స్మిత్‌ అద్భుత క్యాచ్‌ చూశారా?

డైవ్‌ చేస్తూ ఒంటి చేత్తో క్యాచ్‌ పట్టిన స్మిత్‌

లండన్‌: శనివారం ఓవర్‌నైట్‌ స్కోర్‌ 9/0తో మూడోరోజు ఆటను కొనసాగించిన ఇంగ్లాండ్‌ మ్యాచ్‌పై పట్టు బిగించింది. జోడెన్లీ(94), బెన్‌స్టోక్స్‌(67), జోస్‌ బట్లర్‌(47) రాణించడంతో భారీ స్కోర్‌ దిశగా సాగుతోంది. ఈ నేపథ్యంలో ఆసీస్‌ బ్యాట్స్‌మన్‌ స్టీవ్‌స్మిత్‌ శనివారం సాయంత్రం అందుకున్న ఓ క్యాచ్‌ మ్యాచ్‌కే హైలైట్‌గా నిలిచింది. ఇంగ్లాండ్‌ స్కోర్‌ 305 పరుగుల వద్ద మిచెల్‌మార్ష్‌ బౌలింగ్‌లో క్రిస్‌వోక్స్‌(6) ఆడిన బంతి స్లిప్‌లో దూసుకెళ్లింది. అక్కడే ఫీల్డింగ్‌ చేస్తున్న స్టీవ్‌స్మిత్‌ కుడివైపు డైవింగ్‌ చేస్తూ అమాంతం గాల్లో ఎగిరి ఒంటి చేత్తో క్యాచ్‌ పట్టాడు. దీంతో ఏడో వికెట్‌గా అతడు వెనుదిరిగాడు. కాసేపటికే బట్లర్‌ కూడా ఔటవ్వగా శనివారం ఇంగ్లాండ్‌ ఎనిమిది వికెట్లు కోల్పోయింది. 

ఇప్పటికే 2-1తో వెనుకంజలో ఉన్న ఆతిథ్య జట్టు ఈ మ్యాచ్‌లో గెలిచి సిరీస్‌ను సమం చేయాలని భావిస్తోంది. శనివారం మూడోరోజు ఆట పూర్తయ్యేసరికి తొలి ఇన్నింగ్స్‌లో లభించిన 69 పరుగుల ఆధిక్యాన్ని కలిపి 382 పరుగులతో కొనసాగుతోంది. ఇంకా రెండు వికెట్లు మిగులున్నందున ఆసీస్‌ లక్ష్యం నాలుగు వందల పరుగులు దాటే అవకాశం ఉంది. మ్యాచ్‌ అనంతరం ఆసీస్‌ కెప్టెన్‌ టిమ్‌పైన్‌ మాట్లాడుతూ స్టీవ్‌స్మిత్‌ను కొనియాడాడు. అతడు ప్రత్యేక ఆటగాడని, ఆటలో ఎప్పుడూ ఇలాంటి వ్యక్తి ఒకరుండాలని అన్నాడు. బెన్‌స్టోక్స్‌ కూడా అలాంటి ఆటగాడేనని, వీరు మ్యాచ్‌లో ఉన్నప్పుడు బ్యాటింగ్‌, ఫీల్డింగ్‌, బౌలింగ్‌ ఏది చేస్తున్నా అప్రమత్తంగా ఉంటారన్నాడు. అలా ఉండడం వల్లే అత్యుత్తమ క్రికెటర్లుగా ఎదుగుతారని టిమ్‌ పేర్కొన్నాడు. ఈ సందర్భంగా స్మిత్‌ అందుకున్న క్యాచ్‌ను ఎంతో ప్రత్యేకమైనదిగా చెప్పుకొచ్చాడు. 


మరిన్ని

బీసీసీఐలోకి ‘బాహుబలి’..వేయికళ్లతో వెయిటింగ్ [00:34]

భారత క్రికెట్‌కు నూతన జవసత్వాలు తీసుకొచ్చిన సౌరవ్‌ గంగూలీ.. మరికొద్ది రోజుల్లో ప్రపంచంలోనే అతి సంపన్న క్రికెట్‌ బోర్డుకు అధ్యక్షుడిగా నియమితులు కానున్నాడు. బీసీసీఐ పీఠంపైకి దాదా రాకకోసం ఆయన అభిమానులు ఎన్నో రోజులుగా ఎదురు చూస్తున్నారు.

సల్మాన్‌తో దిశా మరోసారి.. [00:30]

బాలీవుడ్‌ కండల వీరుడు సల్మాన్‌ ఖాన్‌తో కలిసి ముద్దుగుమ్మ దిశా పటానీ మరోసారి పనిచేయనున్నట్లు తెలుస్తోంది. వీరిద్దరు కలిసి ‘భారత్‌’ చిత్రంలో నటించిన సంగతి తెలిసిందే. అలీ అబ్బాస్‌ జాఫర్‌ దర్శకత్వం వహించిన ఈ చిత్రంలో కత్రినా కైఫ్‌....

