ట్రంప్‌.. మమ్మల్ని నట్టేట్లో ముంచారు..

ఇంటర్నెట్‌డెస్క్‌: సిరియాలోని కుర్దులు మళ్లీ మోసపోయారు. 2014 నుంచి సిరియా, ఇరాక్‌ దేశాల్లో ఇస్లామిక్‌స్టేట్‌ ఉగ్రవాదులపై వీరి చేయూతతోనే అమెరికా సారథ్యంలోని సంకీర్ణసేనలు విజయం సాధించాయి. అయితే కుర్దులకు అండగా ఉన్న అమెరికా దళాలను వెనక్కు రప్పిస్తున్నట్టు ఆ దేశ అధ్యక్షుడు డొనాల్డ్‌ ట్రంప్‌ నిర్ణయంపై సర్వత్రా నిరసన వ్యక్తమవుతోంది.. ఇదే అదనుగా కుర్దుల స్వాతంత్ర్య పోరాటం గిట్టని టర్కీ వారిపై సైనికచర్య ప్రారంభించడంతో కుర్దు సామాన్య ప్రజలు మరణిస్తున్నారు.

అమెరికా ఎందుకు మద్దతు ఇచ్చింది..
సిరియాలో ప్రజా తిరుగుబాటు అనంతరం దేశంలో అరాచకం ఏర్పడింది. అధ్యక్షుడు బషర్‌ అల్‌ అస్సాద్‌కు వ్యతిరేకంగా అనేక చోట్ల తిరుగుబాటు జరిగింది. అయితే ఈ ఉద్యమంలోకి ఇస్లామిక్‌ అతివాదులు ప్రవేశించడంతో అంతర్యుద్ధం ప్రారంభమైంది. ఇదే అవకాశంగా ఇస్లామిక్‌ స్టేట్‌ ఉగ్రవాదులు దేశంలోని అనేక ప్రాంతాలను స్వాధీనం చేసుకున్నారు. ఉత్తర ప్రాంతంలోని అల్‌రకా నగరాన్ని తమ రాజధానిగా ప్రకటించుకున్నారు. సిరియా తిరుగుబాటుదారులకు అమెరికా మద్దతు ప్రకటించింది. దీంతో సిరియా అధినేత అస్సాద్‌కు మద్దతుగా రష్యా రంగంలోకి దిగింది.  అమెరికా వాయుసేన దాడులు ఇస్లామిక్‌ ఉగ్రవాదులపై ఎలాంటి ప్రభావాన్ని చూపించలేదు. అదే సమయంలో కుర్దులు వారికి ఆశాకిరణంగా కనిపించారు. సిరియా ఉత్తర ప్రాంతాల్లో కుర్దులు ఎక్కువగా ఉంటారు. వీరికి అధునాతన ఆయుధాలతో పాటు శిక్షణను పాశ్చాత్యదేశాలు ఇచ్చాయి. అమెరికా వాయుసేనకు అండగా కుర్దు దళాలు భూమార్గంలో ఇస్లామిక్‌ స్టేట్‌పై పోరాడాయి. ఈ పోరాటంలో వేలాదిమంది కుర్ధు యోధులు ప్రాణాలు కోల్పోయారు.  ఇస్లామిక్‌ స్టేట్‌ ఆధీనంలో ఉన్న ప్రాంతాలను ఒక్కొక్కటిగా స్వాధీనం చేసుకున్న కుర్దు రక్షణ దళాలకు తాజాగా అమెరికా అధినేత ట్రంప్‌ తీసుకున్న నిర్ణయం ఒక్కసారిగా వారిని అభద్రతా భావంలోకి నెట్టివేసింది. 

టర్కీ అరాచకం
సిరియా నుంచి అమెరికా తప్పుకోవడంతో కుర్దులంటే గిట్టని సరిహద్దుదేశం టర్కీకి అనుకోని అవకాశం లభించింది. టర్కీలో దాదాపు 35 మిలియన్ల మంది కుర్దులున్నారు. సిరియాలోని ఉత్తరప్రాంతాల్లోనూ వీరి ప్రాబల్యం ఎక్కువ. అలాగే ఇరాక్‌, ఇరాన్‌లోనూ అధిక సంఖ్యలో ఉన్నారు.  కుర్దులు బలపడితే కుర్దిస్థాన్‌ ఏర్పాటుకు యత్నించవచ్చని టర్కీ ఆందోళన. దీంతో అకారణంగా సిరియాలోని కుర్దు ప్రాంతాలపై  టర్కీ అధ్యక్షుడు ఎర్డోగాన్‌ యుద్దం ప్రకటించారు. సిరియాతో సరిహద్దు వెంబడి ఒక సురక్షిత ప్రాంతాన్ని ఏర్పాటు చేసి అందులో సిరియా శరణార్దులను ఉంచాలని ప్రకటించారు. పైకి అలా చెబుతున్నా కుర్దులను  అణచివేయడానికే ఈ దాడి అన్నది బహిరంగ రహస్యమే. 

