శ్రద్ధ కోసం ‘ఆర్‌ ఆర్‌ ఆర్‌’లో మార్పులు?

హైదరాబాద్‌: బాలీవుడ్‌ భామ శ్రద్ధా కపూర్‌ కోసం ‘ఆర్‌ ఆర్‌ ఆర్‌’ చిత్రంలో మార్పులు చేయబోతున్నారా? అవుననే అంటున్నాయి టాలీవుడ్‌ వర్గాలు. దర్శకధీరుడు ఎస్‌.ఎస్‌ రాజమౌళి ప్రతిష్ఠాత్మకంగా తెరకెక్కిస్తున్న ‘ఆర్‌ ఆర్‌ ఆర్’ చిత్రంలో రామ్‌చరణ్‌, ఎన్టీఆర్‌ ప్రధాన పాత్రల్లో నటిస్తున్నారు. చరణ్‌కు జోడీగా బాలీవుడ్‌ నటి ఆలియా భట్‌, తారక్‌కు జోడీగా బ్రిటిష్‌ నటి డైసీ ఎడ్గార్‌జోన్స్‌ నటించాల్సి ఉంది. కానీ కొన్ని కారణాల వల్ల డైసీ సినిమా నుంచి తప్పుకొన్నారు. 
ఆమె స్థానంలో శ్రద్ధను ఎంపికచేయబోతున్నట్లు వార్తలు వెలువడుతున్నాయి. అంతేకాదు.. శ్రద్ధ కోసం స్క్రిప్ట్‌లో మార్పులు చేస్తున్నట్లు తెలుస్తోంది. ఒకవేళ సినిమాకు శ్రద్ధా కపూర్‌ డేట్స్‌ కుదరకపోతే.. పరిణీతి చోప్రాను ఎంపిక చేసుకోవాలని చిత్రబృందం అనుకుంటోందట. అయితే.. ఈ సినిమాలో స్వాతంత్ర్యానికి ముందు జరిగిన సంఘటనలను చూపించబోతున్నారు కాబట్టి.. తారక్‌కు జోడీగా బ్రిటిష్‌ నటినే ఎంపికచేసుకోవాల్సి ఉందట.
‘ఇప్పటికిప్పుడు డైసీకి బదులు మరో బ్రిటిష్‌ నటిని తీసుకురావడం కుదరదు. ఇందుకోసం క్యాస్టింగ్‌ ఏజెన్సీలతో మాట్లాడాలి. అదో పెద్ద ప్రక్రియ. అందుకే చిత్రబృందం భారతీయ నటీమణులనే ఎంపిక చేసుకోవాలని అనుకుంటోంది. వారికి తగ్గట్టుగా స్క్రిప్ట్‌లో మార్పులు చేస్తున్నారు’ అని దక్షిణాది వర్గాలు తెలిపాయి. 
అయితే చిత్రబృందం నుంచి మాత్రం కథానాయిక విషయం గురించి ఎలాంటి ప్రకటన రాలేదు. ‘ఆర్‌ ఆర్‌ ఆర్’ చిత్రంలో చరణ్‌ అల్లూరి సీతారామరాజు పాత్రలో, తారక్‌ కొమరం భీమ్ పాత్రల్లో నటిస్తున్నారు. అజయ్‌ దేవగణ్‌ కీలక పాత్ర పోషించనున్నారు. 2020 జులై 30న సినిమా ప్రపంచవ్యాప్తంగా ప్రేక్షకుల ముందుకు రానుంది.

మరిన్ని

పరీక్ష రాస్తుండగా ఇన్విజిలేటర్‌ అసభ్య ప్రవర్తన [06:59]

ఇంజినీరింగ్‌ విద్యార్థినితో ఓ ఇన్విజిలేటర్‌ అసభ్యంగా ప్రవర్తించాడు. కరీంనగర్‌ జిల్లా తిమ్మాపూర్‌  మండలంలో ఈ ఘటన జరిగింది. స్థానికంగా ఓ ఇంజినీరింగ్‌   

కేసీఆర్‌కు రసాయనాల సీసా పార్శిల్‌ [07:13]

అది సికింద్రాబాద్‌ ప్రధాన తపాలా కార్యాలయం.. అక్కడ ఒకే తరహా పెట్టెలు అరవైకి పైగా ఉన్నాయి. వాటి నుంచి విపరీతమైన దుర్వాసన వస్తోంది. వాటిపై బట్వాడా చేయాల్సిన చిరునామాలను చూసి సిబ్బంది నిర్ఘాంతపోయారు.

నోట్లపై నంబర్లు దొంగను పట్టించాయి [07:24]

పెట్టిన డబ్బులు పెట్టినట్టే పోతున్నాయి. అనుమానించిన యజమాని ఈ సారి నోట్లపై నంబర్లను ముందుగానే రాసిపెట్టుకున్నాడు. ...

మధ్య ప్రదేశ్‌ మాజీ సీఎం కన్నుమూత [09:16]

మధ్య ప్రదేశ్‌ మాజీ ముఖ్యమంత్రి, భాజపా సీనియర్‌ నేత బాబులాల్‌ గౌర్‌(89) కన్నుమూశారు. గత కొంతకాలంగా అనారోగ్యంతో బాధపడుతున్న ఆయన బుధవారం .......

అల్లు అర్జున్‌ కూతురి ‘ఫసక్‌’ డైలాగ్‌ చూశారా! [09:05]

ప్రతి మనిషి జీవితంలో అత్యంత మధురమైన సమయం ఇంట్లో పిల్లలు ఎదుగుతూ ఉంటే చూస్తూ ఆస్వాదించడం. ఎన్ని కోట్లు ఖర్చు పెట్టినా అది దొరకదు...

టాప్‌ 10 న్యూస్ @ 9 AM [09:01]

‘వేదిక ఏదైనా సరే..పాక్‌ను ఎదుర్కొంటాం’ [08:50]

కశ్మీర్ విషయంలో పాక్‌ వైఖరిని ఏ వేదికపైన ఎండగట్టడానికైనా భారత్‌ సిద్ధంగా ఉందని ఐరాసలో శాశ్వత ప్రతినిధి సయ్యద్‌ అక్బరుద్దీన్‌ అన్నారు. కశ్మీర్‌పై భారత్‌ తీసుకున్న నిర్ణయం పట్ల అనవసర రాద్దాంతానికి దిగుతున్న పాక్‌ చివరకు అంతర్జాతీయ..................

పందెంలో పావురాలు! [08:43]

కోళ్ల పందేలు.. ఎద్దుల పోటీలు చాలా చూశాం. మరి పావురాల పోటీ పెడితే ఎలా ఉంటుంది? చెన్నైలో అదే చేశారు. ...

ఫర్నిచరైనా.. డబ్బులైనా ఇచ్చేస్తా [08:32]

హైదరాబాద్‌లోని పాత అసెంబ్లీలో స్పీకర్‌ కార్యాలయంలోని ఫర్నిచర్‌ను అక్కడే వదిలేస్తే నిర్వహణ లేక పాడవుతుందని...

గంజాయి అమ్మిన చేతులతో ఉప్పు వ్యాపారం [08:22]

గంజాయి వ్యాపారిలో పరివర్తన తీసుకొచ్చి కొత్త జీవితం ప్రారంభించడానికి తోడ్పాటు అందించారు మదురై పోలీసులు.....