ఆటోపై కంటైనర్‌ బోల్తా:12 మంది దుర్మరణం

బంగారుపాళ్యం: చిత్తూరు జిల్లాలో ఘోర రోడ్డు ప్రమాదం జరిగింది. బంగారుపాళ్యం మండలం బెంగళూరు-చిత్తూరు జాతీయ రహదారిపై మొగిలిఘాట్‌ వద్ద వాహనాలపై నీళ్ల సీసాలతో వెళ్తున్న కంటైనర్‌ బోల్తాపడింది. బ్రేకులు విఫలం కావడంతో డివైడర్‌ దాటి ఆటో, ఓమ్ని వ్యాన్‌, ద్విచక్ర వాహనంపైకి కంటైనర్‌ దూసుకెళ్లింది. ఈ ఘటనలో 12 మంది అక్కడికక్కడే మృతిచెందారు. వీరిలో నలుగురు మహిళలు కూడా ఉన్నారు. మృతుల్లో 8 మంది ఒకే కుటుంబానికి చెందిన వారిగా పోలీసులు గుర్తించారు. చీకటి పడటంతో తొలుత పోలీసులకు మృతదేహాల గుర్తింపు కష్టతరంగా మారింది. 

పరామర్శకు వెళ్లి తిరిగిరాని లోకాలకు..

గంగవరం మండలం మర్రిమాకులపల్లెకు చెందిన రెడ్డి శేఖర్‌ కుటుంబానికి చెందిన 8 మంది ఓమ్నీ వాహనంలో తెట్టుగుండ్లపల్లికి వెళ్లారు. తమ బంధువుల కుటుంబంలో ఓ వ్యక్తి చనిపోవడంతో ఆ కుటుంబాన్ని పరామర్శించేందుకు వారంతా వెళ్లి తిరిగి వస్తుండగా ఈ ప్రమాదం జరిగింది. పరామర్శకు వెళ్లినవారు మృతిచెందడంతో ఆ గ్రామంలో విషాదఛాయలు అలముకున్నాయి. ప్రమాదంలో కంటైనర్‌ దూసుకెళ్లడంతో ద్విచక్ర వాహనంపై వెళ్తున్న బంగారుపాళ్యం మండలం బలిజపల్లెకు చెందిన ఇద్దరు వ్యక్తులు ఘటనాస్థలంలో మృతిచెందారు. దీంతోపాటు కంటైనర్‌ డ్రైవర్‌ కూడా అక్కడికక్కడే చనిపోయారు.  కంటైనర్‌ క్లీనర్‌ తీవ్రంగా గాయపడటంతో పలమనేరు ప్రభుత్వాసుపత్రికి తరలించి చికిత్స అందిస్తున్నారు. కంటైనర్‌ ఒక్కసారిగా దూసుకెళ్లడంతో గుర్తుపట్టడానికి వీలులేని విధంగా మృతదేహాలన్నీ ఛిద్రమయ్యాయి. మృతదేహాలను పోస్టుమార్టం నిమిత్తం చిత్తూరు ప్రభుత్వాసుపత్రికి తరలించారు. ఘటనాస్థలాన్ని జిల్లా కలెక్టర్‌ భరత్‌ గుప్తా పరిశీలించారు. సహాయక చర్యలను వేగవంతం చేయాలని అధికారులను ఆయన ఆదేశించారు.

ఫొటో గ్యాలరీ కోసం క్లిక్‌ చేయండి

మరిన్ని

అమ్మాయి కోసం.. అమ్మనగలు చోరీ [01:00]

అమ్మాయి కోసం అమ్మ నగలు చోరీ చేసిన తనయుడిపై పోలీసులు కేసు నమోదు చేశారు. వివరాల్లోకి వెళితే...బోరబండలోని ఎన్‌ఆర్‌ఆర్‌పురం కాలనీలో నివసించే అరుణ్‌ గత...

ఆర్టీసీ బస్సు బోల్తా: 25 మందికి గాయాలు [03:34]

తూర్పుగోదావరి జిల్లా కాకినాడ గ్రామీణ మండల పరిధిలోని అచ్చంపేట కూడలి వద్ద శుక్రవారం తెల్లవారుజామున జరిగిన రోడ్డు ప్రమాదంలో 25 మంది గాయపడ్డారు. పోలీసులు తెలిపిన వివరాల ప్రకారం..  మలికిపురం నుంచి విశాఖ వెళ్తున్న తూర్పుగోదావరి జిల్లా రాజోలు డిపోకు

బస్సు నుంచి దూకేసి.. లారీ కిందపడి.. [01:01]

మనస్తాపంతో వేగంగా వెళ్తున్న బస్సు నుంచి దూకి ఓ వ్యక్తి ఆత్మహత్యకు పాల్పడ్డాడు. ఈ ఘటన విజయనగరం జిల్లా పూసపాటిరేగ సమీపంలో గురువారం ఉదయం చోటుచేసుకుంది. స్థానికులు, బస్సు

పాఠశాలలో పాము కాటు.. చిన్నారి మృతి [01:01]

ఉత్తర కేరళలోని వయనాడ్‌ జిల్లాలో తరగతి గదిలో పాము కరిచి పదేళ్ల చిన్నారి చనిపోయింది. ప్రభుత్వ పాఠశాల నిర్వహకుల నిర్లక్ష్యంతోనే ఈ దుర్ఘటన జరిగిందని

చెరువులో పడిన కారు: 8 మంది దుర్మరణం [01:00]

ఛత్తీస్‌గడ్‌లో ఘోర ప్రమాదం సంభవించింది. బెమెత్ర జిల్లా మొహభట్టా వద్ద ప్రయాణిస్తున్న ఓ కారు ప్రమాదవశాత్తూ చెరువులో పడింది. ఆ సమయంలో కారులో ఎనిమిది మంది ప్రయాణిస్తున్నట్టు సమాచారం.