రూ.5.9 ట్రిలియన్‌ డాలర్ల ఖర్చు.. మరి ఫలితం?

5 లక్షలమంది వరకు చనిపోయారు..

ఉగ్రవాదంపై పోరులో భాగంగా ఇరాక్, అఫ్గానిస్థాన్‌, పాకిస్థాన్‌ దేశాల్లో అమెరికా చేపట్టిన యుద్ధంలో దాదాపు 5 లక్షలమంది వరకు ప్రాణాలు కోల్పోయినట్టు అమెరికాలోని ప్రఖ్యాత బ్రౌన్‌ విశ్వవిద్యాలయ నివేదిక వెల్లడించింది. సెప్టెంబరు 11/2001 ఉగ్రదాడుల అనంతరం అమెరికా ఉగ్రవాదంపై పోరును ప్రారంభించింది. (పాక్‌లో ఉగ్రవాద వ్యతిరేక దాడులు కేవలం అఫ్గన్‌ సరిహద్దులకు సమీపంలో ఉన్న ఉగ్రవాదుల శిబిరాలపైనే జరుగుతున్నాయి) 19 ఏళ్లుగా జరుగుతున్న పోరులో ఉగ్రవాదంపై అమెరికా విజయం సాధించిందా అన్న అంశాన్ని పరిశీలిస్తే ఇప్పటికీ లేదనే వెల్లడవుతోంది. అయితే ఈ క్రమంలో అమెరికా ఆర్థికవ్యవస్థ తీవ్రంగా నష్టపోయిందని నివేదిక వెల్లడించింది. దాదాపు 5 లక్షలమంది వరకు సామాన్యులు ఈ పోరులో అసువులు బాసినట్లు తెలిపింది. అమెరికాకు వ్యయం మాత్రం 5.9 ట్రిలియన్‌ డాలర్లని తేలింది.

అంకెల్లో ఉగ్రవాదంపై పోరు..
ఉగ్రవాదులపై సైన్యం దాడులు, ఉగ్రవాదులు బాంబు పేలుళ్లను పేల్చడం, జనావాస ప్రాంతాల్లో జరిగిన పోరులో దాదాపు ఐదు లక్షలమంది చనిపోయారు.

* యుద్ధ ప్రభావంతో  పౌష్టికాహారలోపంతో లక్షలాదిమంది బాలలు అకాలమృత్యువుకు లోనయ్యారు.

* పర్యావరణం, మౌలిక సౌకర్యాలు తీవ్రంగా దెబ్బతిన్నాయి.

* దాదాపు 7 వేల మంది వరకు అమెరికా సైనికులు ప్రాణాలు కోల్పోయారు. మిత్రదేశాల సైనికుల సంఖ్యను తీసుకుంటే ఈ సంఖ్య మరింతగా పెరుగుతుంది.

* అఫ్గన్‌, సిరియా, ఇరాక్‌.. తదితర దేశాలకు చెందిన 21 మిలియన్ల మంది ప్రజలు  తమ నివాసాలను కోల్పోయి శిబిరాల్లో తలదాచుకుంటున్నారు.

* ప్రపంచవ్యాప్తంగా దాదాపు 80 దేశాల్లో అమెరికా ఉగ్రవాద వ్యతిరేక కార్యకలాపాలు నిర్వహిస్తోంది.

* ఈ యుద్దాల నుంచి అమెరికా తప్పుకున్నా యుద్ధంలో గాయపడిన సైనికుల సంక్షేమం కోసం భారీ నిధులను కేటాయించాల్సిందే.

* దాదాపు 5.9 ట్రిలియన్‌ డాలర్ల వరకు అమెరికాకు వ్యయం అయిందని ఒక అంచనా.

*అమెరికా ఆర్థిక వ్యవస్థకు ఇది తీవ్రవిఘాతం కలిగిస్తోంది. నిధుల లేమితో అమెరికాలో నిరుద్యోగం పెరగడంతో పాటు  వడ్డీరేట్లు పెరుగుతున్నాయి.

*ఇరాక్‌, ఆఫ్గనిస్థాన్‌ దేశాల్లో లక్షలాదిమంది పురుషులు మృత్యువాత పడటంతో వారిపై ఆధారపడిన వేలాది కుటుంబాలు పేదరికంలోకి జారుకుంటున్నాయి. 

* అంతర్జాతీయంగా అన్ని సూచీల్లోనూ ఇరాక్‌, అప్గానిస్థాన్‌లు చివరి స్థానాల్లో ఉండటం యుద్దం పుణ్యమే అని చెప్పాలి.

* ఈ దేశాలకు అమెరికాతో సహా వివిధ దేశాలు విడుదల చేస్తున్న సహాయక నిధుల్లో సింహభాగం పక్కదారి పడుతున్నాయి.

*దాడులకు అమెరికా ఉపయోగించే క్షిపణులు, బాంబులతో  పర్యావరణానికి పెను విధ్వంసం కలుగుతోంది. దీంతో అటవీప్రాంతాలు ధ్వంసం కావడం, వ్యవసాయభూములు నిరుపయోగం కావడంతో ఆహార ఉత్పత్తి ఈ దేశాల్లో తగ్గిపోయింది. 

భవిష్యత్తు ఎలా?

ఇప్పటికే కనిపించని శత్రువులతో యుద్ధం చేస్తున్న అమెరికా వీటిని పక్కనబెట్టాలని ఆర్థికవేత్తలు సూచిస్తున్నారు. ఇదే రీతిలో ప్రపంచవ్యాప్తంగా అమెరికా తన దాడులను కొనసాగిస్తే ఆర్థికవ్యవస్థ కుప్పకూలే ప్రమాదముంది. దాడులకు వెచ్చించే నిధులను ఆయా దేశాల్లో సంక్షేమ కార్యక్రమాలకు ఉపయోగిస్తే మంచి ఫలితాలు వచ్చే అవకాశముంది. 

