అరె.. గుడి కాదా..? మరుగుదొడ్డా..!

హమీర్‌పూర్ (ఉత్తర్‌ ప్రదేశ్‌)‌: మనలోని నమ్మకమే దైవం అంటారు. అది నిజమేనని అనిపించే ఒక విచిత్ర సంఘటన ఉత్తర్‌ప్రదేశ్ హమీర్‌పూర్ జిల్లాలోని మౌదాహా గ్రామంలో చోటుచేసుకుంది. ఈ గ్రామ ప్రజలు ఒక సంవత్సరం పాటు భక్తి శ్రద్ధలతో పూజలు నిర్వహించిన నిర్మాణం, గుడి కాదు మరుగుదొడ్డి అని తెలిసి, తర్వాత ఆశ్చర్యపోయారు. దానికి తాళం వేసి ఉండటంతో లోపల దేవుడి విగ్రహం ఉందనుకొని పూజలు చేశారు. 

‘మా గ్రామంలోని సామాజిక ఆరోగ్య కేంద్రం ఆవరణలో ఈ నిర్మాణం ఉంది. దానికి కాషాయరంగు వేసి ఉండటమే కాకుండా, ఆకారం కూడా గుడిలాగే ఉంటుంది. దీంతో అందరూ అది గుడి అనుకొని అక్కడ పూజలు చేయటం ప్రారంభించారు. ఇటీవల ఒక ప్రభుత్వ అధికారి వచ్చి చెప్పడంతో అసలు విషయం తెలిసింది’ అని రాకేష్‌ చందేల్‌ అనే స్థానికుడు తెలియచేశాడు.

నగర పాలిక పరిషత్‌ ఏడాది కిందట నిర్మించిన ఈ ప్రజా మరుగుదొడ్డికి కాంట్రాక్టర్‌ కాషాయరంగు వేయడంతో ప్రజలందరూ కొత్తగా గుడి కట్టారని పొరబడ్డారట. ఇదే కాకుండా స్వచ్ఛభారత్‌ పథకంలో భాగంగా ఉత్తర్‌ప్రదేశ్ లోని  ప్రాంతాల్లో నిర్మించిన టాయిలెట్లు చాలా వరకు కాషాయరంగులోనే ఉన్నాయి. ఈ ఉదంతంతో నాలుక కరుచుకున్న అధికారులు మౌదాహాలోని ఈ టాయిలెట్‌ను గులాబీ రంగులోకి మార్చారు!

మరిన్ని

విశాఖలో ‘అల..’ విజయోత్సవ సభ [00:36]

మాటల మాంత్రికుడు త్రివిక్రమ్‌ శ్రీనివాస్‌ దర్శకత్వంలో అల్లు అర్జున్‌, పూజా హెగ్డే జంటగా నటించిన చిత్రం ‘అల.. వైకుంఠపురములో’. సంక్రాంతి కానుకగా విడుదలై రూ.100కోట్లకు పైగా వసూళ్లను సాధించింది. ఈ సందర్భంగా...

భాజపా జాతీయ అధ్యక్షుడి ఎన్నిక నేడు [00:05]

భాజపా జాతీయ అధ్యక్షుడి కోసం సోమవారం ఎన్నిక నిర్వహించనున్నారు. ఈ నేపథ్యంలో ఈ రోజు ఉదయం 10:30 నుంచి నామినేషన్‌ ప్రక్రియ చేపట్టనున్నారు. మధ్యాహ్నం 12.30 వరకు

రాహుల్‌ ఔటయ్యాక.. అదే అనుకున్నాం [00:01]

ఆస్ట్రేలియాతో జరిగిన మూడో వన్డేలో కేఎల్‌ రాహుల్‌(19) ఔటయ్యాక.. కోహ్లీ, తాను ఇన్నింగ్స్‌ చక్కదిద్దాలని అనుకున్నామని ఓపెనర్‌ రోహిత్‌శర్మ అన్నాడు...

సీఏఏని విభేదించే హక్కు రాష్ట్రాలకుంది: కాంగ్రెస్ [00:00]

కేంద్ర ప్రభుత్వం తీసుకొచ్చిన చట్టం విషయంలో విభేదించే హక్కు రాష్ట్రాలకు ఉందని కాంగ్రెస్‌ పార్టీ పేర్కొంది. సీఏఏ అంశం కోర్టులో తేలే వరకు రాజ్యాంగ విరుద్ధమైన చట్టాన్ని....