రూ.5.9 ట్రిలియన్‌ డాలర్ల ఖర్చు.. మరి ఫలితం?

5 లక్షలమంది వరకు చనిపోయారు..

ఉగ్రవాదంపై పోరులో భాగంగా ఇరాక్, అఫ్గానిస్థాన్‌, పాకిస్థాన్‌ దేశాల్లో అమెరికా చేపట్టిన యుద్ధంలో దాదాపు 5 లక్షలమంది వరకు ప్రాణాలు కోల్పోయినట్టు అమెరికాలోని ప్రఖ్యాత బ్రౌన్‌ విశ్వవిద్యాలయ నివేదిక వెల్లడించింది. సెప్టెంబరు 11/2001 ఉగ్రదాడుల అనంతరం అమెరికా ఉగ్రవాదంపై పోరును ప్రారంభించింది. (పాక్‌లో ఉగ్రవాద వ్యతిరేక దాడులు కేవలం అఫ్గన్‌ సరిహద్దులకు సమీపంలో ఉన్న ఉగ్రవాదుల శిబిరాలపైనే జరుగుతున్నాయి) 19 ఏళ్లుగా జరుగుతున్న పోరులో ఉగ్రవాదంపై అమెరికా విజయం సాధించిందా అన్న అంశాన్ని పరిశీలిస్తే ఇప్పటికీ లేదనే వెల్లడవుతోంది. అయితే ఈ క్రమంలో అమెరికా ఆర్థికవ్యవస్థ తీవ్రంగా నష్టపోయిందని నివేదిక వెల్లడించింది. దాదాపు 5 లక్షలమంది వరకు సామాన్యులు ఈ పోరులో అసువులు బాసినట్లు తెలిపింది. అమెరికాకు వ్యయం మాత్రం 5.9 ట్రిలియన్‌ డాలర్లని తేలింది.

అంకెల్లో ఉగ్రవాదంపై పోరు..
ఉగ్రవాదులపై సైన్యం దాడులు, ఉగ్రవాదులు బాంబు పేలుళ్లను పేల్చడం, జనావాస ప్రాంతాల్లో జరిగిన పోరులో దాదాపు ఐదు లక్షలమంది చనిపోయారు.

* యుద్ధ ప్రభావంతో  పౌష్టికాహారలోపంతో లక్షలాదిమంది బాలలు అకాలమృత్యువుకు లోనయ్యారు.

* పర్యావరణం, మౌలిక సౌకర్యాలు తీవ్రంగా దెబ్బతిన్నాయి.

* దాదాపు 7 వేల మంది వరకు అమెరికా సైనికులు ప్రాణాలు కోల్పోయారు. మిత్రదేశాల సైనికుల సంఖ్యను తీసుకుంటే ఈ సంఖ్య మరింతగా పెరుగుతుంది.

* అఫ్గన్‌, సిరియా, ఇరాక్‌.. తదితర దేశాలకు చెందిన 21 మిలియన్ల మంది ప్రజలు  తమ నివాసాలను కోల్పోయి శిబిరాల్లో తలదాచుకుంటున్నారు.

* ప్రపంచవ్యాప్తంగా దాదాపు 80 దేశాల్లో అమెరికా ఉగ్రవాద వ్యతిరేక కార్యకలాపాలు నిర్వహిస్తోంది.

* ఈ యుద్దాల నుంచి అమెరికా తప్పుకున్నా యుద్ధంలో గాయపడిన సైనికుల సంక్షేమం కోసం భారీ నిధులను కేటాయించాల్సిందే.

* దాదాపు 5.9 ట్రిలియన్‌ డాలర్ల వరకు అమెరికాకు వ్యయం అయిందని ఒక అంచనా.

*అమెరికా ఆర్థిక వ్యవస్థకు ఇది తీవ్రవిఘాతం కలిగిస్తోంది. నిధుల లేమితో అమెరికాలో నిరుద్యోగం పెరగడంతో పాటు  వడ్డీరేట్లు పెరుగుతున్నాయి.

*ఇరాక్‌, ఆఫ్గనిస్థాన్‌ దేశాల్లో లక్షలాదిమంది పురుషులు మృత్యువాత పడటంతో వారిపై ఆధారపడిన వేలాది కుటుంబాలు పేదరికంలోకి జారుకుంటున్నాయి. 

* అంతర్జాతీయంగా అన్ని సూచీల్లోనూ ఇరాక్‌, అప్గానిస్థాన్‌లు చివరి స్థానాల్లో ఉండటం యుద్దం పుణ్యమే అని చెప్పాలి.

* ఈ దేశాలకు అమెరికాతో సహా వివిధ దేశాలు విడుదల చేస్తున్న సహాయక నిధుల్లో సింహభాగం పక్కదారి పడుతున్నాయి.

*దాడులకు అమెరికా ఉపయోగించే క్షిపణులు, బాంబులతో  పర్యావరణానికి పెను విధ్వంసం కలుగుతోంది. దీంతో అటవీప్రాంతాలు ధ్వంసం కావడం, వ్యవసాయభూములు నిరుపయోగం కావడంతో ఆహార ఉత్పత్తి ఈ దేశాల్లో తగ్గిపోయింది. 

భవిష్యత్తు ఎలా?

