భారత్‌కు మూడీస్‌ మరోసారి షాక్‌

దిల్లీ: ‘మూడీస్‌ ఇన్వెస్టర్స్‌ సర్సీస్‌’ భారత్‌ రేటింగ్‌ అవుట్‌లుక్‌ను తగ్గించింది. ఇప్పటి వరకు ‘స్టేబుల్‌’గా ఉన్న ఆర్థిక వ్యవస్థని ప్రస్తుతం ‘నెగటివ్‌’కి చేర్చింది. గతంతో పోలిస్తే ఆర్థిక వృద్ధి మరింత క్షీణించే ప్రమాదం ఉందని తెలిపింది. ఆర్థిక, సంస్థాగత బలహీనతల్ని పరిష్కరించడంలో మూడీస్‌ అంచనా వేసిన దానికంటే ప్రభుత్వం నెమ్మదిగా స్పందిస్తోందని సంస్థ అభిప్రాయపడింది. ఇదిలాగే కొనసాగితే ఇప్పటికే తీవ్ర స్థాయికి చేరుకున్న అప్పుల భారం మరింత పెరిగే అవకాశం ఉందని తెలిపింది. ప్రభుత్వం తీసుకునే చర్యలు వృద్ధి రేటు మందగమన సమస్యను పరిష్కరించేలా ఉండాలని స్పష్టం చేసింది. అలాగే గ్రామీణ ఆర్థిక వ్యవస్థలో నెలకొన్న ఒడుదొడుకులను, మందగించిన ఉద్యోగ కల్పన, బ్యాంకింగేతర రంగాల్లో నెలకొన్న సంక్షోభాన్ని అధిగమించేలా ప్రభుత్వ చర్యలు ఉండాల్సిన అవసరం ఉందని సూచించింది. వాణిజ్య పెట్టుబడులు పెంచే, వృద్ధిని మరింత వేగంగా పరుగులు పెట్టించే సంస్కరణల అవకాశాలు తగ్గిపోయాయని మూడీస్‌ అభిప్రాయపడింది. 

మెరుగ్గానే ఉన్నాం..
మూడీస్‌ రేటింగ్‌పై కేంద్ర ఆర్థిక శాఖ స్పందించింది. దేశ ఆర్థిక పునాదులు బలంగానే ఉన్నాయని స్పష్టం చేసింది. ద్రవ్యోల్బణం అదుపులో ఉందని తెలిపింది. స్వల్ప, మధ్యకాలిక వృద్ధికి భారత్‌లో మెరుగైన అవకాశాలు ఉన్నాయని పేర్కొంది. అంతర్జాతీయంగా నెలకొన్న మందగమనాన్ని దృష్టిలో పెట్టుకొని భారత్‌ అనేక చర్యలు చేపట్టిందని తెలిపింది. దీంతో భారత్‌కు పెట్టుబడులు తరలే అవకాశాలు పెరిగాయని.. ప్రపంచ దేశాలతో పోలిస్తే భారత్‌ స్థితి మెరుగ్గానే ఉందని వెల్లడించింది. భారత వృద్ధి రేటు 2019లో 6.1శాతానికి, 2020లో 7శాతానికి పెరిగే అవకాశం ఉందన్న ఇటీవలి ఐఎంఎఫ్‌ నివేదికను ఆర్థిక శాఖ ఈ సందర్భంగా ఉటంకించింది.  


మరిన్ని

వాటిపై ప్రేమ..రతన్‌టాటాకు అసిస్టెంట్‌ని చేసింది [01:02]

టాటా సంస్థల అధిపతి రతన్‌ టాటాకు శునకాలపై ఉన్న ప్రేమ ఓ యువకుడికి బంపర్‌ ఆఫర్‌ తెచ్చిపెట్టింది. ముంబయికి చెందిన 27 ఏళ్ల శంతను నాయుడు రతన్‌ టాటాకు

షావోమి నుంచి మరో ఫిట్‌నెస్‌ బ్యాండ్‌ [01:03]

చైనాకు చెందిన ప్రముఖ ఎలక్ట్రానిక్‌ ఉత్పత్తుల సంస్థ షావోమి మరో ఫిట్‌నెస్‌ బ్యాండ్‌ను భారత్‌కు తీసుకొచ్చింది. ఎంఐ బ్యాండ్‌ 3ఐ పేరిట దీన్ని మార్కెట్‌లోకి విడుదల

రుణ ఎగవేతదారుల జాబితా ఇదిగో.. ఆర్‌బీఐ వెల్లడి [01:03]

ఉద్దేశపూర్వకంగా బ్యాంకులకు రుణాలను ఎగ్గొట్టిన వారి జాబితాను ఆర్‌బీఐ ఎట్టకేలకు విడుదల చేసింది. ఆంగ్ల వార్తాసంస్థ ‘ది వైర్‌’ ఈ ఏడాది మేలో ఆర్‌టీఐ...

నెట్‌వర్క్‌18లో వాటాలపై సోనీ ఆసక్తి..? [01:03]

రిలయన్స్‌కు చెందిన నెట్‌వర్క్‌18లో వాటాలను కొనుగోలు చేసే అంశంపై సోనీ చర్చలు జరుపుతోంది. దీనిపై ప్రాథమిక స్థాయిలో చర్చలు జరుపుతున్నట్లు సమాచారం. పలు రకాల డీల్స్‌పై...