యాత్రికుల ఫీజు విషయంలో పాక్‌ యూటర్న్‌

ఇస్లామాబాద్‌: కర్తార్‌పూర్‌ సందర్శనకు తొలిరోజు వచ్చే యాత్రికుల నుంచి ఎలాంటి ఫీజూ వసూలు చేయబోమని ప్రకటించిన పాక్‌.. ఈ విషయంలో యూటర్న్‌ తీసుకుంది. తొలిరోజు సందర్శనకు వచ్చేవారు సైతం 20 డాలర్లు ప్రవేశ రుసుముగా చెల్లించాలని పేర్కొంది. గురునానక్‌ 550వ జయంతి సందర్భంగా వచ్చే యాత్రికుల నుంచి తొలిరోజు ఎలాంటి ఫీజూ వసూలు చేయబోమని, పాస్‌పోర్టు అవసరం లేదని ఆ దేశ ప్రధాని ఇమ్రాన్‌ ఖాన్‌ ప్రకటించిన సంగతి తెలిసిందే. పాస్‌పోర్టు తప్పనిసరి అని ఇప్పటికే ప్రకటించిన ఆ దేశం.. ఇప్పుడు తొలిరోజు ఫీజును కూడా తప్పనిసరి చేసింది. భారత భూభాగంలో నవంబర్‌ 9న గురుదాస్‌పూర్‌లో కారిడార్‌ను ప్రధాని ప్రారంభించనున్నారు. ఈ నేపథ్యంలో ప్రస్తుతం అక్కడ కట్టుదిట్టమైన ఏర్పాట్లు చేస్తున్నారు.

కర్తార్‌పూర్‌ ఒప్పందంపై గత నెలలో భారత్‌-పాకిస్థాన్‌ ప్రతినిధులు సంతకం చేశారు. గురునానక్‌ తన చివరి 18 ఏళ్ల జీవితాన్ని గురుద్వారా దర్బార్‌ సాహిబ్‌లోనే గడిపారు. ఇది పాకిస్థాన్‌లోని పంజాబ్‌ ప్రావిన్సులో ఉన్న నరోవల్‌ జిల్లాలో ఉంది. అంతర్జాతీయ సరిహద్దుకు కేవలం నాలుగు కిలోమీటర్ల దూరంలో ఉంది. ఇక్కడకు వచ్చే యాత్రికుల నుంచి 20 డాలర్ల చొప్పున ప్రవేశ రుసుము వసూలు చేయాలని పాక్‌ నిర్ణయించింది.

మరిన్ని

పీవోకే వ్యక్తిని వదిలిపెట్టిన భారత సైన్యం [01:04]

పాక్‌ ఆక్రమిత కశ్మీర్‌ నుంచి అనుకోకుండా సరిహద్దు దాటి వచ్చిన ఓ వ్యక్తిని భారత సైన్యం గురువారం మానవతా దృక్పథంతో వదిలిపెట్టింది. ఇటీవల అతడిని వదిలేయాలంటూ పీఓకే అధికారులు భారత సైన్యాన్ని సంప్రదించగా వారు అంగీకరించారు.

సియాచిన్‌పై నోరు పారేసుకున్న పాక్‌.. [01:04]

ప్రపంచంలోనే అత్యంత ఎత్తైన యుద్ధ క్షేత్రం సియాచిన్‌పై పాకిస్థాన్‌ వివాదాస్పద వ్యాఖ్యలు చేసింది. సియాచిన్‌ అనేది వివాదాస్పద ప్రాంతమని, అందులో భారత్‌ పర్యాటకుల సందర్శనలను చేపట్టవద్దని పాకిస్థాన్ పేర్కొంది.

భారతీయులపై ఉగ్ర ముద్ర వేసేందుకు కుట్ర [01:04]

ఐరాస భద్రతా మండలితో భారతీయులపై ఉగ్రవాదులుగా ముద్ర వేయించేందుకు పాకిస్థాన్‌ కుట్ర పన్నుతోంది. జైష్‌-ఎ-మహ్మద్‌ చీఫ్‌ మసూద్‌ అజర్‌ను ఐరాస భద్రతా మండలి అంతర్జాతీయ

మమత మంత్రులకు గవర్నర్‌ కౌంటర్‌ [01:04]

తాను చేసే వ్యాఖ్యలపై కాకుండా తమ శాఖలపై దృష్టి సారించాలని పశ్చిమ బెంగాల్‌ గవర్నర్‌ జగదీప్‌ సింగ్‌ ధన్కర్‌ ఆ రాష్ట్ర మంత్రులకు సూచించారు. కొన్నిరోజులుగా మమత........