కుర్దుల కష్టాలు..
మొదటి ప్రపంచయుద్ధకాలం నుంచి కుర్దిస్థాన్‌ కోసం కుర్దులు పోరాటాలు చేస్తున్నారు.  1918లో వీరికి ప్రత్యేక దేశం ఏర్పడేందుకు అవకాశం ఏర్పడింది. అయితే టర్కీ దాడితో  నిలిచిపోయింది. బ్రిటన్‌, ఫ్రాన్స్‌లు టర్కీకి మద్దతునివ్వడంతో కుర్దులకు దేశం దక్కలేదు.  1924లో కుర్దులకు ఇరాక్‌ ప్రాంతంలో స్వతంత్రదేశం ఏర్పడినా బ్రిటన్‌ సాయంతో ఇరాక్‌ పాలకులు దాన్ని విఫలం చేశాయి. అనంతరం ఇరాక్‌పాలకుడు సద్దాం హుస్సేన్‌కు వ్యతిరేకంగా జరిపిన పోరాటంలోనూ కుర్దులు అమెరికాకు చేయూతనిచ్చాయి.  ప్రతిసారీ వీరి సాయం తీసుకొని తరువాత పాశ్చాత్యదేశాలు వీరికి మొండిచేయి చూపించడం గమనార్హం.

ట్రంప్‌ నిర్ణయంపై సైన్యంలో అసంతృప్తి
కుర్దులకు అండగా ఉన్న అమెరికా సైనికులను వెనక్కు తీసుకోవడాన్ని అమెరికా సైనికవర్గాలు సైతం తప్పుబట్టాయి. దీనిపై ఉన్నతాధికారులు తీవ్ర అసంతృప్తి వ్యక్తం చేశారు. ట్రంప్‌ వైఖరితో మధ్యప్రాచ్యంలో అమెరికా ప్రతిష్ట తగ్గే ప్రమాదముందని అమెరికా సైనికాధికారులు ఆందోళన వ్యక్తం చేస్తున్నారు.

అస్సాద్‌తో కుర్దుల ఒప్పందం..
టర్కీ దాడులతో కుర్దుప్రాంతాలు విలవిలలాడుతున్నాయి. అనేకమంది సామాన్య ప్రజలు మృత్యువాత పడుతున్నారు. దీంతో దిక్కుతోచని స్థితిలో కుర్దులు అధ్యక్షుడు అస్సాద్‌తో ఒప్పందం చేసుకున్నారు. ఫలితంగా వీరి ప్రాంతాల్లోకి సిరియా సేనలు ప్రవేశించాయి. టర్కీ దురాక్రమణను అడ్డుకుంటామని సిరియా పేర్కొంది.  దీంతో ఇన్నాళ్లూ సిరియాలో అమెరికా సాధించిన విజయాలు ఒక్కసారిగా మసకబారాయి. అమెరికాను ఇక మీదట విశ్వసించబోమని కుర్దు నేతలు చెబుతున్నారు. ట్రంప్‌ నిర్ణయం రష్యా-సిరియాకు వరంగా మారింది. రష్యా చేయూతతో సిరియా పాలకుడు అస్సాద్‌ తన అధ్యక్షపదవిని పదిలం చేసుకున్నారు. 

మరిన్ని

విడాకులు తీసుకున్న ప్రముఖ హీరో [00:57]

21 ఏళ్ల వైవాహిక బంధాన్ని విడాకులతో స్వస్తి పలికారు బాలీవుడ్‌ నటుడు అర్జున్‌ రాంపాల్‌. పరస్పర అంగీకారంతో అర్జున్‌ తన మొదటి భార్య జెసియా నుంచి విడాకులు...

