ప్రైవేటుకు దీటుగా సేవలందించండి

ప్రభుత్వ వైద్యులకు పాలనాధికారి సూచన

సంగారెడ్డి అర్బన్‌, న్యూస్‌టుడే: ప్రాణం పోసే వైద్యుడిని.. ప్రజలు దేవుడిగా కొలుస్తారని .. ఆ నమ్మకాన్ని వమ్ము చేయవద్దని జిల్లా పాలనాధికారి ఎం.హనుమంతరావు సూచించారు. ప్రభుత్వ ఆసుపత్రులకు ఎక్కువగా పేద ప్రజలే వస్తారని.. వారిపై ప్రేమ, ఆప్యాయతలు చూపాలని సూచించారు. శుక్రవారం తన క్యాంపు కార్యాలయంలో వైద్యారోగ్యశాఖపై సమీక్ష సమావేశం నిర్వహించారు. ఈ సందర్భంగా మాట్లాడుతూ... ప్రైవేట్‌ ఆసుపత్రులకు దీటుగా సర్కారీ దవాఖానాల్లో సేవలందించాలని వైద్యులను కోరారు. 24 గంటలూ రోగులకు అందుబాటులో ఉండాలన్నారు.  ఖాళీగా ఉన్న స్టాఫ్‌ నర్సులు.. ఇతర పోస్టుల భర్తీకి చర్యలు తీసుకోవాలని వైద్యాధికారులను ఆయన ఆదేశించారు. అవసరమైన చోట డిప్యుటేషన్‌పై సిబ్బందిని నియమించాలన్నారు. నిధుల కొరత లేదని ఆసుపత్రుల భవన మరమ్మతులకు, నూతన భవనాలకు నిధులు మంజూరవుతున్నాయని చెప్పారు. ప్రభుత్వ ఆసుపత్రుల్లో సాధారణ ప్రసవాలకు ప్రాధాన్యం ఇవ్వాలన్నారు. జిల్లాలోని కొండాపూర్‌ పీహెచ్‌సీలో ఆదర్శంగా సేవలందిస్తున్నారని... మిగిలిన వారూ వారిని అనుసరించాలని సూచించారు. కొంతమంది వైద్యులు పలు సమస్యలను విన్నవించగా.. కలెక్టర్‌ వెంటనే ఫోన్‌లో సంబంధిత శాఖ అధికారులతో మాట్లాడి పరిష్కరించారు. సమావేశానికి రాని సంగారెడ్డి, జహీరాబాద్‌ ఆసుపత్రుల వైద్యాధికారులకు తాఖీదులు ఇవ్వాలని ఆయన ఆదేశించారు. శిక్షణలో ఉన్న కలెక్టర్‌ జితీష్‌ వి.పాటిల్‌, జిల్లా వైద్యాధికారి మోజీరాం రాథోడ్‌, ఉన్నతాధికారి జగన్నాథ్‌రెడ్డి, పీహెచ్‌సీ వైద్యులు హాజరయ్యారు.

‘పన్నుల వసూలుపై నిర్లక్ష్యం వద్దు’

సంగారెడ్డి టౌన్‌: పన్నుల వసూలు విషయంలో నిర్లక్ష్యం వద్దని పాలనాధికారి హనుమంతరావు పేర్కొన్నారు. శుక్రవారం స్థానిక పరిపాలన కార్యాలయంలో నిర్వహించిన సమీక్ష సమావేశంలో ఆయన మాట్లాడారు. ప్రత్యేక కార్యక్రమాన్ని నిర్వహించి పన్నులు వసూలు చేయాలని ఆదేశించారు. వాణిజ్య పన్నుల శాఖ ద్వారా 29 కేసులకు సంబంధించి రూ.7.98 కోట్లు బకాయిలు వెంటనే వసూలు చేయాలని సూచించారు. సంబంధిత సంస్థలకు నోటీసులు ఇవ్వాలని పేర్కొన్నారు. ఈ సంవత్సరం నిర్ధేశించిన రూ.50 కోట్లు వసూలుకు చర్యలు తీసుకోవాలని కోరారు. ధాన్యం సేకరణకు సంబంధించి 10 సంస్థల నుంచి రూ.8.10 కోట్లు వసూలుచేయాల్సి ఉండగా ఇప్పటివరకు రూ.86 లక్షలు వసూలు చేశామని, మిగతావి కోర్టు కేసుల కారణంగా వసూలు చేయలేకపోయామని మార్కెటింగ్‌ శాఖ ఏడీ నరేందర్‌ పాలనాధికారికి వివరించారు. గనులు భూగర్భ శాఖకు రావాల్సిన రూ.8.16 కోట్లు రాబట్టేందుకు ఆర్‌ఆర్‌ యాక్టు కింద చర్యలు తీసుకోవాలని ఆదేశించారు. భవన నిర్మాణ సంక్షేమ నిధికి 9 సంస్థల నుంచి రావాల్సిన రూ.7.49 కోట్లు వసూలు చేసేందుకు చర్యలు తీసుకోవాలని కార్మిక శాఖ అధికారులకు సూచించారు. లేఅవుట్‌ అభివృద్ధి ఛార్జీల కింద కొల్లూరులో రూ.10.76 కోట్లు రావాల్సి ఉందని, రెవెన్యూ శాఖ ద్వారా కూడా వసూలు కావాల్సిన మొత్తాలపై దృష్టిసారించాలని పేర్కొన్నారు. పన్నుల వసూలు లక్ష్యాలు, వసూలుకు సంబంధించి తీసుకున్న చర్యలతో తనకు నివేదిక ఇవ్వాలని ఆయా శాఖల అధికారులకు సూచించారు. కార్యక్రమంలో అదనపు ఎస్పీ మనోహర్‌, గనుల శాఖ సహాయ సంచాలకులు మధుకర్‌ పాల్గొన్నారు.

