గూగుల్‌ సరికొత్త ఉత్పత్తుల వివరాలివే...

గూగుల్‌ పిక్సల్‌ 4, ఎక్స్‌ఎల్‌ ఫోన్లు విడుదల

న్యూయార్క్‌: అంతర్జాల దిగ్గజం గూగుల్‌ సంస్థ మంగళవారం సరికొత్త ఉత్పత్తులను ఆవిష్కరించింది. పిక్సల్‌ 4, పిక్సల్‌ 4 ఎక్స్‌ఎల్‌, పిక్సల్‌బుక్‌ గో, పిక్సల్‌ బడ్స్‌ వంటి ఉత్పత్తులను విడుదల చేసింది. వీటి ఆవిష్కరణకు సంబంధించిన కార్యక్రమాన్ని ‘‘మేడ్‌ బై గూగుల్‌ '19’’ పేరుతో న్యూయార్క్‌లో నిర్వహించింది. గూగుల్‌ నుంచి రాబోతున్న ఉత్పత్తులపై కొన్ని నెలలుగా ఊహాగానాలు షికారు చేసిన నేపథ్యంలో తాజా కార్యక్రమంతో గూగుల్‌ ఉత్పత్తులు, వాటి ఫీచర్లు, ధరల వివరాలపై స్పష్టత వచ్చింది. వాటి వివరాలివీ...

గూగుల్‌ పిక్సల్‌ 4, ఎక్స్‌ఎల్‌
బోలెడన్ని ఏఐ (కృత్రిమ మేథ) ఫీచర్లతో పిక్సల్‌ 4, ఎక్స్‌ఎల్‌ ఫోన్లను తయారు చేశారు. చేతుల ద్వారా సంజ్ఞలు చూపుతూ ఫోన్‌ను నియంత్రించేందుకు మోషన్‌ సెన్సర్‌ ఉంది. నలుపు, తెలుపు, నారింజ రంగుల్లో ఈ ఫోన్లు లభించనున్నాయి. అంతేకాక రాడార్‌ సెన్సార్‌ కూడా వీటి సొంతం. డేటా భద్రత కోసం గూగుల్‌కు చెందిన ‘టైటాన్‌ ఎం’ సెక్యూరిటీ చిప్‌ను అమర్చారు. ధర సుమారు 799 డాలర్లు (సుమారు రూ.57 వేలు), పిక్సల్‌ 4 ఎక్స్‌ఎల్‌ ధర 899 డాలర్లు (సుమారు రూ.64 వేలు)గా ఉండనుంది. మూడేళ్లపాటు సాఫ్ట్‌వేర్‌, సెక్యూరిటీ అప్‌డేట్‌ హామీ ఇవ్వనున్నారు. అమెరికాలో ఇవాల్టి నుంచే బుకింగ్‌ ప్రారంభం కానుండగా, అక్టోబరు 24 నుంచి షిప్పింగ్‌ చేయనున్నారు. భారత్‌లో ఈ ఫోన్‌ను ఎప్పుడు విడుదల చేస్తారన్న అంశంపై స్పష్టత లేదు.
* పిక్సల్‌ 4 ఎక్స్‌ఎల్‌కు 6.3 అంగుళాల తెర (పిక్సల్ ‌4కు 5.7 అంగుళాల తెర)
* స్నాప్‌డ్రాగన్‌ 855 ఎస్‌ఓసీ ప్రాసెసర్‌
* 6జీబీ ర్యామ్‌
* 16 ఎంపీ ప్రైమరీ, 12.2 ఎంపీ సెకండరీ కెమెరాలు
* ఆండ్రాయిడ్‌ 10 ఓఎస్‌ 
* 2,800 ఎంఏహెచ్‌ (పిక్సల్‌ 4), 3,700 ఎంఏహెచ్‌ (పిక్సల్‌ 4 ఎక్స్‌ఎల్‌) బ్యాటరీ సామర్థ్యం

పిక్సల్‌ బుక్‌ గో

 

మొదటిసారి గూగుల్‌ ల్యాప్‌టాప్‌ను తక్కువ ధరలో ప్రవేశపెట్టింది. 13.3 అంగుళాల తాకే తెర ఉండే ఈ ల్యాప్‌ట్యాప్‌ ధర 649 డాలర్ల నుంచి 1,399 డాలర్ల మధ్య ఉంది.
* 8వ జనరేషన్‌ ఇంటెల్‌ కోర్‌ ప్రాసెసర్‌ ఎం3, ఐ5, ఐ7 వేరియంట్లలో లభ్యం
* 8జీబీ/16 జీబీ ర్యామ్‌
* 64జీబీ/126జీబీ/256జీబీ ఎస్‌ఎస్‌డీ
* 0.5 అంగుళాల మందం
* 12 గంటల పాటు వాడుకొనేలా బ్యాటరీ సామర్థ్యం

పిక్సల్‌ బడ్స్‌

ఆపిల్‌ ఎయిర్‌పాడ్స్‌తో పోలిస్తే మరింత నాజూకైన డిజైన్‌తో పిక్సల్‌ బడ్స్‌ ఆకట్టుకుంటున్నాయి. బ్లూటూత్‌ 5.0 చిప్‌ను ఇందులో వాడారు. ఇంట్లో ఉన్నప్పుడు ఫోన్‌కు ఇయర్‌ బడ్స్‌కు మధ్యలో మూడు గదులు ఉన్నా బ్లూటూత్‌ కనెక్టివిటీ చక్కగా ఉంటుందని గూగుల్‌ ప్రకటించింది. అయితే ఇవి వచ్చే ఏడాది మార్కెట్లోకి రానున్నట్లు సంస్థ ప్రకటించింది. ధర 179 డాలర్లు.

