రోహిత్‌శర్మను వదిలేయండి: కోహ్లీ

అతడి మీద దృష్టిపెట్టకండి

పుణె: టీమిండియా ఓపెనర్‌ రోహిత్‌శర్మ తదుపరి మ్యాచ్‌లో ఎలా ఆడతాడనే విషయాన్ని వదిలేయాలని, అతడి మీద దృష్టి పెట్టొద్దని కెప్టెన్‌ విరాట్‌కోహ్లీ మీడియాని, విమర్శకులను కోరాడు. రెండో టెస్టుకు ముందు బుధవారం పుణెలో నిర్వహించిన మీడియా సమావేశంలో కెప్టెన్‌ మాట్లాడుతూ పై విధంగా పేర్కొన్నాడు. దక్షిణాఫ్రికాతో జరిగిన తొలి టెస్టులో హిట్‌మ్యాన్‌ రోహిత్‌ సుదీర్ఘ ఫార్మాట్‌లో తొలిసారి ఓపెనింగ్‌ చేసిన విషయం తెలిసిందే. ఈ సందర్భంగా అందివచ్చిన అవకాశాన్ని సద్వినియోగం చేసుకున్న అతడు రెండు ఇన్నింగ్స్‌ల్లోనూ(176), (127) శతకాలు బాది జట్టుకు భారీ స్కోర్‌ అందించాడు. కాగా టెస్టుల్లో ఓపెనర్‌గా దిగిన తొలి మ్యాచ్‌లోనే రెండు శతకాలు బాదిన ఏకైక క్రికెటర్‌గా చరిత్ర సృష్టించాడు. 

‘రోహిత్‌శర్మ తొలి టెస్టులో అద్భుతంగా ఆడాడు, టాప్‌ఆర్డర్‌లో అతడి బ్యాటింగ్‌ను ఆస్వాదించనీయాలి. వన్డేల్లో చెలరేగినట్లే టెస్టుల్లోనూ రాణించాలి. సుదీర్ఘ ఫార్మాట్‌లో ఓపెనర్‌ ఏం చేస్తాడనే విషయంపై దృష్టిసారించొద్దు, ప్రస్తుతం అతడు బాగా ఆడుతున్నాడు. అయితే హిట్‌మ్యాన్‌ విశాఖలో చాలా ప్రశాంతంగా కనిపించాడు, ఇన్నేళ్ల అనుభవం మొత్తం ఇప్పుడు బయటకు వచ్చింది, ఇది జట్టుకెంతో ఉపయోగం. రెండో ఇన్నింగ్స్‌లో హిట్‌మ్యాన్‌ ఆటను గమనిస్తే, అతడు ఆటను ఎలా ముందుకు తీసుకెళ్లాడనే విషయం అర్థమౌతుంది. రోహిత్‌ ఇలాగే చెలరేగితే.. ప్రత్యర్థి బ్యాట్స్‌మెన్‌ను ఆలౌట్ చేసేందుకు మా బౌలర్లకు సుమారు రెండు గంటల సమయం కలిసొస్తుంది. అలాగే టీమిండియా ఇప్పుడున్న పరిస్థితుల కన్నా మెరుగైన విజయాలు సాధిస్తుంది. తన ఆట పట్ల మా జట్టంతా సంతోషంగా ఉంది’ అని పేర్కొన్నాడు. 

అనంతరం టీమిండియా కాంబినేషన్‌ గురించి మాట్లాడుతూ స్వదేశంలో రవిచంద్రన్‌ అశ్విన్‌, జడేజాలనే కొనసాగిస్తామని, అన్నిటికన్నా ముఖ్యం తమ జట్టు వీలైనన్ని విజయాలు సాధించడమేనని కోహ్లీ చెప్పాడు. భారత జట్టులో ఎవరు కూడా వ్యక్తిగత ప్రయోజనాల కోసం ఆలోచించరని, ప్రతీ ఒక్కరు జట్టు విజయానికి కృషిచేస్తారని అన్నాడు. కుల్‌దీప్‌ కూడా అలాగే ఆలోచిస్తాడని, స్వదేశంలో టెస్టులు ఆడేటప్పుడు అశ్విన్‌, జడేజాలకే ప్రాధాన్యమిస్తామనే విషయాన్ని అర్థం చేసుకుంటాడని చెప్పాడు. ఆ స్పిన్నర్లిద్దరూ అవసరమైతే బ్యాటింగ్‌ చేయగలరని, అందుకే సమతూకమైన జట్టుతో ముందుకు సాగుతున్నామని కెప్టెన్‌ స్పష్టంచేశాడు.

మరిన్ని

బీసీసీఐలోకి ‘బాహుబలి’..వేయికళ్లతో వెయిటింగ్ [00:34]

భారత క్రికెట్‌కు నూతన జవసత్వాలు తీసుకొచ్చిన సౌరవ్‌ గంగూలీ.. మరికొద్ది రోజుల్లో ప్రపంచంలోనే అతి సంపన్న క్రికెట్‌ బోర్డుకు అధ్యక్షుడిగా నియమితులు కానున్నాడు. బీసీసీఐ పీఠంపైకి దాదా రాకకోసం ఆయన అభిమానులు ఎన్నో రోజులుగా ఎదురు చూస్తున్నారు.

సల్మాన్‌తో దిశా మరోసారి.. [00:30]

బాలీవుడ్‌ కండల వీరుడు సల్మాన్‌ ఖాన్‌తో కలిసి ముద్దుగుమ్మ దిశా పటానీ మరోసారి పనిచేయనున్నట్లు తెలుస్తోంది. వీరిద్దరు కలిసి ‘భారత్‌’ చిత్రంలో నటించిన సంగతి తెలిసిందే. అలీ అబ్బాస్‌ జాఫర్‌ దర్శకత్వం వహించిన ఈ చిత్రంలో కత్రినా కైఫ్‌....

