గోవు, ఓం పదాలు అంటేనే వారికి అసహనం: మోదీ

దిల్లీ: ఉత్తరప్రదేశ్‌ పర్యటనలో ఉన్న ప్రధాని మోదీ విపక్షాలపై విరుచుకుపడ్డారు. గోవు, ఓం పదాలు వింటేనే కొంతమంది అసహనం వ్యక్తం చేస్తున్నారని.. దేశాన్ని తిరిగి 16వ శతాబ్దంలోకి తీసుకెళ్తున్నారని వ్యాఖ్యానిస్తున్నారన్నారు. అలాంటి అసంబద్ధ వాదనలు చేస్తున్నవారే నిజంగా దేశాన్ని నాశనం చేస్తున్నారని ఆరోపించారు. స్వామి వివేకానంద చికాగోలో చేసిన చరిత్రాత్మక ప్రసంగం సెప్టెంబరు 11నే చేశారని చెబుతూ ఈరోజు విశిష్టతను గుర్తుచేశారు. అలాగే దురదృష్టవశాత్తూ సెప్టెంబరు 11నే ప్రపంచ వాణిజ్య కేంద్రంపై ఉగ్రదాడి జరిగిందన్నారు. ఉగ్రవాదం అంతర్జాతీయ సమస్యగా పరిణమించిందని.. దాయాది దేశంలోనే అది పురుడుపోసుకుంటుందని పరోక్షంగా పాకిస్థాన్‌పై విరుచుకుపడ్డారు. 

ఈ సందర్భంగా మోదీ పలు అభివృద్ధి కార్యక్రమాల్లో పాల్గొన్నారు. జాతీయ పశు వ్యాధి నివారణ పథకాన్ని(ఎన్‌ఏడీసీపీ) మధురలో ప్రారంభించారు. ఈ సందర్భంగా ఆయన అనేక మంది రైతులు, వ్యవసాయ కూలీలతో ముచ్చటించారు. వారి సమస్యల్ని అడిగి తెలుసుకొన్నారు. గోసంరక్షణ కేంద్రాల్లోని ఆవుల్ని దగ్గరి నుంచి పరిశీలించారు. భారత ఆర్థిక వ్యవస్థలో పశుపోషణ, పర్యావరణ ఉత్పత్తులు కీలక భూమిక పోషిస్తున్నాయని గుర్తుచేశారు. అందుకే స్వచ్ఛ భారత్‌, జల్‌ జీవన్‌లాంటి పథకాల్ని ప్రభుత్వం చేపట్టిందన్నారు. అయితే పర్యావరణానికి, అభివృద్ధికి మధ్య సమతుల్యత పాటించాలన్నారు. అలాగే దేశవ్యాప్తంగా 687 జిల్లాల్లో కృషి విజ్ఞాన కేంద్రాల్ని ప్రారంభించామన్నారు. 

ప్రతిఒక్కరూ ప్లాస్టిక్‌ వాడకానికి దూరంగా ఉండాలని మోదీ పిలుపునిచ్చారు. ప్లాస్టిక్‌ వాడకంతో మానవాళికి ప్రమాదం పొంచి ఉందన్నారు. స్వచ్ఛతే సేవా కార్యక్రమాన్ని ప్రారంభించారు. అక్కడి మహిళలతో కలిసి వ్యర్థాల నుంచి ప్లాస్టిక్‌ని వేరుచేసే కార్యక్రమంలో స్వయంగా పాల్గొన్నారు. ఒకేసారి వాడి పడేసే ప్లాస్టిక్‌ని మహాత్మా గాంధీ జయంతియైన అక్టోబర్‌ 2నాటికి ప్రతిఒక్కరూ త్యజించాలని పిలుపునిచ్చారు.

మరిన్ని

చేబ్రోలు యువకుడి ‘జాబ్‌’పాట్‌.. ఒకేసారి 4 ఉద్యోగాలు [11:11]

తూర్పుగోదావరి జిల్లా గొల్లప్రోలు మండలం చేబ్రోలు గ్రామానికి చెందిన రాయుడు త్రిమూర్తులు(27) అనే యువకుడు రాసిన ప్రతి పోటీ పరీక్షలోనూ ప్రతిభ కనబరిచి 5 నెలల కాలంలో 4 ఉద్యోగాలకు ...

ప్రధానోపాధ్యాయుడి దారుణ హత్య [12:51]

తూర్పుగోదావరి జిల్లా కాకినాడ గ్రామీణ మండలం తూరంగిలో వెంకట్రావు అనే ప్రధానోపాధ్యాయుడు దారుణ హత్యకు గురయ్యారు...

