బన్ని కొత్త పోస్టర్‌పై తేదీ అందుకే వెయ్యలేదా?

ఇంటర్నెట్‌డెస్క్‌: అల్లు అర్జున్‌ కథానాయకుడిగా త్రివిక్రమ్‌ దర్శకత్వంలో తెరకెక్కుతున్న చిత్రం ‘అల వైకుంఠపురములో’. శరవేగంగా చిత్రీకరణ జరుపుకొంటున్న ఈ సినిమా వచ్చే ఏడాది సంక్రాంతి కానుకగా ప్రేక్షకుల ముందుకు రానుంది. అయితే, గురువారం విడుదల చేసిన కొత్త పోస్టర్‌పై విడుదల తేదీని చిత్ర బృందం ప్రచురించలేదు. గతంలో విడుదల చేసిన పోస్టర్‌లో అల్లు అర్జున్‌ కోడిని పట్టుకుని వస్తుండగా, పక్కనే జనవరి 12, 2020 అని వేశారు. కాగా, తాజా పోస్టర్‌లో తేదీని ప్రచురించకపోవడంతో సినిమా విడుదల తేదీ మారే అవకాశం ఉన్నట్లు తెలుస్తోంది. సంక్రాంతి సందర్భంగానే మహేష్‌ ‘సరిలేరు నీకెవ్వరు’ కూడా విడుదల కానుండటంతో రెండు సినిమాలు ఒకేసారి విడుదలైతే నిర్మాతలు నష్టపోయే ప్రమాదం ఉండటంతో తేదీ మార్పు విషయంలో ఇరు చిత్ర బృందాలు ఓ నిర్ణయానికి వచ్చినట్లు తెలుస్తోంది. బన్ని చెప్పిన తేదీకి ఓ రోజు ముందు అంటే జనవరి 11న రానుండగా, మహేష్‌ ఓ రోజు తర్వాత జనవరి 13న రాబోతున్నట్లు తెలుస్తోంది. దీనిపై ఎలాంటి అధికారిక ప్రకటన వెలువడ లేదు. అందుకే దీన్ని దృష్టిలో ఉంచుకునే తాజాగా ‘అల.. వైకుంఠపురములో’ నుంచి వచ్చిన కొత్త పోస్టర్‌పై విడుదల తేదీని ముద్రించలేదని తెలుస్తోంది. దీనిపై స్పష్టత రావాలంటే మరికొంత సమయం వేచి చూడాల్సిందే.

చిత్రీకరణ చివరి దశకు..
మరోపక్క విడుదలకు ఇంకా రెండు నెలలే సమయం ఉండటంతో ‘అల.. వైకుంఠపురములో’ చిత్రాన్ని శరవేగంగా పూర్తి చేస్తున్నారట త్రివిక్రమ్‌.  ప్రస్తుతం ఈ సినిమా చిత్రీకరణ పారిస్‌లో జరుగుతోందట. అక్కడి అందమైన లొకేషన్లలో బన్ని - పూజాలపై ‘‘సామజవరగమన’’ పాటను చిత్రీకరిస్తున్నారట. ఇప్పటికే ఈ షెడ్యూల్‌ తుది దశకు చేరుకుందని, పారిస్‌ నుంచి చిత్ర బృందం తిరిగి రాగానే హైదరాబాద్‌లో తదుపరి షెడ్యూల్‌ జరగనుంది. దీంతో చిత్రీకరణకు గుమ్మడికాయ కొట్టేయాలని త్రివిక్రమ్‌ నిర్ణయించుకున్నారట. డిసెంబరు నుంచి నిర్మాణానంతర కార్యక్రమాలు చూసుకుంటూనే ప్రచార పర్వాన్ని పరుగులు పెట్టించాలని ప్రణాళికలు రచిస్తున్నారట. ‘అల వైకుంఠపురములో’ సుశాంత్, నవదీప్, టబు, నివేదా పేతురాజ్‌ తదితరులు ముఖ్య పాత్రలు పోషిస్తున్నారు.


మరిన్ని

విడాకులు తీసుకున్న ప్రముఖ హీరో [00:57]

21 ఏళ్ల వైవాహిక బంధాన్ని విడాకులతో స్వస్తి పలికారు బాలీవుడ్‌ నటుడు అర్జున్‌ రాంపాల్‌. పరస్పర అంగీకారంతో అర్జున్‌ తన మొదటి భార్య జెసియా నుంచి విడాకులు...

