రాహుల్‌ ఔటయ్యాక.. అదే అనుకున్నాం

సిరీస్‌ గెలిచాక.. రోహిత్‌, కోహ్లీ ఏమన్నారంటే?

బెంగళూరు: ఆస్ట్రేలియాతో జరిగిన మూడో వన్డేలో కేఎల్‌ రాహుల్‌(19) ఔటయ్యాక.. కోహ్లీ, తాను ఇన్నింగ్స్‌ చక్కదిద్దాలని అనుకున్నామని ఓపెనర్‌ రోహిత్‌శర్మ అన్నాడు. ఆసీస్‌ నిర్దేశించిన 287 పరుగుల లక్ష్యాన్ని భారత్‌ 47.3 ఓవర్లలో మూడు వికెట్లు కోల్పోయి ఛేదించింది. రోహిత్‌శర్మ (119; 128 బంతుల్లో 8x4, 6x6), విరాట్‌ కోహ్లీ(89; 91 బంతుల్లో 8x4) అద్భుతంగా ఆడి రెండో వికెట్‌కు విలువైన 137 పరుగుల భాగస్వామ్యం జోడించారు. నిలకడగా ఆడుతూ స్కోరుబోర్డును ముందుకు తీసుకెళ్లారు. దీంతో టీమిండియా విజయానికి గట్టి పునాది వేశారు. భారత్‌ గెలిచాక మ్యాన్‌ ఆఫ్‌ ది మ్యాచ్‌గా ఎంపికైన రోహిత్‌ మాట్లాడుతూ కోహ్లీతో కలిసి భారీ ఇన్నింగ్స్‌ ఆడాలని అనుకున్నట్లు చెప్పాడు.

ఇది నిర్ణయాత్మకమైన మ్యాచ్‌ కావడంతో ఆస్ట్రేలియాను 290లోపు కట్టడి చేయడం మంచిదైందని హిట్‌మ్యాన్‌ అన్నాడు. లక్ష్య ఛేదనలో కేఎల్‌ రాహుల్‌ ఔటయ్యాక ఏం చేయాలనేదానిపై తమకు స్పష్టత ఉందన్నాడు. కోహ్లీ, తాను పెద్ద భాగస్వామ్యం నిర్మించాలని అనుకున్నామని, అందుకు కెప్టెన్‌కు మించిన బ్యాట్స్‌మన్‌ లేడని చెప్పాడు. టీమిండియా వ్యూహంలో ఆ భాగస్వామ్యం ఎంతో కీలకమన్నాడు. ఇద్దరిలో ఒకరు నెమ్మదిగా ఆడుతూ మరొకరు ధాటిగా ఆడాలని మధ్యలో నిర్ణయించుకున్నామని, ఆ విధంగానే 100 పరుగుల భాగస్వామ్యం నిర్మించామన్నాడు. తర్వాత తాను స్వేచ్ఛగా షాట్లు ఆడతానని కోహ్లీతో చెప్పానని, తద్వారా శతకం సాధించానని తెలిపాడు. ఒకవేళ టీమిండియా వికెట్లు కోల్పోయింటే పరిస్థితి మరోలా ఉండేదని రోహిత్‌ అన్నాడు. కీలక మ్యాచ్‌ల్లో ఆసీస్‌ బౌలర్లు సవాలు విసురుతారని, తొలి రెండు మ్యాచ్‌ల్లో ఆడాలనుకున్నది ఈ మ్యాచ్‌లో ఆడానన్నాడు. కాగా, ఈ రోజు 35 ఓవర్ల వరకు ఉండాలనుకున్నట్లు రోహిత్‌ చెప్పుకొచ్చాడు.

ఈ సందర్భంగా మ్యాన్‌ ఆఫ్‌ ది సిరీస్‌గా ఎంపికైన కోహ్లీ మాట్లాడుతూ తమకు మంచి ఆరంభం లభించిందని చెప్పాడు. రోహిత్‌, రాహుల్‌ శుభారంభం ఇచ్చారని, రాహుల్‌ ఔటయ్యాక తామిద్దరం మంచి భాగస్వామ్యం నిర్మించాలనుకున్నామని చెప్పాడు. రాహుల్‌ ఔటయ్యే సమయానికి బంతి తిరుగుతుందని, అలాంటప్పుడు తమ అనుభవంతో ఓపికగా ఆడాలనుకున్నామని కోహ్లీ అన్నాడు. ఆసీస్‌కు వికెట్లు ఇవ్వకపోతే తర్వాత ఓవర్‌కు 7-8 పరుగులు చేయోచ్చనే అనుకున్నామని కోహ్లీ తెలిపాడు. ఆ విధంగా రోహిత్‌ ఈ రోజు బాగా ఆడాడని కెప్టెన్‌ మెచ్చుకున్నాడు. గత నాలుగైదేళ్లుగా తాము ఇలాగే ఆడుతున్నామని, ఒకరు ఆడుతుంటే మరొకరు సహకరించుకోవాలని ముందే ప్రణాళిక రచించుకున్నామని చెప్పాడు. ఏదైమైనా ఆసీస్‌పై పూర్తి ఆధిపత్యం చెలాయించి మ్యాచ్‌ విజయం సాధించాలనే బరిలోకి దిగామన్నాడు.