ఇప్పటికే కనిపించని శత్రువులతో యుద్ధం చేస్తున్న అమెరికా వీటిని పక్కనబెట్టాలని ఆర్థికవేత్తలు సూచిస్తున్నారు. ఇదే రీతిలో ప్రపంచవ్యాప్తంగా అమెరికా తన దాడులను కొనసాగిస్తే ఆర్థికవ్యవస్థ కుప్పకూలే ప్రమాదముంది. దాడులకు వెచ్చించే నిధులను ఆయా దేశాల్లో సంక్షేమ కార్యక్రమాలకు ఉపయోగిస్తే మంచి ఫలితాలు వచ్చే అవకాశముంది. 

-ఇంటర్నెట్‌ డెస్క్‌ ప్రత్యేకం

మరిన్ని

బెంగళూరు పోలీసులకు పుట్టిన రోజు సెలవు [07:40]

విధి నిర్వహణలో క్షణం తీరికలేకుండా గడిపే పోలీసులు తమ పుట్టిన రోజున సెలవు తీసుకుని కుటుంబ సభ్యులతో సంతోషంగా గడిపేందుకు వీలు కల్పిస్తూ బెంగళూరు...

ఆధార్‌ కోసం.. 80 కి.మీ. ప్రయాణం [09:39]

ఆధార్‌ కార్డు నమోదుకు ఓ మహిళ తన చంటిబిడ్డతో సుమారు 80 కి.మీ. దూరంలోని జిల్లా కేంద్రానికి వెళ్లిన ఘటన ఒడిశా రాష్ట్రం మల్కాన్‌గిరి జిల్లాలో శనివారం చోటుచేసుకుంది....

82 మంది మాజీ ఎంపీలు ఇంకా బంగ్లాల్లోనే! [16:07]

గత ప్రభుత్వ హయాంలో వసతి సదుపాయం పొందిన మాజీ ఎంపీలు నేటికీ తమ బంగ్లాలు ఖాళీ చేయడం లేదు. కొత్త ఎంపీలకు నివాస సదుపాయాలు కల్పించాల్సిన నేపథ్యంలో....

పాక్‌ 2050 సార్లు మాట తప్పింది [15:08]

కశ్మీర్‌కు స్వయం ప్రతిపత్తిని తొలగించి మానవ హక్కుల ఉల్లంఘనకు పాల్పడుతోందని ఐరాస మానవ హక్కుల మండలిలో పాక్‌ చేసిన ఆరోపణలకు భారత్‌ సాక్ష్యాలతో బుద్ధి చెప్పింది...

ఆరని ‘హిందీ’ మంటలు! [14:20]

హిందీ భాషా దినోత్సవాన్ని పురస్కరించుకొని కేంద్ర హోంమంత్రి అమిత్‌ షా చేసిన ‘ఒకే దేశం-ఒకే భాష’ వ్యాఖ్యలు ఇంకా ప్రకంపనలు సృష్టిస్తూనే ఉన్నాయి. తాజాగా కేరళ ముఖ్యమంత్రి పినరయి విజయన్‌ స్పందిస్తూ....................

గడ్చిరోలిలో కాల్పులు.. ఇద్దరు నక్సల్స్‌ హతం [12:39]

మహారాష్ట్ర గడ్చిరోలి జిల్లా గ్యారపట్టి గ్రామంలో భద్రతాదళాలు, నక్సలైట్లకు మధ్య ఎదురు కాల్పులు చోటు చేసుకున్నాయి. ఆదివారం జరిగిన ఈ ఘటనలో ఇద్దరు నక్సల్స్‌ మృతి చెందారు...............

భారత్‌తో మేం గెలవకపోవచ్చు: ఇమ్రాన్‌ [10:20]

భారత్‌ ముందు తమ సామర్థ్యం ఏమాత్రం నిలవదని పాకిస్థాన్‌ ప్రధాని ఇమ్రాన్‌ఖాన్‌ పరోక్షంగా అంగీకరించారు. ఇరు దేశాల మధ్య సాంప్రదాయ యుద్ధమే గనక వస్తే పాకిస్థాన్‌ ఓడిపోయే అవకాశాలు...................

ట్రక్కు యజమానికి రూ.6.50లక్షల జరిమానా [00:30]

ట్రాఫిక్‌ జరిమానాల పుణ్యమా అని ప్రజల సంపాదన గురించి పక్కన పెడితే వారి జేబులకు మాత్రం చిల్లులు పడుతున్నాయి. ట్రాఫిక్‌ నియమాలు ఉల్లంఘించారంటూ దిలీప్‌ కర్తా అనే డ్రైవర్‌కు ఏకంగా రూ.6.53లక్షల జరిమానా విధించారు......

మధ్యప్రదేశ్ వృద్ధుడి తలపై కొమ్ము మొలిచింది [00:30]

మధ్యప్రదేశ్ వృద్దుడి తల నుండిఒక కొమ్ములాంటి విచిత్ర మైన ఆకృతి కొన్ని సంవత్సరాల క్రితం పెరగడం ప్రారంభించింది. 

దరఖాస్తుదారుల అందరి వివరాలతో ఎన్నార్సీ జాబితా! [00:30]

అసోంలో ఎన్నార్సీకి దరఖాస్తు చేసుకున్న అందరి వివరాలతో కూడిన పూర్తి స్థాయి జాబితాను కేంద్ర ప్రభుత్వం శనివారం విడుదల చేసింది. మొత్తం 3.30కోట్ల మంది దరఖాస్తుదారుల వివరాలను ఆన్‌లైన్‌లో పొందుపరిచారు......................