మరిన్ని

విడాకులు తీసుకున్న ప్రముఖ హీరో [00:57]

21 ఏళ్ల వైవాహిక బంధాన్ని విడాకులతో స్వస్తి పలికారు బాలీవుడ్‌ నటుడు అర్జున్‌ రాంపాల్‌. పరస్పర అంగీకారంతో అర్జున్‌ తన మొదటి భార్య జెసియా నుంచి విడాకులు...

అది నిజం కాదు..ఇది అసలైన ఫొటో.. [00:53]

రైళ్లలో పాటలు పాడుకుంటూ యాచన చేసే రాణు మండల్‌ ఓ ప్రయాణికుడు ఆమె పాటను యూట్యూబ్‌లో పెట్టడంతో రాత్రికి రాత్రే సెలబ్రిటీ

వెస్టిండీస్‌తో సిరీస్‌కు భారత్‌ జట్టు ఇదే [01:01]

వెస్టిండీస్‌తో సొంతగడ్డపై జరిగే పరిమిత ఓవర్ల సిరీస్‌కు భారత జట్టు ఎంపిక పూర్తైంది. విరాట్‌ కోహ్లీ సారథ్యంలో టీమిండియా వెస్టిండీస్‌తో మూడు టీ20లు, మూడు వన్డేలు ఆడనుంది. ఫాస్ట్‌ బౌలర్లు మహ్మద్‌ షమి, భువనేశ్వర్‌ కుమార్‌, స్పిన్నర్‌ కుల్దీప్‌ యాదవ్‌ తిరిగి పరిమిత ఓవర్ల సిరీస్‌కు ఎంపికయ్యారు. ఆల్‌రౌండర్‌ కేదార్‌ జాదవ్‌ కూడా వన్డే జట్టులో స్థానం

తెలుగు రాష్ట్రాలు.. ఆసక్తికర చిత్రాలు [06:21]

ఆర్టీసీ బస్సు బోల్తా: 25 మందికి గాయాలు [03:34]

తూర్పుగోదావరి జిల్లా కాకినాడ గ్రామీణ మండల పరిధిలోని అచ్చంపేట కూడలి వద్ద శుక్రవారం తెల్లవారుజామున జరిగిన రోడ్డు ప్రమాదంలో 25 మంది గాయపడ్డారు. పోలీసులు తెలిపిన వివరాల ప్రకారం..  మలికిపురం నుంచి విశాఖ వెళ్తున్న తూర్పుగోదావరి జిల్లా రాజోలు డిపోకు

కొల్హాపూర్‌ ఎక్స్‌ప్రెస్‌ బోగీలో పొగలు [02:00]

మహబూబాబాద్‌ జిల్లా కేసముద్రం-ఇంటికన్నె రైల్వేస్టేషన్ల మధ్య ఓహెచ్‌ఈ (ఓవర్‌ హెడ్‌ ఎక్విప్‌మెంట్‌)తీగ తెగి పోవడంతో మణుగూరు నుంచి కొల్హాపూర్‌ వెళ్లే కొల్హాపూర్‌ ఎక్స్‌ప్రెస్‌ నిలిచిపోయింది. గురువారం రాత్రి...

సియాచిన్‌పై నోరు పారేసుకున్న పాక్‌.. [01:04]

ప్రపంచంలోనే అత్యంత ఎత్తైన యుద్ధ క్షేత్రం సియాచిన్‌పై పాకిస్థాన్‌ వివాదాస్పద వ్యాఖ్యలు చేసింది. సియాచిన్‌ అనేది వివాదాస్పద ప్రాంతమని, అందులో భారత్‌ పర్యాటకుల సందర్శనలను చేపట్టవద్దని పాకిస్థాన్ పేర్కొంది.

భారతీయులపై ఉగ్ర ముద్ర వేసేందుకు కుట్ర [01:04]

ఐరాస భద్రతా మండలితో భారతీయులపై ఉగ్రవాదులుగా ముద్ర వేయించేందుకు పాకిస్థాన్‌ కుట్ర పన్నుతోంది. జైష్‌-ఎ-మహ్మద్‌ చీఫ్‌ మసూద్‌ అజర్‌ను ఐరాస భద్రతా మండలి అంతర్జాతీయ

మమత మంత్రులకు గవర్నర్‌ కౌంటర్‌ [01:04]

తాను చేసే వ్యాఖ్యలపై కాకుండా తమ శాఖలపై దృష్టి సారించాలని పశ్చిమ బెంగాల్‌ గవర్నర్‌ జగదీప్‌ సింగ్‌ ధన్కర్‌ ఆ రాష్ట్ర మంత్రులకు సూచించారు. కొన్నిరోజులుగా మమత........

పీవోకే వ్యక్తిని వదిలిపెట్టిన భారత సైన్యం [01:04]

పాక్‌ ఆక్రమిత కశ్మీర్‌ నుంచి అనుకోకుండా సరిహద్దు దాటి వచ్చిన ఓ వ్యక్తిని భారత సైన్యం గురువారం మానవతా దృక్పథంతో వదిలిపెట్టింది. ఇటీవల అతడిని వదిలేయాలంటూ పీఓకే అధికారులు భారత సైన్యాన్ని సంప్రదించగా వారు అంగీకరించారు.