పాక్‌ మంత్రికి బుద్ధి చెప్పిన హర్‌సిమ్రత్‌ కౌర్‌!

చండీగఢ్‌: ఎన్నిమార్లు చెప్పినా, చేసే పనులకు అంతర్జాతీయంగా మద్దతు కొరవడినా.. పాకిస్థాన్‌ తీరులో మాత్రం మార్పు రావడం లేదు. పదే పదే భారత్‌పై విషం వెళ్లగక్కుతూనే ఉంది. అక్కడి మంత్రులు నోరు పారేసుకుంటూనే ఉన్నారు. తాజాగా ఆ దేశ మంత్రి ఫవాద్‌ చౌదరి భారత పంజాబ్‌ సైనికులపై చేసిన వ్యాఖ్యల్ని కేంద్ర మంత్రి హర్‌సిమ్రత్‌ కౌర్ తిప్పికొట్టారు. మాకు మీ నుంచి పాఠాలు నేర్చుకోవాల్సిన అవసరం లేదంటూ బుద్ధి చెప్పారు. మంగళవారం ఫవాద్‌ ట్విటర్‌ వేదికగా.. కశ్మీర్‌లో విధులు నిర్వర్తించడానికి భారత్‌లోని పంజాబ్‌ సైనికులు నిరాకరించాలని అనుచిత సలహాలు ఇచ్చే ప్రయత్నం చేశారు. ఈ వ్యాఖ్యలపై తీవ్రంగా స్పందించిన హర్‌సిమ్రత్‌ కౌర్‌..‘‘కశ్మీర్‌లో పంజాబ్‌ సైనికులు విధులు నిర్వర్తించొద్దంటూ పాక్‌ మంత్రి చేసిన వ్యాఖ్యలు వారి అసహనం, కుయుక్తులకు నిదర్శనం. దేశం కోసం ప్రాణత్యాగానికైనా వెనుకాడని పంజాబ్‌ సైనికులు గొప్ప దేశభక్తులు. ఫవాద్‌ చౌదరి.. మీ నుంచి పాఠాలు నేర్చుకోవాల్సిన అవసరం మాకు లేదు’’ అని ట్విటర్‌ వేదికగా దీటుగా సమాధానం ఇచ్చారు. 

ఫవాద్‌ వ్యాఖ్యల పట్ల హర్‌సిమ్రత్‌ కౌర్‌తో పాటు భారత్‌లోని ప్రముఖ నాయకులు, నెటిజన్లు తీవ్ర ఆగ్రహం వ్యక్తం చేశారు. పంజాబ్‌ ముఖ్యమంత్రి అమరీందర్‌ సింగ్‌ స్పందిస్తూ.. భారత అంతర్గత విషయాల్లో జోక్యం చేసుకోవడం ఆపేయాలని తేల్చి చెప్పారు. అయినా పాక్‌ మంత్రికి జ్ఞానోదయం కాలేదు. తిరిగి అర్థంపర్థం లేని ట్వీట్లు చేసే ప్రయత్నం చేయగా.. నెటిజన్లు గట్టిగా బదులిచ్చి నోరు మూయించే ప్రయత్నం చేశారు.

మరిన్ని

పరీక్ష రాస్తుండగా ఇన్విజిలేటర్‌ అసభ్య ప్రవర్తన [06:59]

ఇంజినీరింగ్‌ విద్యార్థినితో ఓ ఇన్విజిలేటర్‌ అసభ్యంగా ప్రవర్తించాడు. కరీంనగర్‌ జిల్లా తిమ్మాపూర్‌  మండలంలో ఈ ఘటన జరిగింది. స్థానికంగా ఓ ఇంజినీరింగ్‌   

కేసీఆర్‌కు రసాయనాల సీసా పార్శిల్‌ [07:13]

అది సికింద్రాబాద్‌ ప్రధాన తపాలా కార్యాలయం.. అక్కడ ఒకే తరహా పెట్టెలు అరవైకి పైగా ఉన్నాయి. వాటి నుంచి విపరీతమైన దుర్వాసన వస్తోంది. వాటిపై బట్వాడా చేయాల్సిన చిరునామాలను చూసి సిబ్బంది నిర్ఘాంతపోయారు.

నోట్లపై నంబర్లు దొంగను పట్టించాయి [07:24]

పెట్టిన డబ్బులు పెట్టినట్టే పోతున్నాయి. అనుమానించిన యజమాని ఈ సారి నోట్లపై నంబర్లను ముందుగానే రాసిపెట్టుకున్నాడు. ...

మధ్య ప్రదేశ్‌ మాజీ సీఎం కన్నుమూత [09:16]

మధ్య ప్రదేశ్‌ మాజీ ముఖ్యమంత్రి, భాజపా సీనియర్‌ నేత బాబులాల్‌ గౌర్‌(89) కన్నుమూశారు. గత కొంతకాలంగా అనారోగ్యంతో బాధపడుతున్న ఆయన బుధవారం .......

అల్లు అర్జున్‌ కూతురి ‘ఫసక్‌’ డైలాగ్‌ చూశారా! [09:05]

ప్రతి మనిషి జీవితంలో అత్యంత మధురమైన సమయం ఇంట్లో పిల్లలు ఎదుగుతూ ఉంటే చూస్తూ ఆస్వాదించడం. ఎన్ని కోట్లు ఖర్చు పెట్టినా అది దొరకదు...

టాప్‌ 10 న్యూస్ @ 9 AM [09:01]

‘వేదిక ఏదైనా సరే..పాక్‌ను ఎదుర్కొంటాం’ [08:50]

కశ్మీర్ విషయంలో పాక్‌ వైఖరిని ఏ వేదికపైన ఎండగట్టడానికైనా భారత్‌ సిద్ధంగా ఉందని ఐరాసలో శాశ్వత ప్రతినిధి సయ్యద్‌ అక్బరుద్దీన్‌ అన్నారు. కశ్మీర్‌పై భారత్‌ తీసుకున్న నిర్ణయం పట్ల అనవసర రాద్దాంతానికి దిగుతున్న పాక్‌ చివరకు అంతర్జాతీయ..................

పందెంలో పావురాలు! [08:43]

కోళ్ల పందేలు.. ఎద్దుల పోటీలు చాలా చూశాం. మరి పావురాల పోటీ పెడితే ఎలా ఉంటుంది? చెన్నైలో అదే చేశారు. ...

ఫర్నిచరైనా.. డబ్బులైనా ఇచ్చేస్తా [08:32]

హైదరాబాద్‌లోని పాత అసెంబ్లీలో స్పీకర్‌ కార్యాలయంలోని ఫర్నిచర్‌ను అక్కడే వదిలేస్తే నిర్వహణ లేక పాడవుతుందని...

గంజాయి అమ్మిన చేతులతో ఉప్పు వ్యాపారం [08:22]

గంజాయి వ్యాపారిలో పరివర్తన తీసుకొచ్చి కొత్త జీవితం ప్రారంభించడానికి తోడ్పాటు అందించారు మదురై పోలీసులు.....