అది నిజం కాదు..ఇది అసలైన ఫొటో.. [00:53]

రైళ్లలో పాటలు పాడుకుంటూ యాచన చేసే రాణు మండల్‌ ఓ ప్రయాణికుడు ఆమె పాటను యూట్యూబ్‌లో పెట్టడంతో రాత్రికి రాత్రే సెలబ్రిటీ

వెస్టిండీస్‌తో సిరీస్‌కు భారత్‌ జట్టు ఇదే [01:01]

వెస్టిండీస్‌తో సొంతగడ్డపై జరిగే పరిమిత ఓవర్ల సిరీస్‌కు భారత జట్టు ఎంపిక పూర్తైంది. విరాట్‌ కోహ్లీ సారథ్యంలో టీమిండియా వెస్టిండీస్‌తో మూడు టీ20లు, మూడు వన్డేలు ఆడనుంది. ఫాస్ట్‌ బౌలర్లు మహ్మద్‌ షమి, భువనేశ్వర్‌ కుమార్‌, స్పిన్నర్‌ కుల్దీప్‌ యాదవ్‌ తిరిగి పరిమిత ఓవర్ల సిరీస్‌కు ఎంపికయ్యారు. ఆల్‌రౌండర్‌ కేదార్‌ జాదవ్‌ కూడా వన్డే జట్టులో స్థానం

తెలుగు రాష్ట్రాలు.. ఆసక్తికర చిత్రాలు [06:21]

ఆర్టీసీ బస్సు బోల్తా: 25 మందికి గాయాలు [03:34]

తూర్పుగోదావరి జిల్లా కాకినాడ గ్రామీణ మండల పరిధిలోని అచ్చంపేట కూడలి వద్ద శుక్రవారం తెల్లవారుజామున జరిగిన రోడ్డు ప్రమాదంలో 25 మంది గాయపడ్డారు. పోలీసులు తెలిపిన వివరాల ప్రకారం..  మలికిపురం నుంచి విశాఖ వెళ్తున్న తూర్పుగోదావరి జిల్లా రాజోలు డిపోకు

కొల్హాపూర్‌ ఎక్స్‌ప్రెస్‌ బోగీలో పొగలు [02:00]

మహబూబాబాద్‌ జిల్లా కేసముద్రం-ఇంటికన్నె రైల్వేస్టేషన్ల మధ్య ఓహెచ్‌ఈ (ఓవర్‌ హెడ్‌ ఎక్విప్‌మెంట్‌)తీగ తెగి పోవడంతో మణుగూరు నుంచి కొల్హాపూర్‌ వెళ్లే కొల్హాపూర్‌ ఎక్స్‌ప్రెస్‌ నిలిచిపోయింది. గురువారం రాత్రి...

సియాచిన్‌పై నోరు పారేసుకున్న పాక్‌.. [01:04]

ప్రపంచంలోనే అత్యంత ఎత్తైన యుద్ధ క్షేత్రం సియాచిన్‌పై పాకిస్థాన్‌ వివాదాస్పద వ్యాఖ్యలు చేసింది. సియాచిన్‌ అనేది వివాదాస్పద ప్రాంతమని, అందులో భారత్‌ పర్యాటకుల సందర్శనలను చేపట్టవద్దని పాకిస్థాన్ పేర్కొంది.

భారతీయులపై ఉగ్ర ముద్ర వేసేందుకు కుట్ర [01:04]

ఐరాస భద్రతా మండలితో భారతీయులపై ఉగ్రవాదులుగా ముద్ర వేయించేందుకు పాకిస్థాన్‌ కుట్ర పన్నుతోంది. జైష్‌-ఎ-మహ్మద్‌ చీఫ్‌ మసూద్‌ అజర్‌ను ఐరాస భద్రతా మండలి అంతర్జాతీయ

మమత మంత్రులకు గవర్నర్‌ కౌంటర్‌ [01:04]

తాను చేసే వ్యాఖ్యలపై కాకుండా తమ శాఖలపై దృష్టి సారించాలని పశ్చిమ బెంగాల్‌ గవర్నర్‌ జగదీప్‌ సింగ్‌ ధన్కర్‌ ఆ రాష్ట్ర మంత్రులకు సూచించారు. కొన్నిరోజులుగా మమత........

పీవోకే వ్యక్తిని వదిలిపెట్టిన భారత సైన్యం [01:04]

పాక్‌ ఆక్రమిత కశ్మీర్‌ నుంచి అనుకోకుండా సరిహద్దు దాటి వచ్చిన ఓ వ్యక్తిని భారత సైన్యం గురువారం మానవతా దృక్పథంతో వదిలిపెట్టింది. ఇటీవల అతడిని వదిలేయాలంటూ పీఓకే అధికారులు భారత సైన్యాన్ని సంప్రదించగా వారు అంగీకరించారు.