పంత్‌ స్టంపింగ్‌పై చాహల్‌ ఏమన్నాడంటే?

రాజ్‌కోట్‌: భారత్‌, బంగ్లాదేశ్‌ జట్ల మధ్య గురువారం రాత్రి జరిగిన రెండో టీ20లో రిషభ్‌ పంత్‌ కీపింగ్‌ మరోసారి వార్తల్లో నిలిచింది. టీమిండియా టాస్‌ గెలిచి బౌలింగ్‌ ఎంచుకోగా బంగ్లా ఓపెనర్లు లిటన్‌ దాస్‌(29), మహ్మద్‌ నయీమ్‌(36) శుభారంభం చేశారు. బంగ్లాదేశ్‌ 5 ఓవర్లకే 40కి పైగా స్కోర్‌తో జోరుమీద కనిపిస్తుండగా చాహల్‌ ఆరో ఓవర్‌ బౌలింగ్‌ చేశాడు. ఆ సమయంలో బ్యాటింగ్‌ చేస్తున్న లిటన్‌ దాస్‌ ఓ బంతిని ఆడేందుకు ముందుకొచ్చి స్టంపౌటయ్యాడు. అయితే, పంత్‌ బంతి అందుకునేటప్పుడు అతడి చేతులు వికెట్ల మీద ఉండడంతో అంపైర్‌ ఆ బంతిని నోబాల్‌గా ప్రకటించాడు. దీంతో బంగ్లా ఓపెనర్‌ స్టంపౌట్‌ నుంచి తప్పించుకున్నాడు. అయితే, 8వ ఓవర్‌లోనే దాస్‌ మళ్లీ పంత్‌ చేతిలో రనౌటవ్వడం గమనార్హం.

మ్యాచ్‌ అనంతరం రిషభ్‌పంత్‌ తప్పిదంపై స్పందించిన చాహల్‌ అవన్నీ ఆటలో భాగమేనన్నాడు. ‘లిటన్ దాస్‌ను ఔట్‌ చేసే క్రమంలో పంత్‌ వికెట్లపై చేతులు పెట్టడం ఆటలో సహజమే. మేమంతా జట్టులో సహచరులం. ఒక్కోసారి నేను కూడా క్యాచ్‌లు వదిలేస్తా. ఎవరూ కావాలని క్యాచ్‌లు, స్టంపులు వదిలేయరు. కాబట్టి పంత్‌పై ఎలాంటి కోపం లేదు. అదంతా దురదృష్టం. అయితే.. డెత్‌ ఓవర్లలో, పవర్‌ప్లేలో బౌలింగ్‌ చేయడం ద్వారా మరింత విశ్వాసం పెరుగుతుంది. నేను టీమిండియాకు దూరంగా ఉన్నప్పుడు తడి బంతితో ప్రాక్టీస్‌ చేశాను కాబట్టి, తేమ నాపై ప్రభావం చూపలేదు. బ్యాట్స్‌మెన్‌ ఎలా ఆడాలనుకుంటున్నాడనే విషయాన్ని అర్థం చేసుకొని దానికి అనుగుణంగా బౌలింగ్‌ చేస్తా’ అని చాహల్‌ చెప్పుకొచ్చాడు.


మరిన్ని

వెస్టిండీస్‌తో సిరీస్‌కు భారత్‌ జట్టు ఇదే [01:01]

వెస్టిండీస్‌తో సొంతగడ్డపై జరిగే పరిమిత ఓవర్ల సిరీస్‌కు భారత జట్టు ఎంపిక పూర్తైంది. విరాట్‌ కోహ్లీ సారథ్యంలో టీమిండియా వెస్టిండీస్‌తో మూడు టీ20లు, మూడు వన్డేలు ఆడనుంది. ఫాస్ట్‌ బౌలర్లు మహ్మద్‌ షమి, భువనేశ్వర్‌ కుమార్‌, స్పిన్నర్‌ కుల్దీప్‌ యాదవ్‌ తిరిగి పరిమిత ఓవర్ల సిరీస్‌కు ఎంపికయ్యారు. ఆల్‌రౌండర్‌ కేదార్‌ జాదవ్‌ కూడా వన్డే జట్టులో స్థానం

ఆ రోజున టీ20 వద్దంటున్న పోలీసులు [01:02]

భారత్‌, వెస్టిండీస్‌ తొలి టీ20పై నీలిమబ్బులు కమ్ముకున్నాయి. మ్యాచ్‌ వేదికను ముంబయి నుంచి మరో చోటుకు తరలించాలని ఎంసీఏను స్థానిక పోలీసులు కోరుతున్నారట. మ్యాచ్‌కు నిర్వహణకు సరిపడా భ్రదతా సిబ్బందిని..........

కృత్రిమ వెలుగులో పేసర్లను వాడుకోవాలి [01:02]

డే/నైట్‌ టెస్టులో పేసర్లను ఉపయోగించుకొనేటప్పుడు రెండు జట్ల సారథులు వినూత్నంగా ఆలోచించాలని టీమిండియా మాజీ సారథి గౌతమ్ గంభీర్‌ అన్నాడు. ఫ్లడ్‌లైట్ల వెలుతురులో పరిస్థితులకు అనుగుణంగా బౌలింగ్‌ చేయిస్తే వారు మరింత......

పింక్‌టెస్టుపై బంగ్లా సారథి అనూహ్య స్పందన [01:01]

టీమిండియాతో చారిత్రక గులాబి టెస్టుకు సన్నద్ధం అయ్యేందుకు సన్నాహక మ్యాచ్‌ ఆడే అవకాశం దొరకలేదని బంగ్లాదేశ్ సారథి మొమినల్ హఖ్‌ అంటున్నాడు. పర్యటనకు బయల్దేరే రెండు రోజుల ముందే తమకీ విషయం తెలిసిందన్నాడు.....