వాట్సప్‌ గ్రూప్‌కి పేరు పెడుతున్నారా? జాగ్రత్త!

ఇంటర్నెట్‌డెస్క్‌: వాట్సప్‌.. ప్రపంచ వ్యాప్తంగా కోట్ల మంది ఉపయోగించే మెస్సేజింగ్‌ యాప్‌. కేవలం చాటింగ్‌ మాత్రమే కాక ఆడియో, వీడియో కాల్స్‌ ఫీచర్స్‌తో ఎంతో మందికి చేరువైంది. రోజు రోజుకూ దీన్ని ఉపయోగించేవారి సంఖ్య గణనీయంగా పెరుగుతోంది. అదే స్థాయిలో ఈ యాప్‌ను దుర్వినియోగం చేస్తున్న ఘటనలూ వెలుగు చూస్తున్నాయి. దీన్ని తగ్గించేందుకు గత సంవత్సర కాలంగా వాట్సప్‌ దిద్దుబాటు చర్యలకు ఉపక్రమించింది. అందులో భాగంగా ఏదైనా వాట్సప్‌ గ్రూపు పేరుగానీ, ఐకాన్‌ గాని చట్ట విరుద్ధంగా ఉన్నట్లయితే ఎటువంటి ముందస్తు సమాచారం లేకుండా సదరు గ్రూపును, అందులోని సభ్యులను వాట్సప్‌ వినియోగించకుండా నిషేధించనుంది. ఈ మేరకు అమెరికాకు చెందిన సామాజిక వార్తా మాధ్యమం రెడిట్‌లో మోవ్‌ అనే యూజర్‌ దీని గురించి రాసుకొచ్చారు. 

ఆయన సభ్యుడిగా ఉన్న యూనివర్శిటీ వాట్సప్‌ గ్రూపు పేరును పిల్లల లైంగిక వేధింపుల అర్థం వచ్చేలా గ్రూపు సభ్యుడొకరు మార్చారు. దాన్ని కారణంగా చూపుతూ వాట్సప్‌ ఆ గ్రూపుని, గ్రూపులోని సభ్యులందరినీ సస్పెండ్ చేసినట్లుగా తెలిపారు. దీనికి సంబంధించి వారు వాట్సప్‌ను సంప్రదించగా నిబంధనలు అతిక్రమించారనే కారణంతో వారిపై నిషేధం విధించినట్లుగా పేర్కొంది. ఒక వారం తర్వాత ఎటువంటి సమాచారం లేకుండానే తిరిగి ఆ గ్రూపును పునరుద్ధరించినట్లుగా తెలిపారు. యాభై మంది సభ్యులున్న మరో వాట్సప్‌ గ్రూపు పేరు ‘డిస్గస్టింగ్’గా మార్చారు. అలా మార్చిన కొద్ది గంటల్లోనే సభ్యులందరినీ వాట్సప్‌ నిషేధించింది. తిరిగి 27 రోజుల నిషేధకాలం తర్వాత ఆ ఖాతాలను పునరుద్ధరించినట్లు మరో యూజర్‌ తెలిపారు. 

ఈ నిషేధ ప్రక్రియ ఆటోమేటెడ్‌ ప్రాసెస్‌గా పలువురు అభిప్రాయపడుతున్నారు. మెటాడేటా ద్వారా వాట్సప్‌ గ్రూపు ఐకాన్‌, పేరు ఆధారంగా సర్వర్‌ వాటిని ఆటోమేటిగ్గా తొలగిస్తున్నట్లు తెలుస్తోందని నిపుణులు అభిప్రాయపడుతున్నారు. అయితే, వాట్సప్‌లో ఎండ్‌-టు-ఎండ్‌ ఎన్‌క్రిప్షన్‌ ఫీచర్‌ కారణంగా అవాస్తవాలు, ద్వేషపూరిత వార్తలు వ్యాపింపజేసే గ్రూపుల మధ్య సంభాషణను గుర్తించటం కష్టం. అటువంటి చట్టవిరుద్ధమైన గ్రూపులను కనుగొనేందుకు వాట్సప్‌ ఈ తరహా విధానాన్ని ఎంచుకున్నట్లుగా తెలుస్తోంది. అయితే, దీనివల్ల గ్రూపులో ఓ వ్యక్తి కారణంగా అందులోని సభ్యులందరూ నిషేధానికి గురవుతుండడం గమనార్హం. ఒకవేళ మీరు అడ్మిన్లుగా ఉన్న వాట్సాప్‌ గ్రూపు పేర్లు గానీ, ఐకాన్లుగానీ చట్ట విరుద్ధంగా ఉంటే వాటిని వెంటనే మార్చుకోండి. లేదంటే మీరూ నిషేధానికి గురికావాల్సి ఉంటుంది. జర జాగ్రత్త!

మరిన్ని

విడాకులు తీసుకున్న ప్రముఖ హీరో [00:57]

21 ఏళ్ల వైవాహిక బంధాన్ని విడాకులతో స్వస్తి పలికారు బాలీవుడ్‌ నటుడు అర్జున్‌ రాంపాల్‌. పరస్పర అంగీకారంతో అర్జున్‌ తన మొదటి భార్య జెసియా నుంచి విడాకులు...