కేంద్ర హోం మంత్రి అమిత్‌షాతో తమిళిసై భేటీ [00:28]

దిల్లీ పర్యటనలో భాగంగా తెలంగాణ గవర్నర్‌ తమిళిసై సౌందర్‌రాజన్‌ కేంద్ర హోం మంత్రి అమిత్‌ షాతో భేటీ అయ్యారు. గవర్నర్‌గా ఆమె పాల్గొన్న సమాజిక కార్యక్రమాలు, బతుకమ్మ సంబరాలపై...

ట్రంప్‌.. మమ్మల్ని నట్టేట్లో ముంచారు.. [00:38]

సిరియాలోని కుర్దులు మళ్లీ మోసపోయారు.2014 నుంచి సిరియా, ఇరాక్‌ దేశాల్లో ఇస్లామిక్‌స్టేట్‌ ఉగ్రవాదులపై వీరి చేయూతతోనే అమెరికా సారథ్యంలోని సంకీర్ణసేనలు విజయం సాధించాయి.

ఎంతో అవమానంగా ఫీలయ్యా: బెంగాల్‌ గవర్నర్‌ [00:38]

పశ్చిమబెంగాల్‌ గవర్నర్‌ జగదీప్‌ ధన్కర్‌ సంచలన వ్యాఖ్యలు చేశారు. ఇటీవల కోల్‌కతాలో జరిగిన దుర్గా పూజ కార్నివాల్‌లో తనకు తీవ్ర అవమానం జరిగిందని ఆవేదన వ్యక్తంచేశారు. ఇది తనను తీవ్ర ఆవేదనకు, కలతకు గురిచేసిందన్నారు........

బైక్‌పై సీఎం:ఒంటరిగా 122కి.మీ రైడ్‌ [00:38]

అరుణాచల్‌ప్రదేశ్‌లో పర్యాటక రంగాన్ని ప్రోత్సహించి అభివృద్ధి చేసేందుకు ఆ రాష్ట్ర ముఖ్యమంత్రి పెమాఖండూ వినూత్నంగా ఆకట్టుకున్నారు. తాజాగా రాష్ట్రంలో పర్యాటక రంగాన్ని ప్రోత్సహించే దిశగా స్వయంగా ఆయనే బైక్‌పై ఒంటరిగా 122 కిలోమీటర్లు ప్రయాణం చేసి అందరినీ ఆశ్చర్యానికి గురిచేశారు.

విదేశీ ఖైదీల కోసం భారత వ్యాపారి ధాతృత్వం! [00:36]

వారంతా ఉపాధి కోసం దుబాయ్‌కి వెళ్లి చిన్న చిన్న నేరాల్లో చిక్కుకుని జైలు పాలయ్యారు. సంవత్సరాల పాటు శిక్షను అనుభవించి, ప్రస్తుతం విడుదలై వారి సొంత దేశాలకు వెళ్లేందుకు సిద్ధంగా ఉన్నారు. వారిలో పాకిస్థాన్‌, బంగ్లాదేశ్‌, ఉగాండా, అఫ్గానిస్థాన్‌, నైజీరియా, చైనా, ఇథియోపియా దేశాలకు చెందిన వారు ఉన్నారు.

‘ఫ్లిప్‌కార్ట్‌ వీడియో..’ కంటెంట్‌ వివరాలివే.. [00:36]

అమెజాన్‌ ప్రైమ్‌, నెట్‌ ఫ్లిక్స్‌కు పోటీగా ఫ్లిప్‌కార్ట్‌ గత ఆగస్టులో ప్రారంభించిన ‘ఫ్లిప్‌కార్ట్‌ వీడియో ఒరిజినల్స్‌’కు సంబంధించిన వివరాలను ఆ సంస్థ మంగళవారం వెల్లడించింది. మధ్య, దిగువ స్థాయి పట్టణాల వినియోగదారులే లక్ష్యంగా తాము

గూగుల్‌ సరికొత్త ఉత్పత్తుల వివరాలివే... [00:36]

అంతర్జాల దిగ్గజం గూగుల్‌ సంస్థ మంగళవారం సరికొత్త ఉత్పత్తులను ఆవిష్కరించింది. పిక్సల్‌ 4, పిక్సల్‌ 4 ఎక్స్‌ఎల్‌, పిక్సల్‌బుక్‌ గో, పిక్సల్‌ బడ్స్‌ వంటి ఉత్పత్తులను విడుదల చేసింది. వీటి ఆవిష్కరణకు సంబంధించిన కార్యక్రమాన్ని ‘‘మేడ్‌ బై గూగుల్‌ '19’’ పేరుతో న్యూయార్క్‌లో నిర్వహించింది. గూగుల్‌ నుంచి రాబోతున్న ఉత్పత్తులపై కొన్ని నెలలుగా ఊహాగానాలు షికారు చేసిన నేపథ్యంలో తాజా

విద్యుత్తు వాహనాల తయారీని నిలిపిన హార్లీ [00:36]

విలాసవంతమైన బైకుల తయారీ సంస్థ హార్లీ డేవిడ్‌సన్‌ విద్యత్తు వాహనాల తయారీని తాత్కాలికంగా నిలిపివేస్తున్నట్లు సోమవారం ప్రకటించింది. ప్రస్తుతం ఆ కంపెనీ ‘లైవ్‌వైర్‌’...