కార్స్‌24లో ఎంఎస్‌ ధోనీ పెట్టుబడి

ముంబయి: టీమిండియా మాజీ సారథి మహేంద్రసింగ్ ధోనీ మరో వ్యాపారంలో అడుగుపెట్టాడు. గురుగ్రామ్‌ కేంద్రంగా నడిచే కార్స్‌24 సంస్థలో పెట్టుబడి పెట్టాడు. తమ బ్రాండ్‌ విలువను పెంచుకొనేందుకు, దేశవ్యాప్తంగా వినియోగదారులకు మరింత చేరువయ్యేందుకు ఆయనతో వ్యూహాత్మక భాగస్వామ్య ఒప్పందం కుదుర్చుకున్నామని కార్స్‌24 వెల్లడించింది. ఆ సంస్థలో ధోనీ కొంతమేర వాటా సొంతం చేసుకోవడమే కాకుండా ప్రచారకర్తగా వ్యవహరిస్తాడు. ఐతే మహీ పెట్టుబడి విలువెంతో బహిర్గతం చేయలేదు.

‘కార్స్‌24 ప్రయాణంలో భాగమైనందుకు చాలా ఆనందంగా ఉంది. కార్ల విషయాన్ని పక్కన పెడితే సృజనాత్మక, నవ కల్పనలు చేసే కొత్తతరం సంస్థలను నేనెంతో ఇష్టపడతాను. కార్స్‌24 అందులో ఒకటి. వారికెన్నో భారీ లక్ష్యాలు ఉన్నాయి. వాటిని చేరుకొనేందుకు నావంతు సహాయం చేస్తా’ అని ధోనీ అన్నాడు.

‘కార్స్‌24 కుటుంబంలోకి మహీని స్వాగతించేందుకు ఎంతో ఆత్రుతగా ఉన్నాం. చాలామంది భారతీయులకు ఆయన రోల్‌మోడల్‌. తన నాయకత్వ ప్రతిభతో భారత క్రికెట్‌ చరిత్రలో గొప్ప సారథిగా పేరుపొందాడు. కార్స్‌24లోనూ ఆయన పాటించిన విలువలే పాటిస్తాం. అందుకే మా భాగస్వామ్యం స్వచ్ఛమైంది. సహజమైంది. మేమంతా కార్లంటే పడిచస్తాం’ అని కార్స్‌24 సీఈవో విక్రమ్‌ చోప్రా అన్నారు. 2021 కల్లా 300+ టైర్‌ 2, టైర్‌ 3 పట్టణాల్లో ఫ్రాంచైజీలు విస్తరించాలని ఆ సంస్థ లక్ష్యంగా పెట్టుకుంది. పాత కార్ల కొనుగోలు, విక్రయాలకు దేశంలోని అతిపెద్ద వేదికల్లో కార్స్‌24 ఒకటి.

మరిన్ని

Airtel: ఔట్‌గోయింగ్‌ కాల్స్‌పై పరిమితి ఎత్తివేత [01:22]

ఇతర నెట్‌వర్కులకు చేసే కాల్స్‌ విషయంలో తన అన్‌లిమిటెడ్‌ ప్లాన్లలో ఉన్న పరిమితిని ఎత్తివేస్తూ టెలికాం ఆపరేటర్‌ భారతీ ఎయిర్‌టెల్‌ నిర్ణయం తీసుకుంది. డిసెంబర్‌ 3 నుంచి......

ఉత్పత్తి పెంచిన మారుతీ సుజుకీ [16:02]

ప్రముఖ వాహన తయారీ కంపెనీ మారుతీ సుజుకీ ఇండియా (ఎంఎస్‌ఐ) వాహనాల ఉత్పత్తిని పెంచింది. నవంబర్‌లో 4.33 శాతం మేర అదనంగా...

పీఎంవోలో అధికారాలు కేంద్రీకృతం [18:08]

దేశం ఆర్థిక మాంద్యం ఎదుర్కొంటున్న వేళ.. కేంద్ర ప్రభుత్వం అనుసరిస్తు్న్న విధానాలపై ఆర్‌బీఐ మాజీ గవర్నర్‌ రఘురాం రాజన్‌ విమర్శలు చేశారు. దేశ ఆర్థిక వ్యవస్థను గట్టెక్కించే....

 మా ప్లాన్లే చౌక: జియో [17:12]

ఇతర నెట్‌వర్క్‌కు చేసే కాల్స్‌ విషయంలో విధించిన పరిమితి.. సాధారణ వినియోగదారుడి అవసరాల కంటే 5 రెట్లు ఎక్కువగానే తాము అందిస్తున్నామని ప్రముఖ టెలికాం సంస్థ జియో తెలిపింది. కాబట్టి వినియోగదారుడు....

నాటి చేతక్‌.. నేటి పల్సర్‌.. ఈయన కృషే..! [14:01]

స్వదేశీ అంటే ఏమిటో లోకానికి చాటి చెప్పినవాడు.. విదేశీ విసిరిన సవాల్‌కు జవాబు చెబుతున్నవాడు.. ఈక్రమంలో ప్రభుత్వాలతో సైతం ఎదురొడ్డినవాడు.. ప్రత్యక్ష రాజకీయాలతో పెద్దగా సంబంధం లేకపోయినా.. సమకాలీన పరిస్థితులపై ప్రభుత్వాన్ని ప్రశించడానికి ఏమాత్రం వెనకాడని వాడు.. సాధారణ జనాల్లో ‘హమారా బజాజ్‌’గా ప్రసిద్ధి చెందిన వాడు..

ఎయిర్‌టెల్‌ మొబైల్‌యాప్‌లో భద్రతా లోపం [01:22]

ప్రముఖ టెలికాం సంస్థ ఎయిర్‌టెల్‌కు చెందిన మొబైల్‌ యాప్‌లో తీవ్రమైన భద్రతా లోపం తలెత్తింది. అయితే సరైన సమయంలో దాన్ని గుర్తించి సరిచేయడంతో పెద్ద సంఖ్యలో యూజర్‌ డేటా లీక్ ముప్పు తప్పినట్టు

ఆదాయపు పన్ను తగ్గిస్తారా? [01:22]

ఆర్థిక వ్యవస్థను పరుగులు పెట్టించేందుకు ప్రభుత్వం మరిన్ని చర్యలు చేపట్టనుందని కేంద్ర ఆర్థిక మంత్రి నిర్మలా సీతారామన్‌ అన్నారు. ఆదాయపు పన్ను హేతుబద్ధీకరణ అంశం కూడా అందులో ఒకటని చెప్పారు. ‘హిందుస్థాన్‌ టైమ్స్‌’ లీడర్‌.....

వాట్సప్‌లో కాల్‌ వెయిటింగ్‌ ఫీచర్‌ [01:22]

వాట్సప్‌లో మరో కొత్త ఫీచర్‌ వచ్చింది. ఇప్పటి వరకు వాట్సప్‌ కాల్‌లో మనం ఎవరితోనైనా సంభాషిస్తున్నప్పుడు ఇతరులెవరైనా వాట్సప్‌ కాల్‌ చేస్తే అవతలి కాల్‌ ఆటోమేటిక్‌గా కట్‌ అయిపోయేది.