ధోనీని అవమానించి భంగపడ్డారు

బంగ్లా అభిమానుల అత్యుత్సాహంలో మార్పు!

ఇంటర్నెట్‌డెస్క్‌ ప్రత్యేకం: ప్రపంచ క్రికెట్‌లో సంచలన విజయాలకు మారు పేరు బంగ్లాదేశ్‌. పసికూనగా పేరున్నా అనేక సార్లు అత్యుత్తమ జట్లను గడగడలాడించింది. ఆటలో గెలుపోటములు సహజమని తెలిసినా.. ఆ ఆటగాళ్ల ఓవర్‌ యాక్షన్‌ అంతా ఇంతా కాదు. ప్రత్యర్థులపై మ్యాచ్‌ గెలిస్తే వాళ్లు చేసే నాగిని డ్యాన్స్‌ గురించి ప్రత్యేకంగా చెప్పాల్సిన పని లేదు. క్రికెటర్లే ఇలా ఉంటే ఇక అభిమానుల సంగతి ఎలా ఉంటుందో ఊహించుకోవచ్చు. ప్రస్తుతం బంగ్లా జట్టు భారత్‌లో పర్యటిస్తున్న సందర్భంగా గత అనుభవాలను గుర్తు చేసుకుంటే..

ఆ సిరీస్‌తోనే ప్రారంభం..
2015లో మూడు వన్డేల సిరీస్‌ ఆడేందుకు టీమిండియా బంగ్లా పర్యటనకు వెళ్లింది. తొలి రెండు వన్డేల్లో ఆ జట్టు బౌలర్‌ ముస్తాఫిజుర్‌ రెహ్మాన్‌ రాణించడంతో భారత్‌ 1-2 తేడాతో సిరీస్‌ కోల్పోయింది. ఈ సందర్భంగా అక్కడి పత్రిక ఒకటి దుస్సాహసం చేసింది. భారత ఆటగాళ్లను అవమానించే విధంగా ఒక యాడ్‌ను రూపొందించి ప్రచురించింది. రెహ్మాన్‌ చేతిలో కత్తిపెట్టి.. భారత ఆటగాళ్లకు సగం నెత్తి గొరిగినట్లు ఉన్న ఫొటోను ప్రచురించింది. అలా తొలిసారి భారత్‌, బంగ్లా అభిమానుల మధ్య వివాదం తలెత్తింది.

ధోనీని అవమానించి భంగపాటు..

2016 ఆసియా కప్‌ సందర్భంగా బంగ్లా అభిమానులు మరోసారి అత్యుత్సాహం ప్రదర్శించారు. ఈ టోర్నీలో పాకిస్థాన్‌ను ఓడించిన బంగ్లాదేశ్‌ ఫైనల్‌కు చేరింది. టీమిండియాతో తలపడిన టైటిల్‌పోరులో భారత్‌ ఘన విజయం సాధించింది. అయితే, ఫైనల్‌ మ్యాచ్‌కు ముందే ఓ బంగ్లా అభిమాని అత్యుత్సాహం ప్రదర్శించాడు. బంగ్లా బౌలర్ తస్కిన్‌ అహ్మద్‌.. టీమిండియా బ్యాట్స్‌మన్‌ ధోనీ తల నరికి చేతిలో పట్టుకున్నట్లు ఓ ఫొటోను మార్ఫింగ్‌ చేసి సామాజిక మాధ్యమాల్లో పోస్టు చేశాడు. కాగా ఫైనల్లో టీమిండియా గెలవడంతో భారత అభిమానులు ఆ ఫొటోకు బదులుగా బంగ్లా క్రికెటర్‌ తలను ధోనీ పట్టుకున్నట్లు రూపొందించారు. దీంతో బంగ్లా అభిమానులు భంగపాటుకు గురయ్యారు.

ఆ వీరాభిమానులనూ వదల్లేదు..