-ఇంటర్నెట్‌ డెస్క్‌ ప్రత్యేకం

మరిన్ని

విడాకులు తీసుకున్న ప్రముఖ హీరో [00:57]

21 ఏళ్ల వైవాహిక బంధాన్ని విడాకులతో స్వస్తి పలికారు బాలీవుడ్‌ నటుడు అర్జున్‌ రాంపాల్‌. పరస్పర అంగీకారంతో అర్జున్‌ తన మొదటి భార్య జెసియా నుంచి విడాకులు...

అది నిజం కాదు..ఇది అసలైన ఫొటో.. [00:53]

రైళ్లలో పాటలు పాడుకుంటూ యాచన చేసే రాణు మండల్‌ ఓ ప్రయాణికుడు ఆమె పాటను యూట్యూబ్‌లో పెట్టడంతో రాత్రికి రాత్రే సెలబ్రిటీ

వెస్టిండీస్‌తో సిరీస్‌కు భారత్‌ జట్టు ఇదే [01:01]

వెస్టిండీస్‌తో సొంతగడ్డపై జరిగే పరిమిత ఓవర్ల సిరీస్‌కు భారత జట్టు ఎంపిక పూర్తైంది. విరాట్‌ కోహ్లీ సారథ్యంలో టీమిండియా వెస్టిండీస్‌తో మూడు టీ20లు, మూడు వన్డేలు ఆడనుంది. ఫాస్ట్‌ బౌలర్లు మహ్మద్‌ షమి, భువనేశ్వర్‌ కుమార్‌, స్పిన్నర్‌ కుల్దీప్‌ యాదవ్‌ తిరిగి పరిమిత ఓవర్ల సిరీస్‌కు ఎంపికయ్యారు. ఆల్‌రౌండర్‌ కేదార్‌ జాదవ్‌ కూడా వన్డే జట్టులో స్థానం

తెలుగు రాష్ట్రాలు.. ఆసక్తికర చిత్రాలు [06:21]

ఆర్టీసీ బస్సు బోల్తా: 25 మందికి గాయాలు [03:34]

తూర్పుగోదావరి జిల్లా కాకినాడ గ్రామీణ మండల పరిధిలోని అచ్చంపేట కూడలి వద్ద శుక్రవారం తెల్లవారుజామున జరిగిన రోడ్డు ప్రమాదంలో 25 మంది గాయపడ్డారు. పోలీసులు తెలిపిన వివరాల ప్రకారం..  మలికిపురం నుంచి విశాఖ వెళ్తున్న తూర్పుగోదావరి జిల్లా రాజోలు డిపోకు

కొల్హాపూర్‌ ఎక్స్‌ప్రెస్‌ బోగీలో పొగలు [02:00]

మహబూబాబాద్‌ జిల్లా కేసముద్రం-ఇంటికన్నె రైల్వేస్టేషన్ల మధ్య ఓహెచ్‌ఈ (ఓవర్‌ హెడ్‌ ఎక్విప్‌మెంట్‌)తీగ తెగి పోవడంతో మణుగూరు నుంచి కొల్హాపూర్‌ వెళ్లే కొల్హాపూర్‌ ఎక్స్‌ప్రెస్‌ నిలిచిపోయింది. గురువారం రాత్రి...

సియాచిన్‌పై నోరు పారేసుకున్న పాక్‌.. [01:04]

ప్రపంచంలోనే అత్యంత ఎత్తైన యుద్ధ క్షేత్రం సియాచిన్‌పై పాకిస్థాన్‌ వివాదాస్పద వ్యాఖ్యలు చేసింది. సియాచిన్‌ అనేది వివాదాస్పద ప్రాంతమని, అందులో భారత్‌ పర్యాటకుల సందర్శనలను చేపట్టవద్దని పాకిస్థాన్ పేర్కొంది.

భారతీయులపై ఉగ్ర ముద్ర వేసేందుకు కుట్ర [01:04]

ఐరాస భద్రతా మండలితో భారతీయులపై ఉగ్రవాదులుగా ముద్ర వేయించేందుకు పాకిస్థాన్‌ కుట్ర పన్నుతోంది. జైష్‌-ఎ-మహ్మద్‌ చీఫ్‌ మసూద్‌ అజర్‌ను ఐరాస భద్రతా మండలి అంతర్జాతీయ

మమత మంత్రులకు గవర్నర్‌ కౌంటర్‌ [01:04]

తాను చేసే వ్యాఖ్యలపై కాకుండా తమ శాఖలపై దృష్టి సారించాలని పశ్చిమ బెంగాల్‌ గవర్నర్‌ జగదీప్‌ సింగ్‌ ధన్కర్‌ ఆ రాష్ట్ర మంత్రులకు సూచించారు. కొన్నిరోజులుగా మమత........

పీవోకే వ్యక్తిని వదిలిపెట్టిన భారత సైన్యం [01:04]

పాక్‌ ఆక్రమిత కశ్మీర్‌ నుంచి అనుకోకుండా సరిహద్దు దాటి వచ్చిన ఓ వ్యక్తిని భారత సైన్యం గురువారం మానవతా దృక్పథంతో వదిలిపెట్టింది. ఇటీవల అతడిని వదిలేయాలంటూ పీఓకే అధికారులు భారత సైన్యాన్ని సంప్రదించగా వారు అంగీకరించారు.