భర్త క్షణికావేశానికి భార్య బలి

తల్లిని కోల్పోయిన పిల్లలు

 

ఆదోని నేరవార్తలు, కోసిగి, న్యూస్‌టుడే : క్షణికావేశం.. ఎంతపనైనా చేయిస్తుందనడానికి నిదర్శనం సోమవారం కోసిగిలో భార్యను భర్త హతమార్చిన ఘటన. కోసిగి గ్రామానికి చెందిన ఆకుల అనితపై ఆమె భర్త కేశవ్‌ విచక్షణారహితంగా దాడి చేసి హత్య చేశాడు. కోసిగి ఎస్సై ధనుంజయ్‌, అనిత కుటుంబ సభ్యుల వివరాల మేరకు.. కోసిగి గ్రామానికి చెందిన పి.ఈరన్న, పి.పార్వతి దంపతులకు ముగ్గురు కుమార్తెలు, కుమారుడు ఉన్నారు. వీరిలో చిన్న కుమార్తె అనితను తాడిపత్రికి చెందిన కేశవ్‌కు ఇచ్చి 13 ఏళ్ల కిందట వివాహం చేశారు. వీరికి కుమారుడు ఉదయ్‌ హర్షిత్‌, కుమార్తె సాయి విద్య ఉన్నారు. అనితను కొన్నేళ్లుగా భర్త కేశవ్‌ వేధింపులకు గురి చేస్తుండేవాడు. పలుమార్లు పెద్దలు పంచాయితీ పెట్టి కలిపారు. ఏడాదిన్నర కిందట అనితను భర్త మళ్లీ వేధించడం ఎక్కువ కావడంతో ఆమె పుట్టింటికి వెళ్లిపోయింది. మళ్లీ పిలిపించి పెద్దలు నచ్చజెప్పారు. అనంతరం కోసిగిలోనే ఉంటున్నారు. అప్పుడప్పుడు భర్త భార్యను మళ్లీ వేధింపులకు గురి చేస్తుండేవారనీ, ఈక్రమంలోనే ఆదివారం రాత్రి కేశవ్‌ దసరా పండగకు తాడిపత్రికి వెళ్దామని భార్య అనితకు చెప్పడంతో ఆమె నిరాకరించింది. అర్ధరాత్రి దాటిన తర్వాత నిద్రలో ఉన్న భార్యపై క్షణికావేశంతో బండరాయితో బాది కత్తెరతో గొంతుపై పొడిచి హత్య చేశాడు. పిల్లలు ఏడుస్తూ సమీపంలో ఉన్న తాత ఇంటికి వెళ్లి చెప్పారు. కుటుంబ సభ్యులు రక్తపు మడుగులో పడి ఉన్న అనితను చూసి కోసిగి పోలీసులకు తెలియజేశారు. ఎస్సై ధనుంజయ ఘటనా స్థలానికి చేరుకుని వివరాలు సేకరించారు. తల్లి మృతితో ఇద్దరు పిల్లలు అమ్మ ప్రేమకు దూరమయ్యారు. అనిత తండ్రి ఈరన్న ఫిర్యాదుతో పోలీసులు కేసు నమోదు చేశారు. నిందితుడు కేశవ్‌ను పోలీసులు అదుపులోకి తీసుకుని విచారిస్తున్నట్లు తెలిసింది.


హత్యకు గురైన అనిత (పాతచిత్రం)

మరిన్ని

బీసీసీఐలోకి ‘బాహుబలి’..వేయికళ్లతో వెయిటింగ్ [00:34]

భారత క్రికెట్‌కు నూతన జవసత్వాలు తీసుకొచ్చిన సౌరవ్‌ గంగూలీ.. మరికొద్ది రోజుల్లో ప్రపంచంలోనే అతి సంపన్న క్రికెట్‌ బోర్డుకు అధ్యక్షుడిగా నియమితులు కానున్నాడు. బీసీసీఐ పీఠంపైకి దాదా రాకకోసం ఆయన అభిమానులు ఎన్నో రోజులుగా ఎదురు చూస్తున్నారు.

సల్మాన్‌తో దిశా మరోసారి.. [00:30]

బాలీవుడ్‌ కండల వీరుడు సల్మాన్‌ ఖాన్‌తో కలిసి ముద్దుగుమ్మ దిశా పటానీ మరోసారి పనిచేయనున్నట్లు తెలుస్తోంది. వీరిద్దరు కలిసి ‘భారత్‌’ చిత్రంలో నటించిన సంగతి తెలిసిందే. అలీ అబ్బాస్‌ జాఫర్‌ దర్శకత్వం వహించిన ఈ చిత్రంలో కత్రినా కైఫ్‌....

కేంద్ర హోం మంత్రి అమిత్‌షాతో తమిళిసై భేటీ [00:28]

దిల్లీ పర్యటనలో భాగంగా తెలంగాణ గవర్నర్‌ తమిళిసై సౌందర్‌రాజన్‌ కేంద్ర హోం మంత్రి అమిత్‌ షాతో భేటీ అయ్యారు. గవర్నర్‌గా ఆమె పాల్గొన్న సమాజిక కార్యక్రమాలు, బతుకమ్మ సంబరాలపై...

