కొత్తబట్టలు వేసుకుని..దంపతుల ఆత్మహత్య

కుమారుడికి భారం కాకూడదనే..
జయశంకర్‌ భూపాలపల్లి జిల్లాలో విషాద ఘటన

మహదేవ్‌పూర్‌: ఎన్నో కష్టనష్టాలకోర్చి కుమారుడిని పెంచారు. జీవితాంతం శ్రమించి ఆ కష్టార్జితాన్ని కన్నకొడుక్కే ధారబోశారు. కొడుకు, కోడలు  సరిగా చూడనప్పటికీ సాలయ్య తన కష్టార్జితంతో ఓ ఇల్లు సైతం కట్టించాడు. వృద్ధాప్యంలో ఆలనాపాలనా చూసుకుంటాడనుకుంటే తల్లిదండ్రులే బరువైనట్లు భావించాడు ఆ కొడుకు. తల్లిదండ్రులను సరిగా చూడటం మానేశాడు. మాటలు, చేతలతో కుమారుడు హింసించడం మొదలుపెట్టాడు. ఆ వృద్ధ దంపతులు కొన్నిరోజులపాటు వాటన్నింటినీ పంటి బిగువున భరించారు.. సహించారు. చివరికి కుమారుడికి తాము భారం కాకూడదని నిర్ణయించుకుని శాశ్వతంగా తిరిగిరాని లోకాలకు వెళ్లిపోయారు. ఈ విషాదకర సంఘటన జయశంకర్‌ భూపాలపల్లి జిల్లా మహదేవపూర్‌ మండలం ఎలకేశ్వరం గ్రామంలో చోటుచేసుకుంది.

గ్రామస్థులు తెలిపిన వివరాల ప్రకారం రాళ్లబండి సాలయ్య (76), రాధమ్మ (66) దంపతులకు ఒక కుమారుడు, ముగ్గురు కుమార్తెలు ఉన్నారు. గత కొంతకాలంగా వారి కుమారుడు, కోడలు తమ మాటలతో, చేతలతో హింసించేవారు. దీనిపై వృద్ధ దంపతులు మనస్తాపం చెందారు. ఇకపై కుమారుడికి భారం కాకూడదని నిర్ణయించుకుని ఇంట్లోనే పురుగుల మందు తాగి తనువు చాలించారు. చనిపోయే ముందు కొత్తబట్టలు వేసుకొని శవయాత్రకు కావలిసిన సరకు, సరంజామా తెచ్చి పెట్టుకోవడం.. మంచి ముహూర్తం చూసుకుని ఆత్మహత్య చేసుకోవడం గ్రామస్థులను కంటతడి పెట్టించింది.


మరిన్ని

అమ్మాయి కోసం.. అమ్మనగలు చోరీ [01:00]

అమ్మాయి కోసం అమ్మ నగలు చోరీ చేసిన తనయుడిపై పోలీసులు కేసు నమోదు చేశారు. వివరాల్లోకి వెళితే...బోరబండలోని ఎన్‌ఆర్‌ఆర్‌పురం కాలనీలో నివసించే అరుణ్‌ గత...

ఆర్టీసీ బస్సు బోల్తా: 25 మందికి గాయాలు [03:34]

తూర్పుగోదావరి జిల్లా కాకినాడ గ్రామీణ మండల పరిధిలోని అచ్చంపేట కూడలి వద్ద శుక్రవారం తెల్లవారుజామున జరిగిన రోడ్డు ప్రమాదంలో 25 మంది గాయపడ్డారు. పోలీసులు తెలిపిన వివరాల ప్రకారం..  మలికిపురం నుంచి విశాఖ వెళ్తున్న తూర్పుగోదావరి జిల్లా రాజోలు డిపోకు

బస్సు నుంచి దూకేసి.. లారీ కిందపడి.. [01:01]

మనస్తాపంతో వేగంగా వెళ్తున్న బస్సు నుంచి దూకి ఓ వ్యక్తి ఆత్మహత్యకు పాల్పడ్డాడు. ఈ ఘటన విజయనగరం జిల్లా పూసపాటిరేగ సమీపంలో గురువారం ఉదయం చోటుచేసుకుంది. స్థానికులు, బస్సు

పాఠశాలలో పాము కాటు.. చిన్నారి మృతి [01:01]

ఉత్తర కేరళలోని వయనాడ్‌ జిల్లాలో తరగతి గదిలో పాము కరిచి పదేళ్ల చిన్నారి చనిపోయింది. ప్రభుత్వ పాఠశాల నిర్వహకుల నిర్లక్ష్యంతోనే ఈ దుర్ఘటన జరిగిందని

చెరువులో పడిన కారు: 8 మంది దుర్మరణం [01:00]

ఛత్తీస్‌గడ్‌లో ఘోర ప్రమాదం సంభవించింది. బెమెత్ర జిల్లా మొహభట్టా వద్ద ప్రయాణిస్తున్న ఓ కారు ప్రమాదవశాత్తూ చెరువులో పడింది. ఆ సమయంలో కారులో ఎనిమిది మంది ప్రయాణిస్తున్నట్టు సమాచారం.