భారత్‌, పాకిస్థాన్‌ క్రికెట్‌ జట్లు ఎక్కడ మ్యాచ్‌ ఆడితే అక్కడ ప్రత్యక్ష్యమవుతారు ఇద్దరు వీరాభిమానులు. టీమిండియా డైహార్డ్‌ ఫ్యాన్‌ సుధీర్‌ గౌతమ్‌ కాగా.. పాకిస్థాన్‌ వీరాభిమాని మహ్మద్‌ బషీర్‌. ప్రపంచ వ్యాప్తంగా ఉండే క్రికెట్‌ అభిమానులకు వీరిద్దరూ సుపరిచితమే. అయితే, బంగ్లా అభిమానులు వీరిని కూడా వదల్లేదు. 2015 బంగ్లా పర్యటన సందర్భంగా ఢాకా వెళ్లిన సుధీర్‌పై రెండో వన్డే అనంతరం అక్కడి స్థానికులు దాడి చేశారు. అతడు ప్రయాణిస్తున్న ఆటోపై రాళ్లు విసిరారు. అదృష్టం కొద్దీ అతడికి గాయాలు కాలేదు. మరోవైపు పాక్‌ వీరాభిమాని బషీర్‌ను ఆసియా కప్‌ సందర్భంగా అవమానించారు. ఆ టోర్నీలో బంగ్లా చేతిలో పాక్‌ ఓటమిపాలయ్యాక.. స్థానిక రాజకీయ నాయకుడి ముందే బషీర్‌ను అవమానించారు. బంగ్లాదేశ్‌ జెండాను బలవంతంగా ధరించేలా చేశారు. ఈ విషయం సామాజిక మాధ్యమాల్లో బయటకు పొక్కడంతో తీవ్ర దుమారం రేగింది.

బంగ్లా అభిమానుల అత్యుత్సాహంపై తీవ్రస్థాయిలో వ్యతిరేకత రావడంతో ఆ దేశ క్రికెట్‌ బోర్డు వారిని హెచ్చరించింది. పలువురు క్రికెటర్లు సైతం సామాజిక మాధ్యమాల్లో అభిమానులను సరిగ్గా నడుచుకోవాలని సూచించారు. ఈ నేపథ్యంలో బంగ్లా అభిమానుల ప్రవర్తనలో ఇటీవల మార్పు కనిపిస్తుండటం విశేషం. ఇదిలా ఉండగా ప్రస్తుతం భారత్‌, బంగ్లాదేశ్‌ జట్ల మధ్య ఆసక్తికర పోరు జరుగుతోంది. దిల్లీలో జరిగిన తొలి టీ20లో బంగ్లాదేశ్‌ గెలుపొందగా.. రాజ్‌కోట్‌లో జరిగిన రెండో మ్యాచ్‌లో టీమిండియా విజయం సాధించింది. దీంతో మూడు టీ20ల సిరీస్‌ 1-1తో సమానంగా మారింది. ఆదివారం జరిగే నిర్ణయాత్మక మ్యాచ్‌లో ఎవరు గెలిస్తే వారు సిరీస్‌ కైవసం చేసుకుంటారు.

మరిన్ని

విడాకులు తీసుకున్న ప్రముఖ హీరో [00:57]

21 ఏళ్ల వైవాహిక బంధాన్ని విడాకులతో స్వస్తి పలికారు బాలీవుడ్‌ నటుడు అర్జున్‌ రాంపాల్‌. పరస్పర అంగీకారంతో అర్జున్‌ తన మొదటి భార్య జెసియా నుంచి విడాకులు...

అది నిజం కాదు..ఇది అసలైన ఫొటో.. [00:53]

రైళ్లలో పాటలు పాడుకుంటూ యాచన చేసే రాణు మండల్‌ ఓ ప్రయాణికుడు ఆమె పాటను యూట్యూబ్‌లో పెట్టడంతో రాత్రికి రాత్రే సెలబ్రిటీ

వెస్టిండీస్‌తో సిరీస్‌కు భారత్‌ జట్టు ఇదే [01:01]