అది నిజం కాదు..ఇది అసలైన ఫొటో.. [00:53]

రైళ్లలో పాటలు పాడుకుంటూ యాచన చేసే రాణు మండల్‌ ఓ ప్రయాణికుడు ఆమె పాటను యూట్యూబ్‌లో పెట్టడంతో రాత్రికి రాత్రే సెలబ్రిటీ

వెస్టిండీస్‌తో సిరీస్‌కు భారత్‌ జట్టు ఇదే [01:01]

వెస్టిండీస్‌తో సొంతగడ్డపై జరిగే పరిమిత ఓవర్ల సిరీస్‌కు భారత జట్టు ఎంపిక పూర్తైంది. విరాట్‌ కోహ్లీ సారథ్యంలో టీమిండియా వెస్టిండీస్‌తో మూడు టీ20లు, మూడు వన్డేలు ఆడనుంది. ఫాస్ట్‌ బౌలర్లు మహ్మద్‌ షమి, భువనేశ్వర్‌ కుమార్‌, స్పిన్నర్‌ కుల్దీప్‌ యాదవ్‌ తిరిగి పరిమిత ఓవర్ల సిరీస్‌కు ఎంపికయ్యారు. ఆల్‌రౌండర్‌ కేదార్‌ జాదవ్‌ కూడా వన్డే జట్టులో స్థానం

తెలుగు రాష్ట్రాలు.. ఆసక్తికర చిత్రాలు [06:21]

ఆర్టీసీ బస్సు బోల్తా: 25 మందికి గాయాలు [03:34]

తూర్పుగోదావరి జిల్లా కాకినాడ గ్రామీణ మండల పరిధిలోని అచ్చంపేట కూడలి వద్ద శుక్రవారం తెల్లవారుజామున జరిగిన రోడ్డు ప్రమాదంలో 25 మంది గాయపడ్డారు. పోలీసులు తెలిపిన వివరాల ప్రకారం..  మలికిపురం నుంచి విశాఖ వెళ్తున్న తూర్పుగోదావరి జిల్లా రాజోలు డిపోకు

కొల్హాపూర్‌ ఎక్స్‌ప్రెస్‌ బోగీలో పొగలు [02:00]

మహబూబాబాద్‌ జిల్లా కేసముద్రం-ఇంటికన్నె రైల్వేస్టేషన్ల మధ్య ఓహెచ్‌ఈ (ఓవర్‌ హెడ్‌ ఎక్విప్‌మెంట్‌)తీగ తెగి పోవడంతో మణుగూరు నుంచి కొల్హాపూర్‌ వెళ్లే కొల్హాపూర్‌ ఎక్స్‌ప్రెస్‌ నిలిచిపోయింది. గురువారం రాత్రి...

సియాచిన్‌పై నోరు పారేసుకున్న పాక్‌.. [01:04]

ప్రపంచంలోనే అత్యంత ఎత్తైన యుద్ధ క్షేత్రం సియాచిన్‌పై పాకిస్థాన్‌ వివాదాస్పద వ్యాఖ్యలు చేసింది. సియాచిన్‌ అనేది వివాదాస్పద ప్రాంతమని, అందులో భారత్‌ పర్యాటకుల సందర్శనలను చేపట్టవద్దని పాకిస్థాన్ పేర్కొంది.

భారతీయులపై ఉగ్ర ముద్ర వేసేందుకు కుట్ర [01:04]

ఐరాస భద్రతా మండలితో భారతీయులపై ఉగ్రవాదులుగా ముద్ర వేయించేందుకు పాకిస్థాన్‌ కుట్ర పన్నుతోంది. జైష్‌-ఎ-మహ్మద్‌ చీఫ్‌ మసూద్‌ అజర్‌ను ఐరాస భద్రతా మండలి అంతర్జాతీయ

మమత మంత్రులకు గవర్నర్‌ కౌంటర్‌ [01:04]

తాను చేసే వ్యాఖ్యలపై కాకుండా తమ శాఖలపై దృష్టి సారించాలని పశ్చిమ బెంగాల్‌ గవర్నర్‌ జగదీప్‌ సింగ్‌ ధన్కర్‌ ఆ రాష్ట్ర మంత్రులకు సూచించారు. కొన్నిరోజులుగా మమత........

పీవోకే వ్యక్తిని వదిలిపెట్టిన భారత సైన్యం [01:04]

పాక్‌ ఆక్రమిత కశ్మీర్‌ నుంచి అనుకోకుండా సరిహద్దు దాటి వచ్చిన ఓ వ్యక్తిని భారత సైన్యం గురువారం మానవతా దృక్పథంతో వదిలిపెట్టింది. ఇటీవల అతడిని వదిలేయాలంటూ పీఓకే అధికారులు భారత సైన్యాన్ని సంప్రదించగా వారు అంగీకరించారు.