రోహిత్‌ శెట్టి కొత్త కారు ధరెంతో తెలుసా?

ముంబయి: అద్భుతమైన యాక్షన్‌ చిత్రాలతో బాలీవుడ్‌లో తనకంటూ ఓ ప్రత్యేక గుర్తింపు సంపాదించుకున్న దర్శకుడు రోహిత్‌ శెట్టి. ఆయన తీసే చిత్రాల్లో ఎక్కువగా కార్లు, బైక్‌ల ఛేజింగ్‌ సన్నివేశాలే కనిపిస్తుంటాయి. కార్లు, బైక్‌లపై ఆయన ఇష్టం కేవలం సినిమాలకే పరిమితం కాదు. నిజ జీవితంలోనూ అవంటే రోహిత్‌కు చాలా ఇష్టం. అందుకే తాజాగా ఓ ఖరీదైన కారును కొనుగోలు చేశారు. ఇప్పుడు ఈ కారు ఖరీదు బాలీవుడ్‌లో హాట్‌టాపిక్‌గా మారింది. దాని ఖరీదు.. అక్షరాలా రూ.3 కోట్లట.

రోహిత్‌ కొత్త కారుతో దిగిన ఫోటోను సదరు కారు కంపెనీ ట్విటర్‌లో పోస్ట్‌ చేసింది. ‘భారత్‌లోని అసాధారణ వ్యక్తుల కోసం ఒక అసాధారణ కారు. చిత్ర పరిశ్రమలో విజయవంతమైన ప్రముఖులు ఈ కారును ఇష్టపడుతున్నారు. ఇలాంటి అసాధారణమైన కారు రోహిత్‌ వ్యక్తిత్వానికి ప్రతీకగా నిలుస్తుంది’ అని ట్వీట్‌లో పేర్కొంది. తెలుగు హిట్‌ ‘టెంపర్‌’ హిందీ రీమేక్‌ ‘సింబా’తో రోహిత్‌ గత ఏడాది మంచి విజయం అందుకున్నారు. దీని తర్వాత ఆయన ‘సూర్యవంశీ’ సినిమాను తెరకెక్కిస్తున్నారు. అక్షయ్‌ కుమార్, కత్రినా కైఫ్‌ జంటగా నటిస్తున్నారు. వచ్చే ఏడాది మార్చి 27న ఈ చిత్రాన్ని విడుదల చేయడానికి సన్నాహాలు జరుగుతున్నాయి.

మరిన్ని

విడాకులు తీసుకున్న ప్రముఖ హీరో [00:57]

21 ఏళ్ల వైవాహిక బంధాన్ని విడాకులతో స్వస్తి పలికారు బాలీవుడ్‌ నటుడు అర్జున్‌ రాంపాల్‌. పరస్పర అంగీకారంతో అర్జున్‌ తన మొదటి భార్య జెసియా నుంచి విడాకులు...

నా ‘జబర్దస్త్‌’ ప్రయాణం ముగిసింది : నాగబాబు [00:58]

బుల్లితెర తెలుగు ప్రేక్షకులను విశేషంగా అలరిస్తున్న కామెడీ షోలు ‘జబర్దస్త్‌’, ‘ఎక్స్‌ట్రా జబర్దస్త్‌’. గురు, శుక్రవారాలు వచ్చాయంటే తెలుగు వాళ్లందరూ టీవీల ముందు వాలిపోతారు. ఇక బస్సుల్లో, రైళ్లలో...

మరో బాలీవుడ్‌ చిత్రంలో రకుల్‌ [00:58]

ఇటు దక్షిణాది చిత్రాలతోపాటు అటు బాలీవుడ్‌ చిత్రాల్లో నటిస్తూ బిజీ, బిజీగా లైఫ్‌ను గడుపుతున్నారు నటి రకుల్‌ప్రీత్‌ సింగ్‌. తాజాగా జాన్‌ అబ్రహాం చిత్రంలో రకుల్‌ సందడి చేయనున్నారు.

విజయ్‌ ఆంటోని ‘జ్వాల’ [00:57]

‘బిచ్చగాడు’ చిత్రంతో తెలుగు ప్రేక్షకులకు మరింత దగ్గరయ్యారు నటుడు విజయ్‌ ఆంటోని. ఈ సినిమాతో ఆయన అటు కోలీవుడ్‌తోపాటు ఇటు టాలీవుడ్‌లో కూడా మంచి గుర్తుంపు తెచ్చుకున్నారు.