రోజంతా తింటున్నారా

శరీరంలో వ్యాధినిరోధక శక్తి పెరిగి, ఆరోగ్యంగా ఉండాలంటే.... కొన్ని పదార్థాలు రోజూ తీసుకోవాలి. అదీ ఒకటి చొప్పున ఏదో ఒక సమయంలో తీసుకుంటే చాలు. పోషకాలు అందుతాయి. రోజంతా చురుగ్గానూ ఉంటారు.

క్యారెట్‌: ఇందులో బీటా కెరొటిన్‌, పీచు, కె విటమిన్‌, పొటాషియం... వంటి పోషకాలు ఉంటాయి. ఇవి రోగనిరోధకశక్తి పెంచడమే కాదు, చర్మ ఆరోగ్యాన్నీ కాపాడతాయి.

గుడ్డు: మాంసకృత్తులు, ఎ, బి6, బి12, డి, కె విటమిన్లతోపాటు జింక్‌, ఇనుము, రాగి వంటి పోషకాలను అందిస్తుందిది. దీన్ని రోజుకొకటి తీసుకుంటే... సంపూర్ణ ఆరోగ్యం మీ సొంతమైనట్లే.

చిలగడ దుంప: కొవ్వు తక్కువగా, పీచు, మాంసకృత్తులు, ఎ, బి6, సి విటమిన్లు ఇందులో ఉంటాయి. మాంగనీస్‌, పొటాషియం, కాపర్‌, నియాసిన్‌ ఉండే చిలగడ దుంపను రోజుకొకటి ఉడికించుకుని తింటే ప్రాణాంతకమైన వ్యాధులబారిన పడకుండా చూసుకోవచ్చు.

యాపిల్‌: చెడు కొలెస్ట్రాల్‌ను తగ్గించి, రక్తంలో చక్కెరస్థాయులు పెరగకుండా చేస్తుందీ పండు. అధికబరువునూ తగ్గిస్తుంది. ఇందులోని ఇతర పోషకాలు   ఎర్ర రక్తకణాల తయారీలో ప్రధానపాత్ర వహిస్తాయి. నాడీ వ్యవస్థను ఆరోగ్యంగా ఉంచుతుందీ పండు.

అరటిపండు: పీచు పదార్థం, పొటాషియం అధికంగా ఉండే ఈ పండును రోజూ ఒకటి చొప్పున తింటే జీర్ణవ్యవస్థ, మూత్రపిండాలు ఆరోగ్యంగా పనిచేస్తాయి. ఉబ్బసం, క్యాన్సర్‌, అధిక రక్తపోటు, మధుమేహం, హృద్రోగం వంటి సమస్యలను దూరంగా ఉంచుతుంది అరటి.

డార్క్‌ చాక్లెట్‌: ఇందులో ఖనిజలవణాలతోపాటు యాంటీఆక్సిడెంట్లు ఉంటాయి. ఇనుము, మెగ్నీషియం, రాగి, మాంగనీస్‌ ఉండటంతో ప్రతిరోజూ చిన్న ముక్క తీసుకుంటే చాలు. శరీరం చురుగ్గా ఉండటంతోపాటు... అనారోగ్యాలూ దరిచేరవు.

కీరదోస: అతి తక్కువ కెలొరీలు, సి, కెల విటమిన్లతోపాటు ఇతర పోషకాలు ఎక్కువగా ఉండే కీరదోసను రోజుకోసారి తింటే చాలు. ఆరోగ్యం మన సొంతమవుతుంది. ఇందులో యాంటీఆక్సిడెంట్లు, నీటి శాతం, పీచు అధికంగా ఉంటుంది. అధిక బరువునీ తగ్గించుకోవచ్చు. ఆనారోగ్యాలు దరిచేరవు.

మరిన్ని

చూసి కాదు... ధరించాకే కొనండి! [01:35]

ఆన్‌లైన్‌లో ఏదైనా వస్తువు కొనేటప్పుడు బాగానే కనిపిస్తుంది. దగ్గరొచ్చాకే మనం అనుకున్నట్ల్లుగా ఉండకపోవచ్చు. ఇలాంటి సమస్యల్ని గమనించిన అమృతవల్లి... ఓ సంస్థను ప్రారంభించింది.

ఎన్నో సమస్యలకు... ఒక్క లేజర్‌ చాలు [01:35]

చర్మ సంరక్షణలో ఇప్పుడు లేజర్‌ చికిత్స ఓ భాగమైపోయింది. అసలు దీని ప్రత్యేకత ఏంటీ... ఏ సమస్యలకు లేజర్‌ని ఎంచుకోవచ్చు... ఇందులో ఉన్న రకాలేంటో తెలుసుకుందామా.

వయసు పెరగాలి... మెదడు ఎదగాలి! [01:34]

ఏదైనా తెలుసుకోవాలనే జిజ్ఞాస పిల్లలో పెరగాలంటే... మీ వంతుగా ఏం చేయాలో చూడండి.

భలే భలే బొప్పాయి [01:34]

అందరికీ అందుబాటులో ఉండే పండ్లలో బొప్పాయి ఒకటి. రోజూ ఓ చిన్న కప్పు బొప్పాయి ముక్కల్ని తింటే.. ఎన్నో పోషకాలు శరీరానికి అందుతాయి.