అది నిజం కాదు..ఇది అసలైన ఫొటో.. [00:53]

రైళ్లలో పాటలు పాడుకుంటూ యాచన చేసే రాణు మండల్‌ ఓ ప్రయాణికుడు ఆమె పాటను యూట్యూబ్‌లో పెట్టడంతో రాత్రికి రాత్రే సెలబ్రిటీ

వెస్టిండీస్‌తో సిరీస్‌కు భారత్‌ జట్టు ఇదే [01:01]

వెస్టిండీస్‌తో సొంతగడ్డపై జరిగే పరిమిత ఓవర్ల సిరీస్‌కు భారత జట్టు ఎంపిక పూర్తైంది. విరాట్‌ కోహ్లీ సారథ్యంలో టీమిండియా వెస్టిండీస్‌తో మూడు టీ20లు, మూడు వన్డేలు ఆడనుంది. ఫాస్ట్‌ బౌలర్లు మహ్మద్‌ షమి, భువనేశ్వర్‌ కుమార్‌, స్పిన్నర్‌ కుల్దీప్‌ యాదవ్‌ తిరిగి పరిమిత ఓవర్ల సిరీస్‌కు ఎంపికయ్యారు. ఆల్‌రౌండర్‌ కేదార్‌ జాదవ్‌ కూడా వన్డే జట్టులో స్థానం

తెలుగు రాష్ట్రాలు.. ఆసక్తికర చిత్రాలు [06:21]

ఆర్టీసీ బస్సు బోల్తా: 25 మందికి గాయాలు [03:34]

తూర్పుగోదావరి జిల్లా కాకినాడ గ్రామీణ మండల పరిధిలోని అచ్చంపేట కూడలి వద్ద శుక్రవారం తెల్లవారుజామున జరిగిన రోడ్డు ప్రమాదంలో 25 మంది గాయపడ్డారు. పోలీసులు తెలిపిన వివరాల ప్రకారం..  మలికిపురం నుంచి విశాఖ వెళ్తున్న తూర్పుగోదావరి జిల్లా రాజోలు డిపోకు

కొల్హాపూర్‌ ఎక్స్‌ప్రెస్‌ బోగీలో పొగలు [02:00]

మహబూబాబాద్‌ జిల్లా కేసముద్రం-ఇంటికన్నె రైల్వేస్టేషన్ల మధ్య ఓహెచ్‌ఈ (ఓవర్‌ హెడ్‌ ఎక్విప్‌మెంట్‌)తీగ తెగి పోవడంతో మణుగూరు నుంచి కొల్హాపూర్‌ వెళ్లే కొల్హాపూర్‌ ఎక్స్‌ప్రెస్‌ నిలిచిపోయింది. గురువారం రాత్రి...

సియాచిన్‌పై నోరు పారేసుకున్న పాక్‌.. [01:04]

ప్రపంచంలోనే అత్యంత ఎత్తైన యుద్ధ క్షేత్రం సియాచిన్‌పై పాకిస్థాన్‌ వివాదాస్పద వ్యాఖ్యలు చేసింది. సియాచిన్‌ అనేది వివాదాస్పద ప్రాంతమని, అందులో భారత్‌ పర్యాటకుల సందర్శనలను చేపట్టవద్దని పాకిస్థాన్ పేర్కొంది.

భారతీయులపై ఉగ్ర ముద్ర వేసేందుకు కుట్ర [01:04]

ఐరాస భద్రతా మండలితో భారతీయులపై ఉగ్రవాదులుగా ముద్ర వేయించేందుకు పాకిస్థాన్‌ కుట్ర పన్నుతోంది. జైష్‌-ఎ-మహ్మద్‌ చీఫ్‌ మసూద్‌ అజర్‌ను ఐరాస భద్రతా మండలి అంతర్జాతీయ

మమత మంత్రులకు గవర్నర్‌ కౌంటర్‌ [01:04]

తాను చేసే వ్యాఖ్యలపై కాకుండా తమ శాఖలపై దృష్టి సారించాలని పశ్చిమ బెంగాల్‌ గవర్నర్‌ జగదీప్‌ సింగ్‌ ధన్కర్‌ ఆ రాష్ట్ర మంత్రులకు సూచించారు. కొన్నిరోజులుగా మమత........

పీవోకే వ్యక్తిని వదిలిపెట్టిన భారత సైన్యం [01:04]

పాక్‌ ఆక్రమిత కశ్మీర్‌ నుంచి అనుకోకుండా సరిహద్దు దాటి వచ్చిన ఓ వ్యక్తిని భారత సైన్యం గురువారం మానవతా దృక్పథంతో వదిలిపెట్టింది. ఇటీవల అతడిని వదిలేయాలంటూ పీఓకే అధికారులు భారత సైన్యాన్ని సంప్రదించగా వారు అంగీకరించారు.