ఆటోలో సీటు బెల్టే ఉండదు..జరిమానా ఎలా! [18:17]

నూతన వాహన చట్టం అమలయ్యాక పోలీసులు ఎవరికి ఎందుకు చలాన్లు విధిస్తున్నారో వాహనదారులకు అర్థం కావడం లేదు. మొన్నటికి మొన్న యూపీలో ఓ వ్యక్తికి కారులో హెల్మెట్‌ పెట్టుకోలేదని ట్రాఫిక్‌ పోలీసులు జరిమానా విధించిన విషయం తెలిసిందే.

ఒక్కో పరుగు తీసేందుకు కష్టపెడతారు [18:04]

ఇంగ్లాండ్‌ ఓపెనింగ్‌ బ్యాట్స్‌మన్‌ జోడెన్లీ ఆసీస్‌ బౌలర్లను కొనియాడాడు. ఒక్కో పరుగు తీసేందుకు కంగారూలు చాలా కష్టపెడతారని చెప్పాడు. బ్యాట్స్‌మన్‌ ఓపెనింగ్‌ చేసే ప్రతీసారి బాగా ఆడి మంచి...

ఎన్నిసార్లు చెప్పినా అబద్ధం నిజం కాదు: హరీశ్‌ [17:53]

కాంగ్రెస్‌, భాజపా ప్రభుత్వాలు తెలంగాణకు అన్యాయం చేశాయని ఆర్థికశాఖ మంత్రి హరీశ్‌రావు విమర్శించారు. ఎనిమిదేళ్ల కాంగ్రెస్‌ పాలనలో మధ్య మానేరు ప్రాజెక్టు నిర్మాణం కోసం ఆ పార్టీ పెట్టిన ఖర్చు రూ.107 కోట్లు కాగా.. తెరాస ప్రభుత్వం రూ.617 కోట్లు ఖర్చు పెట్టి,  

బోటులో వెళ్లిన పర్యాటకుల వివరాలివే! [17:43]

గోదావరిలో జరిగిన ఘోర బోటు ప్రమాదంలో సహాయక చర్యలు కొనసాగుతున్నాయి. గల్లంతైనవారికోసం ఎన్డీఆర్‌ఎఫ్‌ బృందాలు నదిలో గాలిస్తున్నాయి. రాయల్‌ వశిష్ఠ

హ్యాట్రిక్‌ కొట్టేందుకు సిద్ధమయ్యారు! [17:31]

నందమూరి బాలకృష్ణ-దర్శకుడు బోయపాటి శ్రీను కాంబినేషన్‌లో మూడో సినిమా రాబోతోంది. వీరిద్దరూ ‘సింహా’, ‘లెజెండ్‌’ సినిమాలతో సక్సెఫుల్‌ కాంబినేషన్‌ అనిపించుకున్నారు. ఇప్పుడు మరో ప్రాజెక్టుకు శ్రీకారం చుడుతున్నట్లు అధికారికంగా ప్రకటించారు. ఇంకా సినిమా టైటిల్‌ ఖరారు చేయలేదని పేర్కొన్నారు. డిసెంబరు నుంచి చిత్రీకరణ ప్రారంభం అవుతుందని తెలిపారు.

స్మిత్‌ అద్భుత క్యాచ్‌ చూశారా? [17:19]

శనివారం ఓవర్‌నైట్‌ స్కోర్‌ 9/0తో మూడోరోజు ఆటను కొనసాగించిన ఇంగ్లాండ్‌ మ్యాచ్‌పై పట్టుబిగించింది. జోడెన్లీ(94), బెన్‌స్టోక్స్‌(67), జోస్‌బట్లర్‌(47) రాణించడంతో భారీ స్కోర్‌ దిశగా సాగుతోంది...

మృతుల కుటుంబాలకు రూ.10లక్షలు [17:07]

తూర్పుగోదావరి జిల్లాలో జరిగిన బోటు ప్రమాదంలో మృతుల కుటుంబాలకు ఏపీ ప్రభుత్వం ఎక్స్‌గ్రేషియా ప్రకటించింది. ఘటనపై సీఎం జగన్‌ అధికారులతో

టాప్‌ 10 న్యూస్‌@ 5 PM [16:59]

తూర్పుగోదావరి జిల్లా కచులూరు మందం దగ్గర గోదావరిలో జరిగిన పర్యాటక బోటు ప్రమాదం విషాదాంతమైంది. బోటులో పాపికొండల పర్యాటకానికి వెళ్లిన వారిలో ఇప్పటి వరకు 12 మంది మృతిచెందినట్లు తెలుస్తోంది. మరో 24 మంది సురక్షితంగా ఒడ్డుకు చేరుకున్నట్లు సమాచారం.