మరిన్ని

బుమ్రాపై జట్లన్నీఇదే వ్యూహం అమలుచేయొచ్చు! [00:50]

టీమ్‌ఇండియా పేసుగుర్రం జస్ప్రీత్‌ బుమ్రాను కివీస్‌ ఎదుర్కొన్న పద్ధతినే మిగతా జట్లూ అనుసరించే అవకాశముందని ఆ దేశ మాజీ పేసర్‌ షేన్‌బాండ్‌ అన్నాడు. అతడి బౌలింగ్‌లో ఆడటం ప్రమాదకరమని విలియమ్సన్‌ సేన గుర్తించిందని....

ఆ హీరో అంటే క్రష్‌ : రష్మిక [00:48]

రష్మిక మంథాన ఇటీవల టాలీవుడ్‌లో బాగా బిజీ అయిపోయిన హీరోయిన్‌. హీరో నితిన్‌తో కలిసి ఆమె నటించిన ‘భీష్మ’ త్వరలోనే అభిమానుల ముందుకు రానుంది. ఈ సినిమా ప్రమోషన్‌లో భాగంగా ఓ ఇంటర్వ్యూలో పాల్గొన్న రష్మిక పలు ఆసక్తికర...

హాల్‌టికెట్‌ రూపంలో పెళ్లి పత్రిక! [00:47]

ఓ జంట తమ వివాహ వేడుకల సందర్భంగా విద్యార్థులకు ధైర్యం చెప్పేందుకు వినూత్న ప్రయత్నం చేశారు.

చంద్రబాబు భద్రతలో మార్పుల్లేవు: డీజీపీ కార్యాలయం [01:43]

తెదేపా అధినేత, ఆంధ్రప్రదేశ్‌ మాజీ ముఖ్యమంత్రి చంద్రబాబు నాయుడు భద్రతలో ఎలాంటి మార్పులు జరగలేదని డీజీపీ కార్యాలయం ప్రకటించింది. దేశంలోనే అత్యంత హై-సెక్యూరిటీని

గూగుల్‌ ఎర్త్‌ వ్యూలో భారత్‌ దృశ్యాలు [00:56]

గూగుల్‌ ఎర్త్‌ వ్యూలో మన దేశానికి చెందిన 35 వివిధ ప్రాంతాల వివరాలు కూడా చోటు దక్కించుకోవటం విశేషం.

ట్రంప్‌ కోసం ముస్తాబవుతోన్న తాజ్‌మహల్‌ [00:55]

లక్నో: మొదటిసారిగా భారత్‌ పర్యటనకు రానున్న అమెరికా అధ్యక్షుడు డొనాల్డ్‌ ట్రంప్‌ కోసం ప్రపంచ ప్రఖ్యాతిగాంచిన తాజ్‌మహల్‌ ముస్తాబవుతోంది. భారత ప్రధాని నరేంద్రమోదీ ఆహ్వానం మేరకు ఈ నెల 24, 25తేదీల్లో రెండు రోజుల పాటు అమెరికా అధ్యక్షుడు భారత్‌లో పర్యటించనున్నారు.

అసత్యప్రచారాలపై యూఏపీఏ కేసులు [00:55]

శ్రీనగర్‌: జమ్మూ కశ్మీర్‌లో సామాజిక మాథ్యమాలపై ఆంక్షలున్న నేపథ్యంలో అక్కడి పోలీసులు కఠినంగా వ్యవహరిస్తున్నారు. వీటిని దుర్వినియోగపరిస్తే కఠిన చర్యలు తప్పవని ముందునుంచి హెచ్చరిస్తూనే ఉన్నారు.

బ్రిటిష్‌ ఎంపీ వీసా రద్దు అందుకే..  [00:55]

భారత వ్యతిరేక కార్యకలాపాలకు పాల్పడినందు వల్లే బ్రిటన్‌ లేబర్‌ పార్టీ పార్లమెంట్‌ సభ్యురాలు డెబీ అబ్రహాంకు వీసా రద్దు చేసినట్లు ప్రభుత్వ వర్గాలు మంగళవారం వెల్లడించాయి.

మైక్రోసాఫ్ట్‌ ఆఫీస్‌ ‘ఆల్‌ఇన్‌ వన్‌’ యాప్‌..! [00:54]

ప్రముఖ సాఫ్ట్‌వేర్‌ దిగ్గజం మైక్రోసాఫ్ట్‌ తమ వినియోగదారులకు శుభవార్త చెప్పింది. వినియోగదారులు వివిధ రకాల ఫైల్స్‌ను ఎడిట్‌, ఫార్మాట్‌ చేసుకోవడానికి.. వర్డ్‌, ఎక్సెల్‌, పవర్‌పాయింట్‌ యాప్స్‌ ప్రత్యేకంగా ఇన్‌స్టాల్‌ చేసుకునే పద్ధతికి...

ఎల్‌ఐసీ ఐపీవో ప్రతిపాదనలు ఇంకా రాలేదు..! [00:54]

ఎల్‌ఐసీ నుంచి ఇప్పటి వరకు ఎటువంటి ఐపీవో ప్రతిపాదనలు అందలేదని బీమా రంగ సంస్థ రెగ్యూలేటరీ ఐఆర్‌డీఏ తెలిపింది. ఈ విషయాన్ని ఆ సంస్థ ఛైర్మన్‌ ఎస్‌సీ కుంతియా మంగళవారం వెల్లడించారు. నష్టాలు తెచ్చే ప్రొడక్ట్‌ల నుంచి బీమా రంగ కంపెనీలు పక్కకు రావాలని ఆయన సూచించారు. బడ్జెట్‌లో ఆర్థిక మంత్రి ప్రకటనపై స్పందిస్తూ