ప్రస్తుతం ఆయనకు సంబంధించిన ఒక ఫొటో సామాజిక మాధ్యమాల...

గుజరాత్‌లో ఘోర రోడ్డు ప్రమాదం [00:53]

గుజరాత్‌ రాష్ట్రంలోని సురేంద్రనగర్‌ జిల్లా ఘోర దేవ్‌పరా వద్ద ఆదివారం రాత్రి ఘోర రోడ్డు ప్రమాదం చోటుచేసుకుంది. ఈ ఘటనలో ప్రకాశం జిల్లాకు చెందిన ఐదుగురు దుర్మరణం చెందగా, మరో ఐదుగురు గాయపడ్డారు.

ఫేస్‌బుక్‌ పోస్టు.. సినిమాలాంటి ట్విస్టు [00:53]

మంచి చేసేవాళ్లకు ఎప్పటికైనా మంచి జరుగుతుందని చాలామంది నమ్ముతారు. ఈ వార్త చదివితే ఎవరికైనా అది  నిజమనిపించక మానదు.

రూపాయి విలువ చేసే చాక్లెట్లు దొంగిలించాడని.. [00:53]

బెంగళూరులో దారుణం జరిగింది. రెండు చాక్లెట్లు దొంగిలించినందుకు ఓ బాలుడి జుట్టు, కనుబొమ్మలు, కనురెప్పల వెంట్రుకలు ఓ సూపర్‌ మార్కెట్‌ యజమాని కత్తిరించాడు...........

హైదరాబాద్‌లో కాళ్లు,చేతులు కట్టి ఉరేశారు! [00:53]

గుర్తుతెలియని వ్యక్తులు ఓ యువకుడి కాళ్లు, చేతులు కట్టేసి ఉరివేసిన ఘటన హైదరాబాద్‌ శివారులో చోటుచేసుకుంది. బాలాపూర్‌ ఠాణా పరిధిలో...

రిలయన్స్‌ పెట్రోల్‌ పంపుల్లో విక్రయాల జోరు [00:52]

దేశీయ చమురు రంగ దిగ్గజం రిలయన్స్‌ చమురు రిటైల్‌ మార్కెట్లో కూడా తన హవా కొనసాగిస్తోంది. రిలయన్స్‌కు చెందిన దాదాపు 1,400 పెట్రోల్‌...

ఎన్నెన్నో ప్రకటనలు.. కొన్నే అమలు..! [00:52]

ప్రభుత్వాలు బడ్జెట్లలో ఎన్నో ప్రకటనలను ఆర్థికమంత్రి చేస్తుంటారు. కానీ, వాస్తవంగా వీటిల్లో కొన్నే అమలవుతాయి. ప్రతి ప్రభుత్వంలో ఇవి సర్వసాధారణం...

హార్దిక్‌ కోసం టీమిండియా ఎంపిక ఆలస్యం! [00:52]

మరికొన్ని రోజుల్లో కోహ్లీసేన న్యూజిలాండ్ పర్యటనకు వెళ్లనుంది. జనవరి 24 నుంచి అయిదు టీ20లు, మూడు వన్డేలు, రెండు టెస్టులు ఆడనుంది. ఈ సిరీస్‌లకు భారత జట్టును ఆదివారం సెలక్టర్లు ఎంపిక చేయాల్సి ఉంది. అయితే కివీస్‌ పర్యటనకు భారత

రూ.3 కోట్ల విలువైన వజ్రాలు చోరీ! [00:51]

గుజరాత్‌లోని సూరత్‌లో రూ.3 కోట్ల విలువ చేసే వజ్రాలు చోరీకి గురయ్యాయి. మేనేజర్‌కు అప్పగించాల్సిన వజ్రాలను నమ్మకస్తులైన కార్మికులే ఎత్తుకెళ్లిపోయారని ఫ్యాక్టరీ యాజమాన్యం ....

జీవిత బీమాతో ఎయిర్‌టెల్‌ కొత్త ప్లాన్‌ [00:51]

ప్రముఖ టెలికాం సంస్థ ఎయిర్‌టెల్‌ జీవిత బీమాతో కూడిన మరో ప్రీపెయిడ్‌ ప్యాక్‌ను తీసుకొచ్చింది. రూ.2లక్షల జీవిత బీమాతో కూడిన రూ.179 ప్రీపెయిడ్‌...