మరిన్ని

విడాకులు తీసుకున్న ప్రముఖ హీరో [00:57]

21 ఏళ్ల వైవాహిక బంధాన్ని విడాకులతో స్వస్తి పలికారు బాలీవుడ్‌ నటుడు అర్జున్‌ రాంపాల్‌. పరస్పర అంగీకారంతో అర్జున్‌ తన మొదటి భార్య జెసియా నుంచి విడాకులు...

అది నిజం కాదు..ఇది అసలైన ఫొటో.. [00:53]

రైళ్లలో పాటలు పాడుకుంటూ యాచన చేసే రాణు మండల్‌ ఓ ప్రయాణికుడు ఆమె పాటను యూట్యూబ్‌లో పెట్టడంతో రాత్రికి రాత్రే సెలబ్రిటీ

వెస్టిండీస్‌తో సిరీస్‌కు భారత్‌ జట్టు ఇదే [01:01]

వెస్టిండీస్‌తో సొంతగడ్డపై జరిగే పరిమిత ఓవర్ల సిరీస్‌కు భారత జట్టు ఎంపిక పూర్తైంది. విరాట్‌ కోహ్లీ సారథ్యంలో టీమిండియా వెస్టిండీస్‌తో మూడు టీ20లు, మూడు వన్డేలు ఆడనుంది. ఫాస్ట్‌ బౌలర్లు మహ్మద్‌ షమి, భువనేశ్వర్‌ కుమార్‌, స్పిన్నర్‌ కుల్దీప్‌ యాదవ్‌ తిరిగి పరిమిత ఓవర్ల సిరీస్‌కు ఎంపికయ్యారు. ఆల్‌రౌండర్‌ కేదార్‌ జాదవ్‌ కూడా వన్డే జట్టులో స్థానం

తెలుగు రాష్ట్రాలు.. ఆసక్తికర చిత్రాలు [06:21]

ఆర్టీసీ బస్సు బోల్తా: 25 మందికి గాయాలు [03:34]

తూర్పుగోదావరి జిల్లా కాకినాడ గ్రామీణ మండల పరిధిలోని అచ్చంపేట కూడలి వద్ద శుక్రవారం తెల్లవారుజామున జరిగిన రోడ్డు ప్రమాదంలో 25 మంది గాయపడ్డారు. పోలీసులు తెలిపిన వివరాల ప్రకారం..  మలికిపురం నుంచి విశాఖ వెళ్తున్న తూర్పుగోదావరి జిల్లా రాజోలు డిపోకు

కొల్హాపూర్‌ ఎక్స్‌ప్రెస్‌ బోగీలో పొగలు [02:00]

మహబూబాబాద్‌ జిల్లా కేసముద్రం-ఇంటికన్నె రైల్వేస్టేషన్ల మధ్య ఓహెచ్‌ఈ (ఓవర్‌ హెడ్‌ ఎక్విప్‌మెంట్‌)తీగ తెగి పోవడంతో మణుగూరు నుంచి కొల్హాపూర్‌ వెళ్లే కొల్హాపూర్‌ ఎక్స్‌ప్రెస్‌ నిలిచిపోయింది. గురువారం రాత్రి...

సియాచిన్‌పై నోరు పారేసుకున్న పాక్‌.. [01:04]

ప్రపంచంలోనే అత్యంత ఎత్తైన యుద్ధ క్షేత్రం సియాచిన్‌పై పాకిస్థాన్‌ వివాదాస్పద వ్యాఖ్యలు చేసింది. సియాచిన్‌ అనేది వివాదాస్పద ప్రాంతమని, అందులో భారత్‌ పర్యాటకుల సందర్శనలను చేపట్టవద్దని పాకిస్థాన్ పేర్కొంది.

భారతీయులపై ఉగ్ర ముద్ర వేసేందుకు కుట్ర [01:04]

ఐరాస భద్రతా మండలితో భారతీయులపై ఉగ్రవాదులుగా ముద్ర వేయించేందుకు పాకిస్థాన్‌ కుట్ర పన్నుతోంది. జైష్‌-ఎ-మహ్మద్‌ చీఫ్‌ మసూద్‌ అజర్‌ను ఐరాస భద్రతా మండలి అంతర్జాతీయ

మమత మంత్రులకు గవర్నర్‌ కౌంటర్‌ [01:04]

తాను చేసే వ్యాఖ్యలపై కాకుండా తమ శాఖలపై దృష్టి సారించాలని పశ్చిమ బెంగాల్‌ గవర్నర్‌ జగదీప్‌ సింగ్‌ ధన్కర్‌ ఆ రాష్ట్ర మంత్రులకు సూచించారు. కొన్నిరోజులుగా మమత........

పీవోకే వ్యక్తిని వదిలిపెట్టిన భారత సైన్యం [01:04]

పాక్‌ ఆక్రమిత కశ్మీర్‌ నుంచి అనుకోకుండా సరిహద్దు దాటి వచ్చిన ఓ వ్యక్తిని భారత సైన్యం గురువారం మానవతా దృక్పథంతో వదిలిపెట్టింది. ఇటీవల అతడిని వదిలేయాలంటూ పీఓకే అధికారులు భారత సైన్యాన్ని సంప్రదించగా వారు అంగీకరించారు.