కేంద్ర హోం మంత్రి అమిత్‌షాతో తమిళిసై భేటీ [00:28]

దిల్లీ పర్యటనలో భాగంగా తెలంగాణ గవర్నర్‌ తమిళిసై సౌందర్‌రాజన్‌ కేంద్ర హోం మంత్రి అమిత్‌ షాతో భేటీ అయ్యారు. గవర్నర్‌గా ఆమె పాల్గొన్న సమాజిక కార్యక్రమాలు, బతుకమ్మ సంబరాలపై...

ట్రంప్‌.. మమ్మల్ని నట్టేట్లో ముంచారు.. [00:38]

సిరియాలోని కుర్దులు మళ్లీ మోసపోయారు.2014 నుంచి సిరియా, ఇరాక్‌ దేశాల్లో ఇస్లామిక్‌స్టేట్‌ ఉగ్రవాదులపై వీరి చేయూతతోనే అమెరికా సారథ్యంలోని సంకీర్ణసేనలు విజయం సాధించాయి.

ఎంతో అవమానంగా ఫీలయ్యా: బెంగాల్‌ గవర్నర్‌ [00:38]

పశ్చిమబెంగాల్‌ గవర్నర్‌ జగదీప్‌ ధన్కర్‌ సంచలన వ్యాఖ్యలు చేశారు. ఇటీవల కోల్‌కతాలో జరిగిన దుర్గా పూజ కార్నివాల్‌లో తనకు తీవ్ర అవమానం జరిగిందని ఆవేదన వ్యక్తంచేశారు. ఇది తనను తీవ్ర ఆవేదనకు, కలతకు గురిచేసిందన్నారు........

బైక్‌పై సీఎం:ఒంటరిగా 122కి.మీ రైడ్‌ [00:38]

అరుణాచల్‌ప్రదేశ్‌లో పర్యాటక రంగాన్ని ప్రోత్సహించి అభివృద్ధి చేసేందుకు ఆ రాష్ట్ర ముఖ్యమంత్రి పెమాఖండూ వినూత్నంగా ఆకట్టుకున్నారు. తాజాగా రాష్ట్రంలో పర్యాటక రంగాన్ని ప్రోత్సహించే దిశగా స్వయంగా ఆయనే బైక్‌పై ఒంటరిగా 122 కిలోమీటర్లు ప్రయాణం చేసి అందరినీ ఆశ్చర్యానికి గురిచేశారు.

విదేశీ ఖైదీల కోసం భారత వ్యాపారి ధాతృత్వం! [00:36]

వారంతా ఉపాధి కోసం దుబాయ్‌కి వెళ్లి చిన్న చిన్న నేరాల్లో చిక్కుకుని జైలు పాలయ్యారు. సంవత్సరాల పాటు శిక్షను అనుభవించి, ప్రస్తుతం విడుదలై వారి సొంత దేశాలకు వెళ్లేందుకు సిద్ధంగా ఉన్నారు. వారిలో పాకిస్థాన్‌, బంగ్లాదేశ్‌, ఉగాండా, అఫ్గానిస్థాన్‌, నైజీరియా, చైనా, ఇథియోపియా దేశాలకు చెందిన వారు ఉన్నారు.

‘ఫ్లిప్‌కార్ట్‌ వీడియో..’ కంటెంట్‌ వివరాలివే.. [00:36]

అమెజాన్‌ ప్రైమ్‌, నెట్‌ ఫ్లిక్స్‌కు పోటీగా ఫ్లిప్‌కార్ట్‌ గత ఆగస్టులో ప్రారంభించిన ‘ఫ్లిప్‌కార్ట్‌ వీడియో ఒరిజినల్స్‌’కు సంబంధించిన వివరాలను ఆ సంస్థ మంగళవారం వెల్లడించింది. మధ్య, దిగువ స్థాయి పట్టణాల వినియోగదారులే లక్ష్యంగా తాము

గూగుల్‌ సరికొత్త ఉత్పత్తుల వివరాలివే... [00:36]

అంతర్జాల దిగ్గజం గూగుల్‌ సంస్థ మంగళవారం సరికొత్త ఉత్పత్తులను ఆవిష్కరించింది. పిక్సల్‌ 4, పిక్సల్‌ 4 ఎక్స్‌ఎల్‌, పిక్సల్‌బుక్‌ గో, పిక్సల్‌ బడ్స్‌ వంటి ఉత్పత్తులను విడుదల చేసింది. వీటి ఆవిష్కరణకు సంబంధించిన కార్యక్రమాన్ని ‘‘మేడ్‌ బై గూగుల్‌ '19’’ పేరుతో న్యూయార్క్‌లో నిర్వహించింది. గూగుల్‌ నుంచి రాబోతున్న ఉత్పత్తులపై కొన్ని నెలలుగా ఊహాగానాలు షికారు చేసిన నేపథ్యంలో తాజా

విద్యుత్తు వాహనాల తయారీని నిలిపిన హార్లీ [00:36]

విలాసవంతమైన బైకుల తయారీ సంస్థ హార్లీ డేవిడ్‌సన్‌ విద్యత్తు వాహనాల తయారీని తాత్కాలికంగా నిలిపివేస్తున్నట్లు సోమవారం ప్రకటించింది. ప్రస్తుతం ఆ కంపెనీ ‘లైవ్‌వైర్‌’...