ట్రంప్‌.. మమ్మల్ని నట్టేట్లో ముంచారు.. [00:38]

సిరియాలోని కుర్దులు మళ్లీ మోసపోయారు.2014 నుంచి సిరియా, ఇరాక్‌ దేశాల్లో ఇస్లామిక్‌స్టేట్‌ ఉగ్రవాదులపై వీరి చేయూతతోనే అమెరికా సారథ్యంలోని సంకీర్ణసేనలు విజయం సాధించాయి.

ఎంతో అవమానంగా ఫీలయ్యా: బెంగాల్‌ గవర్నర్‌ [00:38]

పశ్చిమబెంగాల్‌ గవర్నర్‌ జగదీప్‌ ధన్కర్‌ సంచలన వ్యాఖ్యలు చేశారు. ఇటీవల కోల్‌కతాలో జరిగిన దుర్గా పూజ కార్నివాల్‌లో తనకు తీవ్ర అవమానం జరిగిందని ఆవేదన వ్యక్తంచేశారు. ఇది తనను తీవ్ర ఆవేదనకు, కలతకు గురిచేసిందన్నారు........

బైక్‌పై సీఎం:ఒంటరిగా 122కి.మీ రైడ్‌ [00:38]

అరుణాచల్‌ప్రదేశ్‌లో పర్యాటక రంగాన్ని ప్రోత్సహించి అభివృద్ధి చేసేందుకు ఆ రాష్ట్ర ముఖ్యమంత్రి పెమాఖండూ వినూత్నంగా ఆకట్టుకున్నారు. తాజాగా రాష్ట్రంలో పర్యాటక రంగాన్ని ప్రోత్సహించే దిశగా స్వయంగా ఆయనే బైక్‌పై ఒంటరిగా 122 కిలోమీటర్లు ప్రయాణం చేసి అందరినీ ఆశ్చర్యానికి గురిచేశారు.

విదేశీ ఖైదీల కోసం భారత వ్యాపారి ధాతృత్వం! [00:36]

వారంతా ఉపాధి కోసం దుబాయ్‌కి వెళ్లి చిన్న చిన్న నేరాల్లో చిక్కుకుని జైలు పాలయ్యారు. సంవత్సరాల పాటు శిక్షను అనుభవించి, ప్రస్తుతం విడుదలై వారి సొంత దేశాలకు వెళ్లేందుకు సిద్ధంగా ఉన్నారు. వారిలో పాకిస్థాన్‌, బంగ్లాదేశ్‌, ఉగాండా, అఫ్గానిస్థాన్‌, నైజీరియా, చైనా, ఇథియోపియా దేశాలకు చెందిన వారు ఉన్నారు.

‘ఫ్లిప్‌కార్ట్‌ వీడియో..’ కంటెంట్‌ వివరాలివే.. [00:36]

అమెజాన్‌ ప్రైమ్‌, నెట్‌ ఫ్లిక్స్‌కు పోటీగా ఫ్లిప్‌కార్ట్‌ గత ఆగస్టులో ప్రారంభించిన ‘ఫ్లిప్‌కార్ట్‌ వీడియో ఒరిజినల్స్‌’కు సంబంధించిన వివరాలను ఆ సంస్థ మంగళవారం వెల్లడించింది. మధ్య, దిగువ స్థాయి పట్టణాల వినియోగదారులే లక్ష్యంగా తాము

గూగుల్‌ సరికొత్త ఉత్పత్తుల వివరాలివే... [00:36]

అంతర్జాల దిగ్గజం గూగుల్‌ సంస్థ మంగళవారం సరికొత్త ఉత్పత్తులను ఆవిష్కరించింది. పిక్సల్‌ 4, పిక్సల్‌ 4 ఎక్స్‌ఎల్‌, పిక్సల్‌బుక్‌ గో, పిక్సల్‌ బడ్స్‌ వంటి ఉత్పత్తులను విడుదల చేసింది. వీటి ఆవిష్కరణకు సంబంధించిన కార్యక్రమాన్ని ‘‘మేడ్‌ బై గూగుల్‌ '19’’ పేరుతో న్యూయార్క్‌లో నిర్వహించింది. గూగుల్‌ నుంచి రాబోతున్న ఉత్పత్తులపై కొన్ని నెలలుగా ఊహాగానాలు షికారు చేసిన నేపథ్యంలో తాజా

విద్యుత్తు వాహనాల తయారీని నిలిపిన హార్లీ [00:36]

విలాసవంతమైన బైకుల తయారీ సంస్థ హార్లీ డేవిడ్‌సన్‌ విద్యత్తు వాహనాల తయారీని తాత్కాలికంగా నిలిపివేస్తున్నట్లు సోమవారం ప్రకటించింది. ప్రస్తుతం ఆ కంపెనీ ‘లైవ్‌వైర్‌’...