వెస్టిండీస్‌తో సొంతగడ్డపై జరిగే పరిమిత ఓవర్ల సిరీస్‌కు భారత జట్టు ఎంపిక పూర్తైంది. విరాట్‌ కోహ్లీ సారథ్యంలో టీమిండియా వెస్టిండీస్‌తో మూడు టీ20లు, మూడు వన్డేలు ఆడనుంది. ఫాస్ట్‌ బౌలర్లు మహ్మద్‌ షమి, భువనేశ్వర్‌ కుమార్‌, స్పిన్నర్‌ కుల్దీప్‌ యాదవ్‌ తిరిగి పరిమిత ఓవర్ల సిరీస్‌కు ఎంపికయ్యారు. ఆల్‌రౌండర్‌ కేదార్‌ జాదవ్‌ కూడా వన్డే జట్టులో స్థానం

తెలుగు రాష్ట్రాలు.. ఆసక్తికర చిత్రాలు [06:21]

ఆర్టీసీ బస్సు బోల్తా: 25 మందికి గాయాలు [03:34]

తూర్పుగోదావరి జిల్లా కాకినాడ గ్రామీణ మండల పరిధిలోని అచ్చంపేట కూడలి వద్ద శుక్రవారం తెల్లవారుజామున జరిగిన రోడ్డు ప్రమాదంలో 25 మంది గాయపడ్డారు. పోలీసులు తెలిపిన వివరాల ప్రకారం..  మలికిపురం నుంచి విశాఖ వెళ్తున్న తూర్పుగోదావరి జిల్లా రాజోలు డిపోకు

కొల్హాపూర్‌ ఎక్స్‌ప్రెస్‌ బోగీలో పొగలు [02:00]

మహబూబాబాద్‌ జిల్లా కేసముద్రం-ఇంటికన్నె రైల్వేస్టేషన్ల మధ్య ఓహెచ్‌ఈ (ఓవర్‌ హెడ్‌ ఎక్విప్‌మెంట్‌)తీగ తెగి పోవడంతో మణుగూరు నుంచి కొల్హాపూర్‌ వెళ్లే కొల్హాపూర్‌ ఎక్స్‌ప్రెస్‌ నిలిచిపోయింది. గురువారం రాత్రి...

సియాచిన్‌పై నోరు పారేసుకున్న పాక్‌.. [01:04]

ప్రపంచంలోనే అత్యంత ఎత్తైన యుద్ధ క్షేత్రం సియాచిన్‌పై పాకిస్థాన్‌ వివాదాస్పద వ్యాఖ్యలు చేసింది. సియాచిన్‌ అనేది వివాదాస్పద ప్రాంతమని, అందులో భారత్‌ పర్యాటకుల సందర్శనలను చేపట్టవద్దని పాకిస్థాన్ పేర్కొంది.

భారతీయులపై ఉగ్ర ముద్ర వేసేందుకు కుట్ర [01:04]

ఐరాస భద్రతా మండలితో భారతీయులపై ఉగ్రవాదులుగా ముద్ర వేయించేందుకు పాకిస్థాన్‌ కుట్ర పన్నుతోంది. జైష్‌-ఎ-మహ్మద్‌ చీఫ్‌ మసూద్‌ అజర్‌ను ఐరాస భద్రతా మండలి అంతర్జాతీయ

మమత మంత్రులకు గవర్నర్‌ కౌంటర్‌ [01:04]

తాను చేసే వ్యాఖ్యలపై కాకుండా తమ శాఖలపై దృష్టి సారించాలని పశ్చిమ బెంగాల్‌ గవర్నర్‌ జగదీప్‌ సింగ్‌ ధన్కర్‌ ఆ రాష్ట్ర మంత్రులకు సూచించారు. కొన్నిరోజులుగా మమత........

పీవోకే వ్యక్తిని వదిలిపెట్టిన భారత సైన్యం [01:04]

పాక్‌ ఆక్రమిత కశ్మీర్‌ నుంచి అనుకోకుండా సరిహద్దు దాటి వచ్చిన ఓ వ్యక్తిని భారత సైన్యం గురువారం మానవతా దృక్పథంతో వదిలిపెట్టింది. ఇటీవల అతడిని వదిలేయాలంటూ పీఓకే అధికారులు భారత సైన్యాన్ని సంప్రదించగా వారు అంగీకరించారు.